Connect with us

Entertainment

દુબઈના મેડમ તુસાદ મ્યુઝિયમમાં અલ્લુ અર્જુનનું મીણનું પૂતળું મુકાશે

Published

on

તાજેતરમાં જ નેશનલ ફિલ્મ એવોર્ડ જીતનાર અલ્લુ અર્જુનની ખ્યાતિ માત્ર દેશમાં જ નહીં વિદેશમાં પણ ફેલાયેલી છે. આના પરિણામે દુબઈના મેડમ તુસાદ મ્યુઝિયમમાં અભિનેતાનું મીણનું પૂતળું સ્થાપિત કરવામાં આવશે. અહેવાલ છે કે આ વર્ષના અંત સુધીમાં, અભિનેતાનું પૂતળું તૈયાર થઈ જશે અને લોકોને જોવા માટે મ્યુઝિયમમાં પ્રદર્શિત કરવામાં આવશે. તાજેતરમાં, અભિનેતાનો એક વીડિયો વાયરલ થઈ રહ્યો છે, જેમાં તે મીણની પ્રતિમા માટે માપ આપતો જોવા મળે છે. વીડિયો ઈન્ટરનેટ પર વાયરલ થઈ રહ્યો છે, જેમાં તે બ્લેક સૂટ પહેરેલો જોવા મળી રહ્યો છે. તેમના પૂતળામાં લાલ જેકેટ હશે, જે તેમણે તેમની ફિલ્મ આલા વૈકુંઠપુરરામુલુના બોર્ડરૂૂમ ડાન્સ સીનમાં પહેર્યું હતું. જ્યારે અલ્લુ અર્જુનને ખબર પડી કે તેની મેડમ તુસાદ મ્યુઝિયમ દુબઈમાં મીણની પ્રતિમા માટે પસંદગી કરવામાં આવી છે ખુશી વ્યક્ત કરતા અલ્લુ અર્જુને એક નિવેદનમાં કહ્યું હતું કે, મેં લોસ એન્જલસમાં મેડમ તુસાદ મ્યુઝિયમની મુલાકાત લીધી હતી અને ત્યાંનો અનુભવ જોઈને હું આશ્ચર્યચકિત થઈ ગયો હતો. હવે હું વિશ્વાસ કરી શકતો નથી કે મારી પણ મીણની આકૃતિ હશે, હું ક્યારેય આ વાત પર વિશ્વાસ કરી શકીશ નહીં. અલ્લુ અર્જુનની પ્રતિમા બ્લુ વોટર્સમાં સ્થિત સુંદર અને ઇન્ટરેક્ટિવ બોલિવૂડ ઝોનમાં મૂકવામાં આવશે.

Continue Reading
Click to comment

Leave a Reply

Your email address will not be published. Required fields are marked *

Entertainment

મની લોન્ડ્રિંગ કેસમાં EDની સૌથી મોટી કાર્યવાહી, શિલ્પા શેટ્ટી અને રાજ કુન્દ્રાની 97 કરોડની સંપત્તિ જપ્ત

Published

on

By

 

બોલિવૂડ અભિનેત્રી શિલ્પા શેટ્ટી અને તેના બિઝનેસમેન પતિ રાજ કુન્દ્રાની મુશ્કેલીઓ ફરી એકવાર વધી રહી છે. ઈડીએ મની લોન્ડરિંગ કેસમાં રાજ કુન્દ્રા વિરુદ્ધ કાર્યવાહી કરીને મોટું પગલું ભર્યું છે. EDએ શિલ્પા અને રાજની 97 કરોડ 79 લાખ રૂપિયાની સંપત્તિ જપ્ત કરી છે. તેની સાથે શિલ્પા શેટ્ટીનો જુહુ ફ્લેટ પણ એટેચ કરવામાં આવ્યો છે. આ સાથે EDએ પુણેનો બંગલો અને ઈક્વિટી શેર પણ જપ્ત કર્યા છે.

EDએ મહારાષ્ટ્રમાં નોંધાયેલી અલગ-અલગ FIRના આધારે PMLA હેઠળ તપાસ શરૂ કરી હતી. રાજ કુન્દ્રા પર આરોપ હતો કે મેસર્સ વેરિએબલ ટેક પ્રાઈવેટ લિમિટેડ, સ્વ.અમિત ભારદ્વાજ, અજય ભારદ્વાજ, વિવેક ભારદ્વાજ, સિમ્પી ભારદ્વાજ, મહેન્દ્ર ભારદ્વાજ અને અન્ય MLM એજન્ટોએ વર્ષ 2017માં આશરે રૂ. 6600 કરોડના બિટકોઈન મેળવ્યા હતા. આ તમામ બિટકોઈન ખોટા વચનોના આધારે રોકાણકારો પાસેથી લેવામાં આવ્યા હતા.

રોકાણકારોને ખાતરી આપવામાં આવી હતી કે તેમને 10 ટકા વળતર આપવામાં આવશે. રાજ કુન્દ્રા પર એવો પણ આરોપ છે કે તેણે અંગત હિત માટે બિટકોઈન માઈનિંગનો ઉપયોગ કર્યો હતો, તે એક પ્રકારની પોન્ઝી સ્કીમ હતી. રાજ કુન્દ્રા આ કૌભાંડનો માસ્ટર માઈન્ડ હોવાનું કહેવાય છે. તેણે 285 બિટકોઈન મેળવ્યા હતા. અમિત ભારદ્વાજે રોકાણકારોને છેતરીને આ બિટકોઈન મેળવ્યા હતા અને યુક્રેનમાં બિટકોઈન માઈનિંગમાં રોકાણ કર્યું હતું.

આજની તારીખે રાજ કુન્દ્રા પાસે રહેલા 285 બિટકોઈન્સની કિંમત 150 કરોડ રૂપિયાથી વધુ છે. આ કેસમાં ઇડીએ દરોડા પાડીને ત્રણ આરોપીઓની ધરપકડ કરી હતી. સિમ્પી ભારદ્વાજની 17 ડિસેમ્બર 2023ના રોજ, નીતિન ગૌરની 29 ડિસેમ્બર 2023ના રોજ અને અખિલ મહાજનની 16 જાન્યુઆરી 2023ના રોજ ધરપકડ કરવામાં આવી હતી. હાલ તમામ જેલમાં છે. આ કેસના મુખ્ય આરોપી અજય ભારદ્વાજ અને મહેન્દ્ર ભારદ્વાજ હજુ ફરાર છે. ED તેને શોધવામાં વ્યસ્ત છે. આ કેસમાં ED પહેલાથી જ રૂ. 69 કરોડની જંગમ અને જંગમ મિલકત જપ્ત કરી ચૂકી છે.

Continue Reading

Entertainment

બોલિવૂડના મેગાસ્ટાર અમિતાભ બચ્ચનને ‘લતા દીનાનાથ મંગેશકર’ એવોર્ડથી કરાશે સન્માનિત, આ કારણે આપવામાં આવ્યો આ પુરસ્કાર

Published

on

By

 

હિન્દી સિનેમાના મેગાસ્ટાર અમિતાભ બચ્ચન છેલ્લા ઘણા દાયકાઓથી દર્શકોનું મનોરંજન કરી રહ્યા છે. તેણે પોતાના દમદાર અભિનય માટે ઘણા એવોર્ડ પણ જીત્યા છે. આ દરમિયાન, મેગાસ્ટારને વધુ એક મોટો ખિતાબ મળવ જઈ રહ્યો છે. પીઢ અભિનેતા અમિતાભ બચ્ચનને લતા દીનાનાથ મંગેશકર એવોર્ડથી સન્માનિત કરવામાં આવનાર છે. આ એવોર્ડ દર વર્ષે એવી વ્યક્તિને આપવામાં આવે છે જેણે રાષ્ટ્ર, લોકો અને સમાજ માટે યોગદાન આપ્યું હોય.

અમિતાભ બચ્ચનની સાથે ઓસ્કાર વિજેતા એઆર રહેમાન અને રણદીપ હુડાને પણ આ એવોર્ડથી સન્માનિત કરવામાં આવશે. મંગેશકર પરિવારે મંગળવારે એક પ્રેસ કોન્ફરન્સમાં આ જાહેરાત કરી હતી. તેમણે કહ્યું કે પ્રતિષ્ઠિત લતા દીનાનાથ મંગેશકર એવોર્ડ અમિતાભ બચ્ચનને આપવામાં આવશે. આ પુરસ્કાર લતા મંગેશકરની યાદમાં બનાવવામાં આવ્યો છે, જેઓ વર્ષ 2022માં દુનિયાને અલવિદ કહ્યું હતું. આ એવોર્ડ ખાસ કરીને એવા લોકો માટે છે જેમણે પોતાના કામ દ્વારા સમાજ પર મોટી અસર કરી છે.

આ એવોર્ડ અમિતાભ બચ્ચનને આપવામાં આવશે. અખબારી યાદીમાં એવી પણ જાહેરાત કરવામાં આવી છે કે ભારતીય સંગીતમાં તેમના ઉત્કૃષ્ટ કાર્ય માટે એઆર રહેમાનને માસ્ટર દીનાનાથ મંગેશકર એવોર્ડ આપવામાં આવશે. એટલું જ નહીં, રણદીપ હુડ્ડાને પણ આ વિશેષ એવોર્ડથી સન્માનિત કરવામાં આવશે.

તમને જણાવી દઈએ કે, ગયા વર્ષે આ એવોર્ડ લતા મંગેશકરની નાની બહેન આશા ભોંસલેને આપવામાં આવ્યો હતો. લતા મંગેશકર ભલે આજે આપણી વચ્ચે નથી, પરંતુ તેમના ગીતોની ભેટ હંમેશા બધાની સાથે રહેશે. હિન્દી સિનેમામાં તેમનું યોગદાન ક્યારેય ભૂલી શકાશે નહીં. લતા મંગેશકરે પોતાની કારકિર્દીમાં 50 હજારથી વધુ ગીતોને પોતાનો અવાજ આપ્યો હતો.

Continue Reading

Entertainment

રાજામૌલીની 1000 કરોડની ફિલ્મમાં આમિર ખાનની એન્ટ્રી ? વિલનનો રોલ

Published

on

By

  • દેશની સૌથી મોંધી ફિલ્મ બનાવી રહ્યા છે રાજામૌલી

લાલ સિંહ ચઢ્ઢા ફિલ્મ ફ્લોપ થયા બાદથી આમિર ખાન મોટા પડદાથી દૂર છે. તેણે હજુ સુધી કોઈ ફિલ્મ સાઇન કરી નથી. પરંતુ હવે સમાચાર આવી રહ્યા છે કે આમિર ખાન દિગ્ગજ નિર્દેશક એસએસ રાજામૌલીની આગામી ફિલ્મનો ભાગ બની શકે છે. વાસ્તવમાં ઘણા સમયથી ચર્ચા ચાલી રહી છે કે આમિર રાજામૌલી અને મહેશ બાબુની આગામી ફિલ્મમાં વિલન બની શકે છે. જો કે, લાંબા સમય સુધી મેકર્સ અને આમિર તરફથી આ અંગે કંઈ કહેવામાં આવ્યું ન હતું,

એસએસ રાજામૌલી અને મહેશ બાબુ દેશની સૌથી મોંઘી ફિલ્મ બનાવવા જઈ રહ્યાં છે. હાલ આ ફિલ્મને SSMB29 નામ આપવામાં આવ્યું છે. હાલ ફિલ્મનાં પ્રોડક્શન પર કામ ચાલી રહ્યું છે. અહેવાલો અનુસાર, બાહુબલી ફેમ ડાયરેક્ટર રાજામૌલી અને આમિર ખાને થોડા દિવસો પહેલા મુંબઈમાં એક ગુપ્ત મુલાકાત કરી હતી. બંનેની આ ગુપ્ત મુલાકાત બાદ ફરી એવું કહેવામાં આવી રહ્યું છે કે આ મીટિંગ રાજામૌલી અને મહેશ બાબુની SSMB29 માટે હતી.

રિપોર્ટ્સમાં કહેવામાં આવી રહ્યું છે કે રાજામૌલીએ SSMB29માં મહત્ત્વની ભૂમિકા માટે આમિર ખાનનો સંપર્ક કર્યો છે. જો આ સમાચાર સાચા હોય અને આમિર આ પ્રોજેક્ટનો ભાગ બને તો ચાહકોએ બીજી મોટી ફિલ્મ માટે તૈયાર થઈ જવું જોઈએ. ખાસ વાત એ છે કે આ ફિલ્મને દેશની સૌથી મોંઘી ફિલ્મ ગણાવવામાં આવી રહી છે. તેનું બજેટ લગભગ 1000 કરોડ રૂૂપિયાનું હશે.

Continue Reading

Trending