Connect with us

ક્રાઇમ

દસ્તાવેજ નહીં કરી આપનાર પાસે ટોકનના 60 લાખ પરત લેવા ગયેલા જમીન-મકાનના ધંધાર્થી ઉપર હુમલો

Published

on

માલિયાસણ પાસેનો બનાવ: જમીનનો સોદો કરનાર શખ્સ છેલ્લા 15 દિવસથી ફોન નહીં ઉપાડતા યુવાન ઘરે પહોંચતા ચાર શખ્સો ધોકા વડે તૂટી પડયા

શહેરમાં આવેલ રેલનગર વિસ્તારમાં રહેતા જમીન મકાનના ધંધાર્થીએ માલીયાસણ ગામે આવેલી જમીનનો સોદો કર્યો હતો અને ટોકન પેટે રૂ.60 લાખ રૂપિયા આપ્યા હતા જે જમીનનો આજે દસ્તાવેજ કરવાનો હતો પરંતુ જમીન માલિક છેલ્લા 15 દિવસથી ફોન રિસીવ નહીં કરતા જમીન મકાનના ધંધાર્થી માલીયાસણ ગામે ટોકન પેટે આપેલા રૂૂ.60 લાખ પરત લેવા ગયા હતા ત્યારે જમીન માલિક સહિત ચાર શખ્સોએ ધોકા વડે હુમલો કરી માર માર્યો હતો. હુમલામાં ઘવાયેલા યુવકને સારવાર માટે ખસેડવામાં આવ્યો હતો.


આ બનાવ અંગે પોલીસમાંથી જાણવા મળતી વિગત મુજબ રેલનગર વિસ્તારમાં આવેલા ઓસ્કાર ટાવરમાં રહેતા અને જમીન મકાન લે-વેચનો વ્યવસાય કરતા ભગીરથસિંહ સુરૂૂભા વાળા નામનો 32 વર્ષનો યુવાન કુવાડવા રોડ ઉપર આવેલા માલીયાસણ પાસે હતો ત્યારે રાત્રિના સાડા આઠેક વાગ્યાના અરસામાં વિજય કિશોર અંબાસણીયા, સમીર જુણેચા અને ઇબુ જુણેજા સહિતના શખ્સોએ ઝઘડો કરી ધોકા વડે માર માર્યો હતો. હુમલામાં ગંભીર રીતે ઘવાયેલા યુવકને તાત્કાલિક સારવાર માટે સિવિલ હોસ્પિટલમાં દાખલ કરવામાં આવ્યો હતો. આ અંગે સિવિલ હોસ્પિટલ પોલીસ ચોકીના સ્ટાફે કુવાડવા રોડ પોલીસને જાણ કરતા કુવાડવા રોડ પોલીસ મથકનો સ્ટાફ તાત્કાલિક સિવિલ હોસ્પિટલ ખાતે દોડી આવ્યો હતો.


પ્રાથમિક પૂછપરછમાં જમીન મકાનના ધંધાર્થી ભગીરથસિંહ વાળાએ વિજય કિશોર અંબાસણીયા સાથે જમીનનો સોદો કર્યો હતો. અને વિજય અંબાસણીયાને ટોકન રૂૂ60 લાખ આપ્યા હતા જે જમીનનો આજે દસ્તાવેજ કરવાનો હતો પરંતુ વિજય અંબાસણીયા છેલ્લા 15 દિવસથી ફોન ઉપાડતો નહીં હોવાથી ભગીરથસિંહ વાળા ટોકન પેટે આપેલા રૂૂ.60 લાખ પરત લેવા માટે ગયા હતા ત્યારે જમીન માલિક વિજય અંબાસણીયા સહિતના શખ્સોએ ઝઘડો કરી ધોકા વડે માર માર્યો હોવાનો આક્ષેપ કરવામાં આવ્યો છે. આક્ષેપના પગલે કુવાડવા રોડ પોલીસે નોંધ કરી વધુ તપાસ હાથ ધરી છે.

ક્રાઇમ

લગ્નપ્રસંગમાં વ્યવહાર કરવા લીધેલી લોનનાં હપ્તા ભરવા શખ્સ મંદિરમાંથી ચોરી કરવા લાગ્યો’તો

Published

on

By

રાજકોટ અને તેની આજુબાજુમાં આવેલા 16થી વધુ મંદિરોમાંથી ચાંદીના છતરની ચોરી કરી તરખાટ મચાવી દેનાર આરોપી મયુર શાંતિલાલ ગોંઢા (ઉ.વ.33, રહે. ભગીરથ સોસાયટી-4, સંત કબીર રોડ)ને કુવાડવા રોડ પોલીસે ઝડપી લઈ તપાસ આગળ ધપાવી છે.કુવાડવા રોડ પોલીસની હદમાં મંદિરોમાંથી ચોરી થઈ રહ્યાની ફરિયાદો ઉઠયા બાદ પીઆઈ વી.આર. રાઠોડ અને પીએસઆઈ એમ.જે.વરુએ તપાસ આગળ ધપાવી આરોપીને ઝડપી લીધો હતો.


આરોપીએ અત્યાર સુધીમાં જે-જે મંદિરોમાં ચોરી કરી તેમાં બેડી ગામે બે મુખવાળા મેલડી માતાજીના મંદિર, બેડી ગામે જ મોમાઈ માતાજીના મઢ, નવાગામ-આણંદપર ગામે ખોડીયાર માતાજીના મંદિર અને ઢાંઢણી ગામે મોગલ માતાના મંદિરનો સમાવેશ થાય છે. આ ચારેય મંદિર ચોરી અંગે ફરિયાદો નોંધાઈ છે.આ સિવાય આરોપીએ કુવાડવા રોડ પોલીસ મથકની હદમાં 3 અને આજી ડેમ પોલીસ મથકની હદમાં 1 મળી કુલ 4 મંદિર ચોરીની ફરિયાદો નોંધાઈ હતી.આ સિવાય આરોપીએ ફરિયાદ ન નોંધાઈ હોય તેવા 16થી વધુ મંદિરોમાં ચોરીની કબુલાત આપી હતી.


આરોપી પાસેથી પોલીસે રૂા.43,880નો મુદ્દામાલ કબજે કર્યો છે.પોલીસે જણાવ્યું કે આરોપીએ સગાઓના લગ્ન પ્રસંગમાં વ્યવહાર કરવા માટે લોન લીધી હતી.જેના હપ્તા ભરવા માટે ફેબ્રુઆરીથી મંદિરમાં ચોરીઓ શરૂૂ કરી હતી.આરોપી અગાઉ ઈમિટેશનનું કામ કરતો હતો. આ સમગ્ર ઘટનામાં પોલીસે જણાવ્યું હતું કે, તસ્કર મયુરે રાજકોટનાં 10 ગામોનાં 16 થી વધુ મંદિરોમાંથી ચોરી કરી હતી. તેમજ જ્યારે દર્શનાર્થીઓ મંદિરમાં ન હોય ત્યારે ચોરી ને અંજામ આપતો પરંતુ સીસીટીવીમાં આવી જતાં પોલીસે ઓળખ મેળવી અને દબોચી લઈ પુછપરછ કરતાં ભાંગી પડી ચોરીની કબુલાત આપી હતી.

Continue Reading

ક્રાઇમ

ગાંજાના રવાડે ચડેલા 150 સગીર નબીરાઓનું કાઉન્સેલિંગ

Published

on

By

વિદેશથી ગિફટ આર્ટિકલની આડમાં મગાવાયેલ કરોડો રૂપિયાનો ગાંજો ઝડપાયા બાદ પોલીસનું નવું અભિયાન

નશાના રવાડે ચડેલા 15 થી 17 વર્ષના તરુણોના વાલીઓને પણ બોલાવી અપાઇ ચેતવણી, 7 પેડલરોની ધરપકડ

અમદાવાદ ક્રાઇમ બ્રાંચે વિદેશી પાર્સલમાં છુપાવીને મોકલેલા રૂા.3.48 કરોડા 11 કિલો હાઇબ્રીડ અને 60 શીશી લીકવીડ ગાંજાનો જથ્થો ઝડપી પાડી તપાસ કરતા ગુજરાતના 7 પેડલરોની ધરપકડ કી છે. અમદાવાદ, સુરત, ભરૂચ, અંકલેશ્ર્વર અને પાલનપુરના પેડલરોની પુછપરછ શરૂ કી છે. બીજી તરફ આ ગાંજો મંગાવનાર 15 થી 17 વર્ષના 150 તરૂણોનું કાઉન્સલીંગ કરી આવા નશાના રવાડે ચડેલા તરૂણોના પરિવારજનોને પણ ચેતવ્યા હતા.
ક્રાઇમ બ્રાંચે પ્રાથમિક તપાસમાં અમદાવાદ, વડોદરા, સુરત અને પાલનપુરના સાત તરુણોની પૂછપરછ કરી હતી. જ્યારે 20 દિવસ પહેલા પણ જે ગાંજાનો જથ્થો પકડાયો હતો તેની સાથે સંકળાયેલા તરુણોની તપાસ કરતાં કૂલ દોઢસોથી વધુ તરુણ આ નશાના રવાડે ચડ્યા હોવાનું સામે આવ્યું છે અને પોલીસે તેમનું કાઉન્સેલિંગ કરીને તમને આ દૂષણથી દૂર રહેવા માટે સમજણ આપી છે.


અમદાવાદ ક્રાઇમ બ્રાંચ દ્વારા નશાના દૂષણથી તરુણો દૂર રહે તેના માટે ખાસ પ્રયાસ કરવામાં આવી રહ્યા છે. અગાઉ જ્યારે ગાંજો પકડાયો હતો ત્યારે જે તરુણોની પૂછપરછ કરવામાં આવી હતી. તેમણે જ કબૂલાત કરી હતી કે હજુ મહિનામાં એક મોટું ક્ધસાઇન્મેટ આવી રહ્યું છે. જેને પગલે પોલીસે એલર્ટ બની ગઇ હતી અને ફોરેન પોસ્ટ ઓફિસમાં જેવા રમકડાં, લંચ બોક્સ, ડાયપર, સ્પીકર અને વિટામીન કેન્ડીના 60 પાર્સલ આવ્યા કે તરત જ સ્નિફર ડોગથી તેની તપાસ કરાતા તેમાંના 58 બોક્સમાંથી કરોડો રૂૂપિયાનો હાઇબ્રીડ ગાંજો મળી આવ્યો હતો. જૈ પૈકીના બે પેકેટમાં તો લિક્વીડ ગાંજો પણ મળ્યો હતો. ક્રાઇમ બ્રાંચે આ મામલે ગુજરાતના અમદાવાદ, ભરૂચ, અંકલેશ્વર, સુરત અને પાલનપુરના 7 પેડલરોના નામ ખુલ્યજા બાદ તેની ધરપકડ કરી છે.


ડ્રગ્સના દૂષણને અટકાવવા માટે પોલીસ ડ્રગ્સ પેડલરોને પકડવાના બદલે જુદા જુદા કાર્યક્રમો કરી રહી છે. ત્યારે જ ગુજરાત પોલીસના એન્ટી ડ્રગ્સ કેમ્પેઇન ગૃહ રાજ્યમંત્રી હર્ષ સંઘવી દ્વારા શરૂૂ કરાવવામાં આવશે, જેમાં પોલીસ ડ્રગ્સ વિરોધી કાર્યક્રમો અને કાર્યવાહી કરશે.


અમદાવાદ જિલ્લા પોલીસ વડા તરીકે ફરજ બજાવતા વિરેન્દ્રસિંહ યાદવની ટીમે બોપલથી ચાલતા હાઇબ્રીડ ગાંજાના રેકેડનો પર્દાફાશ કરી બે યુવાનોને ઝડપી લીધા હતા. હવે તેમની પાસેથી નશો કરવા માટે હાઇબ્રીડ ગાંજો કોણ લેતું હતું તેની તપાસ કરવામાં આવી તો શહેરના લગભગ માલેતુજારોના સંતાનોના નામ ખુલ્યા હતા. જે પૈકી ઘણા તો વિદેશ પણ ભાગી ગયા હતા. બાકીના તરુણોનું પોલીસે કાઉન્સેલિંગ કર્યું હતું.

Continue Reading

ક્રાઇમ

માંગરોળના શીલમાં યુવકને ઝાડ સાથે બાંધી મોતને ઘાટ ઉતાર્યો

Published

on

By

જૂનાગઢ જિલ્લાના માંગરોળ પંથકમાં છેડતીના મામલે એક રખડતુ ભટકતું જીવન જીવતાં યુવકની ઝાડ સાથે બાંધી તાલીબાની સજા આપી મોતને ઘાટ ઉતારવામાં આવ્યાની ઘટના બહાર આવતાં ભારે ખળભળાટ મચી જવા પામેલ છે. આ ઘટના અંગે પોલીસે મહિલા સહિત પાંચ શખ્સો સામે હત્યાનો ગુનો નોંધી ઝડપી લેવા દોડધામ શરૂ કરી છે.


મળતી માહિતી મુજબ, માંગરોળ તાલુકાના શીલ પાસેના ચંદવાણા ગામે રહેતા સંગીતાબેન કારાભાઈ ઘોસીયા ગામની નફરી વાડી તરીકે ઓળખાતી સીમમાં નારણભાઈ ઘોસીયાના ખેતરમાં આવેલ મામાદેવના થાનકની જગ્યામાં દીવાબતી કરતા હતા. અને ચંદવાણા ગામના વરજાંગભાઈ વીરાભાઇ વાજા નામનો યુવાન મહિલા જ્યારે દિવાબતી કરવા જાય ત્યારે ત્યાં દર્શન કરવા જતો હતો. પરંતુ વરજાંગ મહિલાની પાછળ ફરે છે એવી શંકા રાખી તેમની પાછળ છેલ્લા ત્રણ દિવસથી હરેશ કારાભાઈ ઘોસીયા, તેનો ભાઈ જયેશ, પિતા કારા અરજણ તથા તેની પત્ની સંગીતા અને કંકણા ગામના સામત રાજા મજેઠીયા વરજાંગનો પીછો કરતા હતા.


દરમિયાન મોડી રાત્રે વરજાંગ મામાદેવના થાનકે દર્શન કરવા જતા આ શખ્સો તેને પકડી લઈ દોરડા વડે આંબાના ઝાડ સાથે બાંધી લાકડીઓ અને ધોકા વડે આડેધડ માર મારી મોતને ઘાટ ઉતારી દીધો હતો. અંગેની જાણ મૃતકના ભાઈ દિનેશ વીરાભાઇને થતા તેમને તેમના ભાઈનો મૃતદેહ જ હાથ આવ્યો હતો. આ અંગે શીલ પોલીસે મહિલા સહિત પાંચ શખ્સ વિરુદ્ધ હત્યાનો ગુનો નોંધી કાર્યવાહી કરી હતી વધુ તપાસ પીએસઆઇ એચ. વી. ચુડાસમા ચલાવી રહ્યા છે.

Continue Reading

Trending