Connect with us

કચ્છ

વધુ એક નકલી ટોલનાકુ ઝડપાયું, કચ્છમાં ટોલ પ્લાઝાની બાજુમાં ખાનગી રોડ બનાવી દેવાયો

Published

on

ગુજરાતમાં થોડા દિવસો અગાઉ જ વાંકાનેર-મોરબી હાઈવે પર નકલી ટોલનાકાનું કૌભાંડ સામે આવ્યું હતું. ત્યારે હવે રાજ્યમાં વધુ એક નકલી ટોલાનાકાનો પર્દાફાશ થયો છે. ઘટના સામે આવતા જ તંત્ર દોડતું થયું છે. કચ્છના ભુજ-નલિયા રોડ પર આવેલા ટોલનાકાની નજીક એક ખાનગી જમીન પર ખાનગી રોડ બનાવી દેવાયો છે. સ્થાનિક લોકોએ આરોપ લગાવ્યો છે કે, આ સમગ્ર નકલી ટોલ પ્લાઝાની રમત રાજકીય નેતાઓના ઈશારે ચાલી રહી છે.
ભુજ-નલિયા હાઇવે પરથી દરરોજ મોટી સંખ્યામાં વાહનો પસાર થાય છે. ખાસ કરીને અહીંથી પવનચક્કીની મોટી ટ્રકો, મીઠાની ટ્રકો સહિતના અનેક વાહનો આ રોડ પરથી પસાર થાય છે. મળતી માહિતી અનુસાર, અહીં કેટલાક લોકો અસલી ટોલ પ્લાઝાથી 200 મીટર દૂર ઉભા રહેતા હતા, જે લોકો ત્યાંથી પસાર થતા વાહનચાલકોને નકલી ટોલ પ્લાઝા પરથી જવા માટે કહેતા હતા. આવી જ રીતે આ સમગ્ર કૌભાંડ ચાલી રહ્યું છે. મહત્વનું છે કે, અગાઉ ગુજરાતમાં ગત વર્ષે ડિસેમ્બરમાં વાંકાનેર-મોરબી હાઇવે પર નકલી ટોલનાકું પકડાયું હતું. પોલીસે પણ સરકારની સૂચના બાદ આ કેસમાં ખૂબ જ કડક કાર્યવાહી કરી હતી.

સૂત્રોના જણાવ્યા અનુસાર, ટોલનાકા નજીક કેટલાક લોકો પૈસા લઈને ખાનગી રોડ પરથી રાત્રે ભારે વાહનોને પસાર થવા દેવામાં આવે છે. તપાસમાં જાણવા મળ્યું છે કે, મોટા વાહનોના ચાલકોએ નિર્ધારિત ટોલ ટેક્સ ભરવો પડતો નથી. એટલા માટે નકલી ટોલ પ્લાઝાની વૈકલ્પિક વ્યવસ્થા કરીને બીજો રસ્તો બનાવવામાં આવ્યો છે. લોકોનો આક્ષેપ છે કે વાહનો પસાર કરવા માટે ગેરકાયદેસર રીતે નાણાં વસૂલવામાં આવે છે જેના કારણે સરકારી તિજોરીને કરોડોનું નુકસાન થઈ રહ્યું છે. નવાઈની વાત એ છે કે આ બાબત આજ સુધી કોઈના ધ્યાને કેમ ન આવી?. જોકે આ મામલે જિલ્લા પ્રશાસન તરફથી તપાસના આદેશ અપાયા છે. વહીવટીતંત્રનું કહેવું છે કે મામલાની તપાસ કરાશે અને જવાબદારો સામે કાર્યવાહી કરાશે.

કચ્છ

કચ્છના પાન્ધ્રો નજીકથી મહાકાય ‘વાસુકી’ નાગના અવશેષો મળી આવ્યા

Published

on

By

કચ્છ કુદરતની અનેક અજાયબીઓને ધરબીને બેઠેલો અનોખો પ્રદેશ છે.હવે એક સંશોધનમાં એવો ખુલાસો થયો છે કે કચ્છમાં 11થી 1પ મીટરની લંબાઈ ધરાવતા મહાકાય સાપ લાખો વર્ષ પહેલા વિચરતા હતા. દેબાજિત દત્તા અને સુનિલ બાજપાઈએ પાનધ્રો લિગ્નાઈટ ખાણ પાસે કરેલા સંશોધન દરમ્યાન મળેલા નમૂના આશરે 47 મિલિયન વર્ષ પહેલાના વિશાળ સાપના છે.ઇન્ડિયન

ઇન્સ્ટિટયૂટ ઓફ ટેકનોલોજી રૂૂરકીના સંશોધન મુજબ ગુજરાતમાં કચ્છમાંથી મળી આવેલા અવશેષો અત્યાર સુધીના સૌથી મોયા નાગની કરોડરજ્જુના હોઇ શકે છે.
સંશોધકોએ મોટાભાગે સારી રીતે સચવાયેલા હાડકાં શોધી કાઢ્યા હરતા, જેમાં કહેટલાક જોડાણો હજુ પણ અકબંધ છે. તેઓએ કહ્યું કે કરોડરજ્જુ સંપૂર્ણ પુખ્ત પ્રાણીમાંથી હોવાનું જણાય છે. હવે લુપ્ત થઇ ગયેલા મેડરસોઇટ પ્રજાતિ એક ભાગ એવા આ સાપ આશરે 11થી 15 મીટર લાંબો હોવાનો અંદાજ?છે. આ પ્રજાતિ આફ્રિકા, યુરોપ અને ભારત સહિતના સ્થળોએરહેતા હોવાનું જાણીતું છે.

સંશોધકોએ જણાવ્યું હતું કે, સાપ ભારતમાં ઉદ્ભવતા નવિશિષ્ટ વંશથનું પ્રતિનિધિત્વ કરે છે. જે પછી લગભગ 56થી 34 મિલિયન વર્ષો પહેલાં ઇઓસીન દરમિયાન દક્ષિણ યુરોપથી આફ્રિકામાં ફેલાયો હતો. આધુનિક સસ્તન પ્રાણીઓના પ્રથમ પૂર્વજો અને નજીકના સંબંધીઓ ઇઓસીન સમયગાળામાં દેખાયા હોવાનું કહેવાય છે. સંશોધકોએ આ નવી શોધાયેલ સાપની પ્રજાતિનું નામ નવાસુકી ઇન્ડિક્સથ રાખ્યું છે. હિન્દુ દેવતા શિવના ગળામાં આવેલા પૌરાણિક સાપ પરથી રાખ્યું?છે. તેમના તારણો સાયન્ટીફીક રિપોર્ટ્સ જર્નલમાં પ્રકાશિત થયા છે.

Continue Reading

કચ્છ

સલમાનના ઘર પર ફાયરિંગ કરનારાઓનો આધારકાર્ડે ખેલ બગાડ્યો

Published

on

By

  • પોલીસને આધારકાર્ડના આધારે મોબાઈલ નંબર મળી જતાં કચ્છથી દબોચી લીધા

બોલિવૂડ અભિનેતા સલમાન ખાનના ઘરે ફાયરિંગ કેસમાં ભલે બે શૂટરોની ધરપકડ કરવામાં આવી હોય, પરંતુ હવે સવાલ એ ઊભો થાય છે કે મુંબઈ પોલીસની ક્રાઈમ બ્રાન્ચે મુંબઈથી ફરાર થયેલા શૂટર્સને કેવી રીતે શોધી કાઢ્યા? વાસ્તવમાં, ક્રાઈમ બ્રાન્ચની ટીમ સલમાન ખાનના ઘરે ફાયરિંગમાં વપરાયેલી બાઈકનો નંબર ટ્રેસ કરતી વખતે પનવેલ પહોંચી ગઈ હતી.શૂટર્સ પનવેલમાં જ ભાડાના મકાનમાં રહેતા હતા. મુંબઈ પોલીસના સૂત્રોનું માનીએ તો શૂટરોના આધાર કાર્ડ તેમના માટે કોલ બની ગયા હતા અને પછી તેઓ પકડાઈ ગયા હતા.

મુંબઈ પોલીસના સૂત્રોનું માનીએ તો, પનવેલમાં તપાસ દરમિયાન, ક્રાઈમ બ્રાન્ચને શૂટરો દ્વારા ભાડે મકાન લેવામાં આવ્યું હોવાની માહિતી મળી હતી. આ પછી ક્રાઈમ બ્રાન્ચની ટીમ તરત જ ફ્લેટ પર પહોંચી જ્યાં બંને શૂટર રહેતા હતા અને ફ્લેટના માલિકની પૂછપરછ કરી હતી. પૂછપરછ દરમિયાન ક્રાઈમ બ્રાન્ચે ફ્લેટ માલિક પાસેથી ભાડા કરારની નકલ માંગી હતી, જે ફ્લેટ માલિકે આપી હતી. ભાડા કરારની તપાસ દરમિયાન ક્રાઈમ બ્રાન્ચને એક સુરાગ મળ્યો જેનાથી શૂટરોનું કાઉન્ટડાઉન શરૂૂ થઈ ગયું. અને તે સુરાગ હતો બંને શૂટરોનું ઓરિજિનલ આધાર કાર્ડ.. જે તેઓએ ભાડા કરાર કરતી વખતે ફ્લેટના માલિકને આપ્યું હતું.

સૂત્રોએ જણાવ્યું કે, બંને શૂટરોના અસલી આધાર કાર્ડ હાથમાં આવતાં જ મુંબઈ ક્રાઈમ બ્રાન્ચે તરત જ તેમની તપાસ શરૂૂ કરી હતી અને આ દરમિયાન તે આધાર કાર્ડમાં લિંક થયેલો મોબાઈલ નંબર ક્રાઈમ બ્રાન્ચના હાથમાં આવ્યો હતો. આટલું જ નહીં ક્રાઈમ બ્રાન્ચની ટીમના મનમાં શૂટરોના અસલી ચહેરાઓ પણ છપાઈ ગયા હતા. મોબાઈલ નંબર મળતાની સાથે જ જ્યારે મુંબઈ પોલીસની ક્રાઈમ બ્રાન્ચે તેનું લોકેશન ટ્રેસ કરવાનું શરૂૂ કર્યું ત્યારે જાણવા મળ્યું કે ફાયરિંગ સમયે સલમાન ખાનના ઘરની નજીક આ જ મોબાઈલ નંબર એક્ટિવ હતો.

આ પછી ક્રાઈમ બ્રાન્ચે તે મોબાઈલ નંબરને સતત ટ્રેસ કરવાની પ્રક્રિયા શરૂૂ કરી હતી. આ ટ્રેસિંગ દરમિયાન બંને શૂટર આ મોબાઈલ નંબર પરથી સતત કોઈની સાથે વાત કરી રહ્યા હતા. વાતચીત બાદ તે મોબાઈલ બંધ કરી દેતો અને જ્યારે તેને વાત કરવી હોય ત્યારે સ્વીચ ઓન કરી દેતો હતો.મોબાઈલ નંબર સતત ટ્રેસ કર્યા બાદ અને તેનું સંપૂર્ણ ટેકનિકલ વિશ્ર્લેષણ કર્યા બાદ જ્યારે ક્રાઈમ બ્રાન્ચની ટીમને ખાતરી થઈ કે બંને શૂટરોનું લોકેશન ગુજરાતના ભુજ વિસ્તારમાં છે, ત્યારે તેમણે ગુજરાત પોલીસનો સંપર્ક કરીને તેની માહિતી આપી હતી.

આ પછી ક્રાઈમ બ્રાન્ચે મુંબઈથી બે ટીમો ગુજરાત મોકલવાનું નક્કી કર્યું હતું, પરંતુ તે સમયે મુંબઈથી ભુજની કોઈ ફ્લાઈટ ઉપલબ્ધ નહોતી. આ પછી, એક તરફ બાડમેર મોકલવામાં આવેલી ટીમને ભુજ તરફ જવા માટે કહેવામાં આવ્યું હતું, જ્યારે મુંબઈથી બે ટીમોને ફ્લાઈટ મારફતે અમદાવાદ મોકલવામાં આવી હતી. આ બંને ટીમોને વરિષ્ઠ પોલીસ અધિકારીઓ દ્વારા કડક સૂચના આપવામાં આવી હતી કે અમદાવાદ પહોંચ્યા બાદ તેમણે ક્યાંય રોકાયા વિના વહેલી તકે ભુજ પહોંચવાનું રહેશે. આ બંને ટીમોએ બરાબર એ જ કર્યું અને અમદાવાદથી નોન-સ્ટોપ ભુજ પહોંચી. આ પછી, ગુજરાત પોલીસ સાથે ક્રાઈમ બ્રાન્ચની ટીમો જ્યાં બંને શૂટર્સ હાજર હતા ત્યાં પહોંચી અને તેમની ધરપકડ કરી.

Continue Reading

કચ્છ

કચ્છમાં સતત બીજા દિવસે ધરતીકંપનો આંચકો

Published

on

By

કચ્છમાં ફરી ધરતી ધ્રૂજી છે. આજે એટલે કે ગુરુવારે બપોરે 1:36 મિનિટે ખાવડામાં આંચકો ભૂકંપનો આંચકો અનુભવાયો છે. 3.7ની તીવ્રતાનો આંચકો નોંધાયો છે.ભૂકંપના આંચકાને કારણે લોકો ઘરની બહાર દોડી આવ્યા છે. ભૂકંપનું કેન્દ્ર બિંદુ ખાવડાથી 30 કીમી દૂર નોંધાયું છે.

ગઈકાલે પણ બપોરના સમયે ભૂકંપનો આંચકો નોંધાયો હતો. પશ્ચિમ કચ્છના વિસ્તારમાં 2.8ની તીવ્રતાનો ભૂકંપના આંચકો નોંધાયો હતો.બપોરના 2.51 કલાકે આ ભૂકંપનો આંચકો નોંધાયો હતો.

કચ્છમાં મેન ફોલ્ટલાઈન વર્ષોથી સક્રિય છે અને ધરતીની બે પ્લેટ ટકરાતી હોવાથી અહીં ઘણીવાર ભૂકંપ અનુભવાતા રહે છે. વર્ષ 2001ના મહાવિનાશક ભૂકંપ બાદ રાજ્યમાં ઘણીવાર આંચકા અનુભવાયા છે. 2022માં 4થી વધુ તીવ્રતાનો માત્ર એક ભૂકંપ અને તે પણ સૌરાષ્ટ્રના તલાલા વિસ્તારમાં નોંધાયો હતો. 2023માં ગુજરાતમાં 4.0થી વધુ તીવ્રતાના 4 ભૂકંપો આવ્યા છે, જે કચ્છના દુધઈમાં 2, ખાવડા પંથકમાં 1, ઉત્તર ગુજરાતના વાવ પાસે એક નોંધાયેલ છે. જ્યારે 2021માં 4.0ની તીવ્રતાના 7 ભૂકંપો નોંધાયા હતા. આમ, એક વર્ષ બાદ ફરી ધરતીના પેટાળમાં ગતિવિધિઓ વધી છે.

Continue Reading

Trending