રાજકોટમાં રાજ્યના મુખ્યમંત્રી ભુપેન્દ્રભાઈ પટેલના હસ્તે ગઈકાલે 793.45 કરોડના લોકાર્પણ અને ખાતમુહૂર્ત કરવામાં આવ્યા હતા આ પ્રસંગે મુખ્યમંત્રી શહેરમાં જે સ્થળોએ નીકળ્યા તે સ્થળો પર આમ પ્રજાને બે દિવસ સુધી ભારે હાલાકી અને હાડમારી વેઠવી પડી હતી.

કારણકે મુખ્યમંત્રી નો કાફલો અંદાજે 25 ગાડીઓ જ્યાં સુધી નીકળે તે પૂર્વે રસ્તાઓ અને શેરી ગલીઓના નાકાઓ ઉપર પોલીસે આડેધડ મન ફાવે તે પ્રકારે મન પડે તેમ ટ્રાફિક બંધ કરી દેવામાં આવતા ટ્રાફિક વ્યવસ્થા ખોરંભે પડી હતી. લોકો આ ટ્રાફિક માં ફસાતા લોકોમાં મુખ્યમંત્રી સામે રોષની લાગણી ફેલાઈ હતી.

ગાંધીના ગુજરાતમાં વીઆઈપી કલ્ચર સામે આમેય લોકોને નારાજગી છે સાદાઇની અને ગાંધીજીના સિદ્ધાંતોની વાતો કરનારાને આટલી બધી ગાડીઓ સાથે શહેરમાં ફરવાની સી જરૂૂર પડી ? કરકસરયુક્ત વહીવટ ની વાતો વચ્ચે સરકારી કચેરીઓના ઇંધણ બગાડી, સમય બરબાદ કરી લોકોને હાલાકી ભોગવવી પડે આ તે કેવું ? ભય, ભૂખ અને ભ્રષ્ટાચારમુક્ત શાસનની વાતો કરીને શાસનની ધુરા સંભાળનાર શાંત અને સલામત ગુજરાતની વાતો વચ્ચે મુખ્યમંત્રીને રંગીલા રાજકોટમાં આટલી બધી પ્રોટેક્શનની શી જરૂૂર પડે ?

રાજકોટ શહેર એ મેગાસિટીની હરણફાળ તરફ આગળ વધતું શહેર બનતું જાય છે ત્યારે શૈક્ષણિક હબ બની ગયેલા રાજકોટમાં દિન પ્રતિદિન ટ્રાફિક સમસ્યા વિકરાળ રૂૂપ ધારણ કરી રહી છે મુખ્યમંત્રી રાજકોટમાં ના આવે તો પણ ટ્રાફિક વ્યવસ્થા ખોરંભે પડી હોય છે. ઠેર ઠેર ટ્રાફિક જામના દૃશ્યો જોવા મળે છે ત્યારે ટ્રાફિક સમસ્યાનું નિરાકરણ લાવવા બેઠકો કરી લોકોને ટ્રાફિક સમસ્યા માંથી છુટકારો આપવાને બદલે મુખ્યમંત્રીના રિહર્સલ અને આગમન અને શહેરમાં જે સ્થળોએ ગયા ત્યાં ટ્રાફિકની અંધાધુંધી મુખ્યમંત્રીને નજરે પડી નહીં તેમ ઝાલા, આસવાણી, વિરાણીએ જણાવ્યું હતું.

રાજકોટ શહેરમાં મિલકત ખુલેલા બોગસ દસ્તાવેજ કૌભાંડ સામે આવ્યા બાદ તંત્ર પણ એક્શનમાં આવ્યું છે જિલ્લા કલેક્ટર પ્રભાવ જોશી એ જિલ્લાના તમામ પ્રાંત અધિકારીઓ અને મામલેદારો પાસે ફાજલ થયેલ નિયમ કરેલ પત્ર એક અને પત્રક પાંચ પૈકીની બે તથા ત્રણ ભાગમાં એક થી ત્રણ ની માહિતી 1960 થી લઈ નવેમ્બર 2024ની તમામ તાલુકા વાઇઝ બે દિવસમાં મોકલવા દ્વારા તાકીદ કરી છે. તેમજ દરેક મહિને મહિનો પૂર્ણ થતાને સાથે સાત દિવસમાં કલેકટર કચેરીએ રિપોર્ટ કરવા માટેની પણ સૂચનાઓ છે તે આપી દેવામાં આવી છે.

કલેકટર વિભાગના સૂત્રોમાંથી મળતી માહિતી પ્રમાણે રાજકોટમાં બોગસ દસ્તાવેજ કૌભાંડ બાદ કલેક્ટર એક્શનમાં આવ્યા છે. શુક્રવારના રોજ એક પરિપત્ર જાહેર કરવામાં આવ્યો છે જેમાં કલેક્ટર દ્વારા કાજલ થયેલી તમામ જમીનની માહિતી છે તે તાત્કાલિક મંગાવવામાં આવી છે અને 48 કલાકમાં જ સમગ્ર રિપોર્ટ કલેક્ટર કચેરીએ જમા કરાવવા માટે પ્રાંત અધિકારીઓ તેમજ મામલતદારને સુચના આપવામાં આવી છે.

સૂત્રોમાંથી મળતી માહિતી અનુસાર ફાજલના નિયત કરેલ પત્રકો 1 થી 5 પૈકી બે તથા પત્રક ત્રણ ભાગ એક થી ત્રણ ની માહિતી 1960 લઈ નવેમ્બર 2024 સુધીની તમામ માહિતી તાલુકા વાઇસ માહિતી દિન બે દિવસમાં રિપોર્ટ કરવા સૂચના આપવામાં આવી છે તેમજ હવેથી મહિનો પૂર્ણ થયાની સાથે જ સાત દિવસમાં તાલુકા વાઇઝ રિપોર્ટ રજૂ કરવા પણ સૂચના આપવામાં આવી છે ત્યારે રાજકોટમાં આવેલ દસ્તાવેજ કૌભાંડ કલેકટર પ્રભાવ જોશે એક્સલમાં આવ્યા છે.

માગસર શુદ પુનમને રવિવાર તા.15-12-2024 રાત્રીના 10.12 કલાકે સૂર્ય ધનરાશીમાં પ્રવેશ કરશે અને સાથે ધનારક કમુહુર્તાનો પ્રારંભ થશે લગ્ન વાસ્તુ જેવા શુભકાર્યોમાં બ્રેક લાગશે.

ધનારક કમુહુર્તા 14 જાન્યુઆરી 2025ને મંગળવારે મકર સંક્રાંતીના દિવસે સવારે 8.54 કલાકે પુરા થશે. કમુહર્તા દરમ્યાન પણ નવગ્રહ જપ રાંદલ, સત્યનારાયણ ભગવાનની કથા ભાગવત રામાયણ નડતા ગ્રહોની શાંતીનો હવન, સિમંત કુંડળીમાં રહેલ અશુભ યોગ શાંતી રૂદ્ર અભિષેક, લઘુરૂદ્ર જેવા અનેક શુભ કાર્યો થઇ શકે છે તેમાં કમુહુર્તારનો દોષ લાગતો નથી.

ધનારક દરમ્યાન સુર્ય ઉપાસના કરવી પણ શ્રેષ્ઠ છે. આ દિવસો દરમ્યાન સુર્યને ખાસ આદ્ય આપવું. સુર્ય ગુરૂની રાશીમાં હોય આ સમય દરમ્યાન કરેલા જપ, તપ, પુજા પાઠ ઉતમ ફળ આપે છે.
કમુહુર્તાનો પ્રભાવ નર્મદા નદી પછી લાગતો નથી ખાસ કરીને સૌરાષ્ટ્ર-કચ્છ ઉતર ગુજરાત, વડોદરા બાજુના ગુજરાતમાં કમુહતાર લાગે છે. નર્મદા નદીના સામે કાંઠે કમુહર્તા લાગતા નથી.