આ સપ્તાહમાં શેરબજાર રેન્જબાઉન્ડ રહી શકે

નવી દિલ્હી તા.9
આજથી શરૂ થતાં સપ્તાહે શેરબજાર સારા અને ખરાબ સમાચારોને ડિસ્કાઉન્ટ કરીને રેન્જબાઉન્ડ રહેવાની ધારણા છે. નિફ્ટી 11,800-12,200 અને બીએસઇ સેન્સેક્સ 40,000-41,000ની રેન્જમાં રહેવાની ધારણા છે. વિતેલા સપ્તાહે બીએસઇ સેન્સેક્સ 348.66 પોઈન્ટ્સ અથવા 0.85 ટકા ઘટીને 40,445.15 પોઈન્ટ્સ જ્યારે નિફ્ટી 134.66 પોઈન્ટ્સ અથવા 1.12 ટકા ગગડીને 11,921.50 પોઈન્ટ્સની સપાટીએ બંધ રહ્યો હતો.
બીએસઇ100, બીએસઇ200 અને બીએસઇ 500 વગેરે જેવા બ્રોર્ડર ઈન્ડાઇસિસ અનુક્રમે 1.39 ટકા, 1.44 ટકા અને 1.47 ટકા ઘટ્યા હતા. સૂચિતગાળામાં બીએસઇ મિડકેપ 2.77 ટકા જ્યારે બીએસઇ સ્મોલકેપ 1.63 ટકા ઘટ્યા હતા. ગયા ગુરુવાર સુધી માર્કેટ ફ્લેટ રહ્યું હતું પણ શુક્રવારે બજારમાં ભારે ઘટાડો જોવા મળ્યો હતો.
ગયા ગુરુવારે રિઝર્વ બેન્કની મોનેટરી પોલિસી કમિટીએ સર્વાનુમતે વ્યાજદર યથાવત જાળવી રાખવાનો નિર્ણય કર્યો હતો. ગુરુવારે આરબીઆઇની પોલિસી બેઠકની જાહેરાત બાદ શેરબજાર સાધારણ ઘટ્યું હતું પણ શુક્રવારે હવે છેલ્લી સમીક્ષા બેઠકમાં પણ મધ્યસ્થ બેન્ક વ્યાજદર નહીં ઘટાડે તેવા ભયે શેરબજારમાં ભારે વેચવાલી જોવા મળી હતી.ડાઉ જોન્સ પણ 36.35 પોઈન્ટ્સ અથવા 0.13 ટકા ઘટીને

28,015.06 પોઈન્ટ્સની સપાટીએ બંધ રહ્યો હતો. અમેરિકન ડોલર સામે ભારતીય ચલણ રૂપિયો 55 પૈસાના સુધારા સાથે 71.19 થયો હતો.
ભારતમાં સ્લોડાઉનની ભારે ચર્ચા વચ્ચે તમામ લોકોએ વિશ્વભરની હેડલાઈનો પર પણ નજર નાખવી જોઈએ. બ્રિટન હાલમાં મૂડીરોકાણમાં 17 વર્ષની નીચી સપાટી દર્શાવી રહ્યું છે. જર્મનીનું અર્થતંત્ર પણ નેગેટિવ ગ્રોથ બતાવી રહ્યું છે. ફ્રાન્સની ઉદ્યોગોનો વૃદ્ધિદર પણ હાલમાં ઘટાડો જોવા મળી રહ્યો છે.
ચીનમાં ઉત્પાદન આંક 15.5 વર્ષના તળિયે છે. સિંગાપોર જેવો ટ્રેડિંગ આધારિત દેશ પણ હાલમાં મંદી ચાલી રહી છે. સિંગાપોરે ચાલુ વર્ષનો જીડીપીનો અંદાજ ઘટાડીને 0થી 1 ટકા કર્યો હતો.
આ તમામ સંદર્ભ ટાંકવાનું કારણ ભારત જ માત્ર સ્લોડાઉનનો સોમનો નથી કરી રહ્યું તેવું દર્શાવવાનો નથી પણ, પરિસ્થિતિ ખરાબ છે અને વિશ્વભરમાં આ સમસ્યા ચાલી રહી છે તે ખ્યાલ રજૂ કરવાનો છે.
પ્રાયમરી માર્કેટમાં ઉજ્જિવન સ્મોલ ફાઈનાન્સ બેન્કનો ઈંઙઘ 170.29 ગણો છલકાઈ ગયો છે. સીએસબીના આઇપીઓમાં રોકાણકારોને લાભ થયો હતો. 195ની મૂળકિંમત ધરાવતા આ શેરનું 105,10 અથવા 53.90 ટકાના ઉછાળા સાથે લિસ્ટિંગ થયું હતું. જોકે, બીજા દિવસે તેમાં વેચવાલી જોવા મળી હતી.
સાઉદીની કંપની અરામ્કોનો મેગા આઇપીઓ પણ યોજાયો હતો અને આ સાથે 3 અબજ શેર્સના આ ઈશ્યૂનું બજાર મૂડીકરણ 1.7 ટ્રિલિયન ડોલર થયું હતું અને આ સાથે કંપની અલિબાબાને પાછળ પાડીને સૌથી મોટી કેપિટલ ધરાવતી કંપની બનશે. 11 ડિસેમ્બરથી આ કંપનીના શેરનું ટ્રેડિંગ શરૂ થશે અને ત્યારબાદ તેમાં વધારો જોવા મળશે.
આગામી સપ્તાહે શેરબજારમાં બે તરફી વધઘટની શક્યતા છે. એફઆઇઆઇએ બે દિવસ વેચવાલી કરી હતી પણ અન્ય દિવસોમાં તેમના દ્વારા લેવાલી પણ કરવામાં આવી હતી. ભારતીય માર્કેટમાં તેમનો રસ યથાવત રહ્યો હોવાની તે સાબિતી આપે છે. 2019ના અંતે એફઆઇઆઇ બિગ બાયર બની રહે તેવી ધારણા છે.

રિલેટેડ ન્યૂઝ