Connect with us

ગુજરાત

ભુજના પોલીસ કર્મચારીની રાજસ્થાનમાંથી લાશ મળી

Published

on


જી.ઇ.બી.ના કમ્પાઉન્ડમાં આવેલા ગુજરાત ઊર્જા વિકાસ નિગમ લિમિટેડ (જી. યુ. વી. એન. એલ.) પોલીસ સ્ટેશનમાં છેલ્લા ત્રણ વર્ષથી એ.એસ.આઇ. તરીકે ફરજ બજાવતા યુવા પોલીસ કર્મચારી ચતુરસિંહ ભવરસિંહ ભાટી (ઉ.વ. 48)નું આજે સવારે માદરે વતન રાજસ્થાનના સૈલારી ગામના ટાપુ ગામની નદીમાં મૃતદેહ મળ્યાના સમાચાર કચ્છમાં મળતાં ચકચાર પ્રસરી ગઇ છે . ભુજના પ્રમુખસ્વામી નગરમાં રહેતા અને ધાર્મિક – સામાજિક પ્રવૃત્તિમાં ભાગ લઇને બહોળું મિત્રવર્તુળ ધરાવતા ચતુરસિંહના પિતા પણ પોલીસ ખાતામાં ફરજ બજાવતા હતા . મળેલી માહિતી પ્રમાણે સન 1996 માં પોલીસ ખાતામાં ભરતી થયા અને 28 વર્ષથી ફરજ બજાવતા હતા. આકસ્મિક મૃત્યુ અંગે પૃચ્છા કરતાં હજુ ચોક્કસ કારણ સામે નથી આવ્યું, પણ જમીન બાબત અને અંગત અદાવતના કારણે ખૂન થયું હોવાની ચર્ચા થવા મંડી હતી.


દિવસની રજામાં અને પરિવારના વડીલ સદસ્યની મરણવિધિમાં આ પોલીસ કર્મી સામેલ થવા વતન ગયા હતા. મોટાભાઇ કરણસિંહ શિક્ષક અને નાનાભાઇ ચંદ્રસિંહે એક સારા પેન્ટર તરીકે ભુજમાં નામના મેળવી છે અને પેન્ટર બાપુ તરીકે ઓળખાય છે. પોલીસબેડાંમાં શોકનું મોજું ફરી વળ્યું છે.

ક્રાઇમ

લગ્નપ્રસંગમાં વ્યવહાર કરવા લીધેલી લોનનાં હપ્તા ભરવા શખ્સ મંદિરમાંથી ચોરી કરવા લાગ્યો’તો

Published

on

By

રાજકોટ અને તેની આજુબાજુમાં આવેલા 16થી વધુ મંદિરોમાંથી ચાંદીના છતરની ચોરી કરી તરખાટ મચાવી દેનાર આરોપી મયુર શાંતિલાલ ગોંઢા (ઉ.વ.33, રહે. ભગીરથ સોસાયટી-4, સંત કબીર રોડ)ને કુવાડવા રોડ પોલીસે ઝડપી લઈ તપાસ આગળ ધપાવી છે.કુવાડવા રોડ પોલીસની હદમાં મંદિરોમાંથી ચોરી થઈ રહ્યાની ફરિયાદો ઉઠયા બાદ પીઆઈ વી.આર. રાઠોડ અને પીએસઆઈ એમ.જે.વરુએ તપાસ આગળ ધપાવી આરોપીને ઝડપી લીધો હતો.


આરોપીએ અત્યાર સુધીમાં જે-જે મંદિરોમાં ચોરી કરી તેમાં બેડી ગામે બે મુખવાળા મેલડી માતાજીના મંદિર, બેડી ગામે જ મોમાઈ માતાજીના મઢ, નવાગામ-આણંદપર ગામે ખોડીયાર માતાજીના મંદિર અને ઢાંઢણી ગામે મોગલ માતાના મંદિરનો સમાવેશ થાય છે. આ ચારેય મંદિર ચોરી અંગે ફરિયાદો નોંધાઈ છે.આ સિવાય આરોપીએ કુવાડવા રોડ પોલીસ મથકની હદમાં 3 અને આજી ડેમ પોલીસ મથકની હદમાં 1 મળી કુલ 4 મંદિર ચોરીની ફરિયાદો નોંધાઈ હતી.આ સિવાય આરોપીએ ફરિયાદ ન નોંધાઈ હોય તેવા 16થી વધુ મંદિરોમાં ચોરીની કબુલાત આપી હતી.


આરોપી પાસેથી પોલીસે રૂા.43,880નો મુદ્દામાલ કબજે કર્યો છે.પોલીસે જણાવ્યું કે આરોપીએ સગાઓના લગ્ન પ્રસંગમાં વ્યવહાર કરવા માટે લોન લીધી હતી.જેના હપ્તા ભરવા માટે ફેબ્રુઆરીથી મંદિરમાં ચોરીઓ શરૂૂ કરી હતી.આરોપી અગાઉ ઈમિટેશનનું કામ કરતો હતો. આ સમગ્ર ઘટનામાં પોલીસે જણાવ્યું હતું કે, તસ્કર મયુરે રાજકોટનાં 10 ગામોનાં 16 થી વધુ મંદિરોમાંથી ચોરી કરી હતી. તેમજ જ્યારે દર્શનાર્થીઓ મંદિરમાં ન હોય ત્યારે ચોરી ને અંજામ આપતો પરંતુ સીસીટીવીમાં આવી જતાં પોલીસે ઓળખ મેળવી અને દબોચી લઈ પુછપરછ કરતાં ભાંગી પડી ચોરીની કબુલાત આપી હતી.

Continue Reading

ગુજરાત

નીટ પીજીની પરીક્ષામાં થયેલી ગેરરીતિની તપાસ CBIને હવાલે

Published

on

By


ગત તારીખ 5 મે, 2024ના રોજ લેવાયેલી NEET UG – 2024ની પરીક્ષામાં ગેરરીતિઓ થઇ હોવાના સમાચાર વહેતા થયા હતા.
ત્યાર બાદ ડાયરેક્ટર, ડિપાર્ટમેન્ટ ઓફ હાયર એજ્યુકેશન ભારત સરકાર દ્વારા પોલીસ ફરિયાદ કરવામાં આવી હતી. જેમાં 8 મેના રોજ એક ફરિયાદ ગોધરામાં પણ નોંધાઇ હતી. આ સમગ્ર બાબતમાં વિસ્તૃત તપાસ થઈ શકે તેવા હેતુથી ગોધરા તાલુકા પોલીસ મથકમાં નોંધાયેલી FIRની તપાસ પણ રાજ્ય સરકારે સી.બી.આઇ.ને સોંપવાનો નિર્ણય કર્યો છે. જેને લઈને રાજ્ય સરકારના ગૃહ વિભાગે નોટિફિકેશન પણ જાહેર કર્યું છે.

સીબીઆઈએ NEETપરીક્ષા પેપર લીક મામલામાં શિક્ષણ મંત્રાલયની ફરિયાદ બાદ રેગ્યુલર કેસ નોંધી લીધો છે. સીબીઆઈએ આઈપીસીની કલમ 420 છેતરપીંડી અને 120 બી એટલે કે ષડયંત્ર રચવાની ફરિયાદ નોંધીને તપાસ શરુ કરી દીધી છે.
સીબીઆઈ તરફથી નોંધવામાં આવેલી ફરિયાદમાં આઈપીસીની કલમ 406 પણ જોડવામાં આવી છે. સૂત્રોના જણાવ્યા અનુસાર, સીબીઆઈની દિલ્હી યૂનિટ આ સમગ્ર મામલાની તપાસ કરી રહી છે.
સૂત્રોની વાત માનીએ તો, સીબીઆઈએ એક સેપ્રેટ કેસ નોંધ્યો છે. બિહાર અને ગુજરાતવાળા કેસને ટેકઓવર નહીં કરવામાં આવે. બંને રાજ્યોની પોલીસ હાલમાં પોતાના લેવલે તપાસ અને ધરપકડ કરી રહી છે. સીબીઆઈએ અલગ કેસ નોંધી લીધો છે. આગળની તપાસમાં સીબીઆઈને જ્યારે લાગશે તો બિહાર અને ગુજરાત પોલીસનો સંપર્ક કરશે.
બંને રાજ્યોની પોલીસના કંસેંટ બાદ અને જ્યારે જરુર પડશે તો તેમની પાસેથી કેસને ટેકઓવર અને કેસ ડાયરી પણ લઈ શકે છે. આ અગાઉ યૂજીસી નેટ મામલામાં પણ શિક્ષણ મંત્રાલયની ફરિયાદ બાદ અજાણ્યા લોકો વિરુદ્ધ સીબીઆઈ છેતરપીંડી અને ષડયંત્રની કલમોમાં રેગ્યુલર કેસ નોંધીને તપાસ શરુ કરી ચુકી છે.

Continue Reading

ક્રાઇમ

ગાંજાના રવાડે ચડેલા 150 સગીર નબીરાઓનું કાઉન્સેલિંગ

Published

on

By

વિદેશથી ગિફટ આર્ટિકલની આડમાં મગાવાયેલ કરોડો રૂપિયાનો ગાંજો ઝડપાયા બાદ પોલીસનું નવું અભિયાન

નશાના રવાડે ચડેલા 15 થી 17 વર્ષના તરુણોના વાલીઓને પણ બોલાવી અપાઇ ચેતવણી, 7 પેડલરોની ધરપકડ

અમદાવાદ ક્રાઇમ બ્રાંચે વિદેશી પાર્સલમાં છુપાવીને મોકલેલા રૂા.3.48 કરોડા 11 કિલો હાઇબ્રીડ અને 60 શીશી લીકવીડ ગાંજાનો જથ્થો ઝડપી પાડી તપાસ કરતા ગુજરાતના 7 પેડલરોની ધરપકડ કી છે. અમદાવાદ, સુરત, ભરૂચ, અંકલેશ્ર્વર અને પાલનપુરના પેડલરોની પુછપરછ શરૂ કી છે. બીજી તરફ આ ગાંજો મંગાવનાર 15 થી 17 વર્ષના 150 તરૂણોનું કાઉન્સલીંગ કરી આવા નશાના રવાડે ચડેલા તરૂણોના પરિવારજનોને પણ ચેતવ્યા હતા.
ક્રાઇમ બ્રાંચે પ્રાથમિક તપાસમાં અમદાવાદ, વડોદરા, સુરત અને પાલનપુરના સાત તરુણોની પૂછપરછ કરી હતી. જ્યારે 20 દિવસ પહેલા પણ જે ગાંજાનો જથ્થો પકડાયો હતો તેની સાથે સંકળાયેલા તરુણોની તપાસ કરતાં કૂલ દોઢસોથી વધુ તરુણ આ નશાના રવાડે ચડ્યા હોવાનું સામે આવ્યું છે અને પોલીસે તેમનું કાઉન્સેલિંગ કરીને તમને આ દૂષણથી દૂર રહેવા માટે સમજણ આપી છે.


અમદાવાદ ક્રાઇમ બ્રાંચ દ્વારા નશાના દૂષણથી તરુણો દૂર રહે તેના માટે ખાસ પ્રયાસ કરવામાં આવી રહ્યા છે. અગાઉ જ્યારે ગાંજો પકડાયો હતો ત્યારે જે તરુણોની પૂછપરછ કરવામાં આવી હતી. તેમણે જ કબૂલાત કરી હતી કે હજુ મહિનામાં એક મોટું ક્ધસાઇન્મેટ આવી રહ્યું છે. જેને પગલે પોલીસે એલર્ટ બની ગઇ હતી અને ફોરેન પોસ્ટ ઓફિસમાં જેવા રમકડાં, લંચ બોક્સ, ડાયપર, સ્પીકર અને વિટામીન કેન્ડીના 60 પાર્સલ આવ્યા કે તરત જ સ્નિફર ડોગથી તેની તપાસ કરાતા તેમાંના 58 બોક્સમાંથી કરોડો રૂૂપિયાનો હાઇબ્રીડ ગાંજો મળી આવ્યો હતો. જૈ પૈકીના બે પેકેટમાં તો લિક્વીડ ગાંજો પણ મળ્યો હતો. ક્રાઇમ બ્રાંચે આ મામલે ગુજરાતના અમદાવાદ, ભરૂચ, અંકલેશ્વર, સુરત અને પાલનપુરના 7 પેડલરોના નામ ખુલ્યજા બાદ તેની ધરપકડ કરી છે.


ડ્રગ્સના દૂષણને અટકાવવા માટે પોલીસ ડ્રગ્સ પેડલરોને પકડવાના બદલે જુદા જુદા કાર્યક્રમો કરી રહી છે. ત્યારે જ ગુજરાત પોલીસના એન્ટી ડ્રગ્સ કેમ્પેઇન ગૃહ રાજ્યમંત્રી હર્ષ સંઘવી દ્વારા શરૂૂ કરાવવામાં આવશે, જેમાં પોલીસ ડ્રગ્સ વિરોધી કાર્યક્રમો અને કાર્યવાહી કરશે.


અમદાવાદ જિલ્લા પોલીસ વડા તરીકે ફરજ બજાવતા વિરેન્દ્રસિંહ યાદવની ટીમે બોપલથી ચાલતા હાઇબ્રીડ ગાંજાના રેકેડનો પર્દાફાશ કરી બે યુવાનોને ઝડપી લીધા હતા. હવે તેમની પાસેથી નશો કરવા માટે હાઇબ્રીડ ગાંજો કોણ લેતું હતું તેની તપાસ કરવામાં આવી તો શહેરના લગભગ માલેતુજારોના સંતાનોના નામ ખુલ્યા હતા. જે પૈકી ઘણા તો વિદેશ પણ ભાગી ગયા હતા. બાકીના તરુણોનું પોલીસે કાઉન્સેલિંગ કર્યું હતું.

Continue Reading

Trending