દેશના રાજસ્થાન, મધ્યપ્રદેશ, છતીસગઢ અને તેલંગણા એમ ચાર રાજયોની ધારાસભાની ચુંટણીઓમાં ભાજપે મધ્યપ્રદેશમાં શાસન જાળવી રાખ્યું છે અને રાજસ્થાન તથા છતીસગઢ કોંગ્રેસ પાસેથી છીનવી લીધા છે અને લોકસભાની 2024ની ચુંટણીના સેમિ ફાઇનલમાં ભાજપે કોંગ્રેસને ચારોખાને ચિત કરી દીધી હોય તેવા પરિણામો આવ્યા છે ત્યારે કોંગ્રેસની આવી કારમી હાર પાછળના કારણો અંગે રાજકીય તજજ્ઞો અલગ-અલગ ગણીતો માંડવા લાગ્યા છે.
પરંતુ આ ચુંટણીમાં કોંગ્રેસની પનોતીનો પ્રારંભ થયો હોવાનું તારણ નિષ્ણાંતો કાઢી રહ્યા છે. ધારાસભાની ચુંટણીના અંતિમ ચરણ વખતે વર્લ્ડકપની મેચમાં ઓસ્ટ્રેલીયા સામે ભારતનો પરાજય થતા રાહુલ ગાંધીએ વધુ એક વખત ભુલ કરી વડાપ્રધાન મોદીને ‘પનોતી’ ગણાવ્યા અને કોંગ્રેસની પનોતી બેસી ગઇ હોવાનું નિષ્ણાંતો માને છે.
ચાર રાજયની ચુંટણીના પરિણામો ઉપર નજર કરીએ તો ધારાસભાની કુલ 638 બેઠકોમાંથી ભાજપે 340 બેઠકો જીતી રાજસ્થાન, મધ્યપ્રદેશ અને છતીસગઢમાં સરકારો બનાવી છે જયારે તેલંગણામાં 2018માં માત્ર એક બેઠક હતી તેની જગ્યાએ આઠ બેઠક મેળવી છે. આ ચાર રાજયોમાં 2018ની ચુંટણી વખતે ભાજપે 198 બેઠકો જીતી હતી તેમાં 2023ની ચુંટણીમાં 142 બેઠકોનો વધારો થયો છે.
રાજસ્થાન ભાજપે કોંગ્રેસ પાસેથી છીનવી લીધુ છે જયારે મધ્યપ્રદેશમાં ગુજરાતવાળી કરી સતા જાળવી રાખી છે અને અહીં 54 બેઠકો વધી છે. છતીસગઢમાં પણ 39 બેઠકો વધી છે.

સંસદના શિયાળુ સત્ર પહેલા સર્વપક્ષીય બેઠકમાં સત્રના એજન્ડાની ચર્ચા કરવામાં આવી હતી. સંસદીય કાર્ય મંત્રી પ્રહલાદ જોશીએ આ બેઠક બોલાવી હતી. આ બેઠકમાં 23 પક્ષોના 30 નેતાઓએ હાજરી આપી હતી, જેમણે ઘણા સૂચનો આપ્યા હતા. તેમણે કહ્યું કે વિપક્ષના સૂચનોને હકારાત્મક રીતે લેવામાં આવ્યા છે.

આ દિવસથી શરૂ થશે શિયાળુ સત્ર

સર્વપક્ષીય બેઠક પૂરી થયા બાદ સંસદીય કાર્ય મંત્રીનું નિવેદન સામે આવ્યું છે. અહેવાલ અનુસાર, સંસદીય બાબતોના મંત્રીએ કહ્યું કે, શિયાળુ સત્ર 4 ડિસેમ્બરથી શરૂ થઈ રહ્યું છે અને તે 22 ડિસેમ્બર સુધી ચાલશે. 19 દિવસ સુધી ચાલનારા સત્રમાં 15 બેઠકો થશે. અમે આજે રક્ષા મંત્રી રાજનાથ સિંહની અધ્યક્ષતામાં સર્વપક્ષીય બેઠક બોલાવી હતી.

તેમણે કહ્યું કે, ગત સત્રમાં પણ જ્યારે વિપક્ષે મણિપુરના વિષય પર ચર્ચા માટે નોટિસ આપી હતી ત્યારે અમે તૈયાર હતા. અમે રાજ્યસભામાં પ્રવેશ પણ લીધો હતો. અમે લોકસભામાં વારંવાર કહ્યું હતું કે, અમે ચર્ચા માટે તૈયાર છીએ.

બેઠકમાં આ નેતાઓ થયા સામેલ

સર્વપક્ષીય બેઠકમાં રક્ષામંત્રી રાજનાથ સિંહ, કેન્દ્રીય મંત્રી પીયૂષ ગોયલ, કોંગ્રેસ નેતા જયરામ રમેશ, ગૌરવ ગોગોઈ અને પ્રમોદ તિવારી, તૃણમૂલ નેતા સુદીપ બંદ્યોપાધ્યાય, એનસીપી નેતા ફૌઝિયા ખાન સહિત 30 નેતાઓ સામેલ થયા.

સંભવિત બિલની યાદી

શિયાળુસત્રમાં ભારતીય ન્યાય સંહિતા બિલ 2023, ભારતીય નાગરિક સુરક્ષા સંહિતા બિલ 2023 અને ભારતીય સાક્ષ્ય બિલ 2023 પર વિચારણાની સંભાવના છે.

કોંગ્રેસે મહુઆ મોઈત્રાનો કર્યો બચાવ

સર્વપક્ષીય બેઠક બાદ પ્રમોદ તિવારીએ તૃણમૂળ સાંસદ મહુઆ મોઈત્રાનો બચાવ કર્યો. તેમણે કહ્યું કે, કોંગ્રેસનું માનવું છે કે, જનતા દ્વારા પસંદ કરવામાં આવેલ લોકોની સભ્યતા કોઈ પણ સમિતી દ્વારા છીનવી શકાવી જોઈએ નહીં. આ અંગે ચર્ચા કરવી જોઈએ. હકીકતમાં કેશ ફોર ક્વેરી મામલે લોકસભાની આચાર સંહિતાએ મહુઆ મોઈત્રાને નિચલા સદનની બરખાસ્ત કરવાની ભલામણ કરી છે.

ભારતના સ્ટાર ફાસ્ટ બોલર મોહમ્મદ શમીને પગની ઘૂંટીની સમસ્યા થઈ રહી છે જેને સારવારની જરૂર છે અને ભારતીય ટીમ મેનેજમેન્ટને આશા છે કે, તે દક્ષિણ આફ્રિકા સામે સેન્ચુરિયનમાં 26 ડિસેમ્બરથી શરૂ થનારી પ્રથમ ટેસ્ટ માટે સમયસર ફિટ થઈ જશે.

શમીને દક્ષિણ આફ્રિકા પ્રવાસ માટે ટેસ્ટ ટીમમાં સામેલ કરવામાં આવ્યો છે, પરંતુ તેની ઉપલબ્ધતા ફિટનેસ પર નિર્ભર રહેશે. જાણવા મળ્યું છે કે શમી તેના પગની સમસ્યાની સારવાર માટે મુંબઈમાં ‘સ્પોર્ટ્સ ઓર્થોપેડિક’ની સલાહ લઈ રહ્યો હતો.

બીસીસીઆઈના સૂત્રએ કહ્યું કે, આ મેદાન પરની ઈજા નથી. તેને પગની ઘૂંટીમાં થોડી સમસ્યા છે. શમી ડૉક્ટરોની સલાહ માટે મુંબઈ આવ્યો હતો. તે પુનર્વસન અને સારવાર માટે એનસીએ પણ જશે. જો શમી ‘બોક્સિંગ ડે ટેસ્ટ’ માટે સમયસર સ્વસ્થ થવાની શક્યતા ન હતી, તો રાષ્ટ્રીય પસંદગીકારોએ તેને પસંદ કર્યો ન હોત.

દક્ષિણ આફ્રિકા પ્રવાસ માટે ભારતીય ટેસ્ટ ટીમ

રોહિત શર્મા (કેપ્ટન), શુભમન ગિલ, યશસ્વી જયસ્વાલ, વિરાટ કોહલી, શ્રેયસ અય્યર, રુતુરાજ ગાયકવાડ, ઈશાન કિશન (વિકેટકીપર), કેએલ રાહુલ (વિકેટકીપર), રવિચંદ્રન અશ્વિન, રવિન્દ્ર જાડેજા, શાર્દુલ ઠાકુર, મોહમ્મદ, સિરાજ, મુકેશ કુમાર, મોહમ્મદ. . શમી, જસપ્રિત બુમરાહ (વાઈસ-કેપ્ટન), પ્રસિદ્ધ કૃષ્ણા.