Connect with us

ગુજરાત

મહિલા કર્મચારીએ બળાત્કારની ધમકી આપતા કોન્સ્ટેબલે આપઘાત કર્યો હતો

Published

on

શહેરના વસ્ત્રાપુર રેલવે ક્રોસિંગ પાસેની ક્રૃષ્ણનગર સોસાયટીમાં ગત તા. 9.10.2023ના રોજ એન ડિવિઝન ટ્રાફિક પોલીસ સ્ટેશનમાં ફરજ બજાવી ચૂકેલા કોન્સ્ટેબલ હિતેષ આલે આપઘાત કર્યાના કેસમાં નવા ખુલાસા થયા છે. મૃતક હિતેષભાઇ આલને એસજી-2 ટ્રાફિક પો. સ્ટેશનમાં ફરજ બજાવતી રીંકલ અમરતભાઇ સાથે પ્રેમ સંબંધ હતો. ત્રણેક વર્ષમાં રીંકલે પ્રેમ સંબંધ કેળવી અન્ય લોકો સાથે સંબંધો બાંધ્યા હોવાથી હિતેષભાઇએ તેની સાથે સંબંધો પૂરા કરી નાખ્યા હતા.
રીંકલે હિતેષભાઇ પાસેથી નાણાં પડાવી માનસિક ત્રાસ આપી કેસ કરવાની ધમકીઓ આપી હિતેષભાઇની પત્નીને ફોન કરીને ઝઘડો કર્યો હતો. આ બાબતોથી કંટાળીને હિતેષભાઇએ આપઘાત કર્યો હોવાથી રીંકલ સામે દુષ્પ્રેરણાનો ગુનો નોંધી વેજલપુર પોલીસે ધરપકડ કરી છે.
ભાવનગરમાં રહેતા હરેશભાઇ આલના ભાઇ હિતેષભાઇ આલ વર્ષ 2017માં પોલીસ ખાતામાં ભરતી થયા હતા. કોન્સ્ટેબલ હિતેષભાઇ એન ડિવિઝન ટ્રાફિક પો. સ્ટેશનમાં ફરજ બજાવતા હતા અને થોડા દિવસો પહેલા હિતેષભાઇએ તેમના ઘરે એકલા હતા ત્યારે આપઘાત કર્યો હતો. ત્યારે તેમના ભાઇ હરેશભાઇએ તપાસ કરતા હિતેષભાઇને ત્રણેક વર્ષથી એસજી-2 ટ્રાફિક પો. સ્ટેશનમાં ફરજ બજાવતી રીંકલ અમરતભાઇ સાથે પ્રેમ સંબંધ હોવાનું સામે આવ્યું હતું. હિતેષભાઇએ પોતાના લગ્ન પહેલા તેમના ભાઇને આ બાબતોની જાણ કરી હતી. રીંકલને બીજી જગ્યાએ અફેર હોવાથી હિતેષભાઇ બીજે લગ્ન કરવા તૈયાર પણ થયા હતા અને ગત તા. 7.2.2023ના રોજ તેમણે ક્રિષ્નાબેન સાથે લગ્ન કર્યા હતા.
કોન્સ્ટેબલ હિતેષભાઇ અમદાવાદ એકલા રહેતા હોવાથી પત્નીને સાથે લઇ જવાનું તેમના ભાઇએ કહેતા હિતેષભાઇએ તેમને જણાવ્યું હતું કે રીંકલ સાથે સંબંધ તોડી નાખ્યા હોવા છતાંય તે હજુ છોડતી નથી અને પત્નીને લાવીશ તો તારા ઘરે આવી ઇજ્જતના ધજાગરા કરી નાખીશ તેવી ધમકીઓ આપતી હોવાની વાત કરી હતી.
રીંકલે હિતેષભાઇને એવી પણ ધમકી આપી હતી કે, જો તુ નહિ માને તો હું તારી પર બળાત્કારનો કેસ કરી ફસાવી દઇશ. જેથી તેની ધમકીઓને તાબે થઇને હિતેષભાઇ પત્નીને અમદાવાદ લાવતા ન હતા. જો કે હરેશભાઇએ હિતેષભાઇને સાંત્વના આપીને રીંકલથી છુટકારો મેળવવા બદલી કરાવી દેવા રિપોર્ટ તૈયાર કરવાની સલાહ આપી હતી.
થોડા દિવસો બાદ હિતેષભાઇએ તેમના ભાઇની વાત માનીને પત્નીને અમદાવાદ રહેવા લાવ્યા હતા. ત્યાં પત્ની મરણપ્રસંગમાં વતને જતા હિતેષભાઇ ઘરે એકલા હતા ત્યારે તેમણે તેમના મિત્રને જન્મદિવસની શુભેચ્છા પાછવતો ફોન કર્યા બાદ આપઘાત કરી લીધો હતો. જે મામલે વેજલપુર પોલીસે અકસ્માત મોતનો ગુનો નોંધ્યો હતો. જો કે મૃતક હિતેષભાઇ ના ભાઇએ પોલીસ સમક્ષ રીંકલના ત્રાસ બાબતે રજુઆત કરતા પોલીસે રીંકલ સામે દુષ્પ્રેરણાનો ગુનો નોંધી તપાસ હાથ ધરી છે.

ગુજરાત

રાજકોટના ટોચના બિલ્ડર ગ્રૂપના 30 સ્થળે આઇ.ટી.ના દરોડા

Published

on

By

  • ઓરબીટ ગ્રૂપવાળા લાડાણી એસોસિએટ્સના તમામ ભાગીદારોના નિવાસસ્થાનો, ઓફિસો સહિતના સ્થળોએ 150 જેટલા અધિકારીઓનો કાફલો ત્રાટક્યો

ગુજરાતમાં ચાલુ વર્ષે બિલ્ડરો ઉપર ઇન્કમટેકસ વિભાગની સતત તવાઇ ચાલુ જ રહી હોય તેમ અમદાવાદ- સુરતના બિલ્ડરો બાદ આજે ઇન્કમટેકસ વિભાગે રાજકોટમાં ટોચના બિલ્ડર ગૃપ ઉપર તવાઇ ઉતારી છે અને આજે રાજકોટમાં બેરીંગ તથા બિલ્ડીંગ ક્ષેત્ર સાથે સંકળાયેલા ઓરબીટ ગૃપ અને તેની સાથે જોડાયેલા લોકોના કુલ 30 જેટલા સ્થળે સર્ચ ઓપરેશન હાથ ધરતા બિલ્ડર લોબીમાં ફફડાટ ફેલાઇ જવા પામેલ છે. ઇન્કમટેકસ વિભાગની આ તપાસ દરમિયાન મોટી રકમના બિનહિસાબી વ્યવહારો ઝડપાવાની શકયતા દર્શાવાઇ રહી છે.

જાણવા મળતી માહિતી મુજબ આજે વહેલી સવારથી ઓરબીટ બેરીંગ ગૃપ તથા અગ્રણી બિલ્ડર દિલીપ લાડાણીની ભાગીદારીવાળા અને તેની સાથે જોડાયેલા તમામ ભાગીદારોના ઓફિસો, નિવાસસ્થાનો તેમજ બાંધકામ સાઇટો સહીતના 30 જેટલા સ્થળોએ ઇન્કમટેકસ વિભાગના 150 જેટલા અધિકારીઓનો કાફલો ત્રાટકયો હતો.

મળતી માહિતી મુજબ આ બિલ્ડર ગૃપના નવા રીંગરોડ ઉપર સ્પીડવેલ પાર્ટી પ્લોટ પાસે આવેલ ગેલેકસી ગાર્ડન, મોટામવામાં આવેલ ટિવન ટાવર, સ્કાય હિલ ગાર્ડન સહીતના લાડાણી એસોસીએટસના તમામ ભાગીદારોના ઠેકાણાઓ ઉપર ઇન્કમટેકસ વિભાગે તપાસ હાથ ધરી છે.

લાડાણી એસોસીએટસ સાથે દિલીપ લાડાણી ઉપરાંત ઉત્સવ લાડાણી, રાજ વિનેશ પટેલ, વિનેશ બાબુલાલ પટેલ, વિપુલ બાબુલાલ પટેલ સહીતના ભાગીદારો જોડાયેલા છે. આ તમામ ભાગીદારોના નિવાસસ્થાનો તેમજ ઓફિસો સહીતના સ્થળો ઉપર તપાસ હાથ ધરવામાં આવી છે. ઇન્કમટેકસ વિભાગ દ્વારા લાડાણી એસોસીએટસના તમામ ભાગીદારોના કોમ્પ્યુટર, હિસાબી સાહિત્ય, કાચી-પાકી ચિઠ્ઠીઓ સહીતનાં હિસાબી સાહિત્યની ચકાસણી શરૂ કરી છે. આ તપાસ દરમિયાન મોટી રકમના બિનહિસાબી વ્યવહારો મળી આવવાની શકયતા છે.

બિલ્ડરના કર્મચારીઓના નિવાસે પણ તપાસ હાથ ધરાઇ
રાજકોટનાં બિલ્ડર ગૃપ લાડાણી એસોસીએટસના ભાગીદારોને ત્યાં સવારથી ઇન્કમટેકસ વિભાગે દરોડા પાડયા છે સાથો સાથ આ બિલ્ડર ગૃપને ત્યાં નોકરી કરતા કર્મચારીઓના નિવાસસ્થાનો ઉપર પણ ઇન્કમટેકસ વિભાગે તપાસો હાથ ધરી હોવાનું જાણવા મળે છે. બિલ્ડરો પોતાના બે નંબરના વ્યવહારો કર્મચારીઓના નિવાસ સ્થાનોમાં રાખતા હોવાની શંકાથી કેટલાક કર્મચારીઓના નિવાસે પણ સવારમાં ઇન્કમટેકસના અધિકારીઓ પહોંચ્યા હતા અને હિસાબી સાહિત્ય તેમજ લેપટોપ જપ્ત કરી લીધા હતા. સાથો સાથ કર્મચારીઓના મોબાઇલ જપ્ત કરી તેમને પણ ઓફિસે બેસાડી દેવામાં આવ્યા છે.

કોને ત્યાં તપાસ
દિલીપભાઇ લાડાણી
ઉત્સવ દિલીપભાઇ લાડાણી
રાજ વિનેશભાઇ પટેલ
વિનેશ બાબુલાલ પટેલ
વિપુલ બાબુલાલ પટેલ
દાનુભા જાડેજા

Continue Reading

ગુજરાત

અમદાવાદ-ધોળકા હાઇવે પર ભયંકર અકસ્માત: ડમ્પર પાછળ બોલેરો કાર ઘુસી જતાં 5 લોકોના ઘટનાસ્થળે જ મોત, બે ઇજાગ્રસ્ત

Published

on

By

 

અમદાવાદ-ધોળકા હાઈવે પર ગંભીર અકસ્માતની ઘટના સામે આવી હતી. આ અકસ્માતમાં 5 શ્રમિકોનાં મોત થયાં હતા. પાર્ક કરેલા ડમ્પર સાથે બોલેરોની ટક્કર થતા બોલેરોમાં સવાર પાંચ લોકોના ઘટનાસ્થળ પર જ મોત થયા હતા. જ્યારે બે લોકો ગંભીર રીતે ઈજગ્રસ્ત થયા હતા જેમને સારવાર અર્થે હોસ્પિટલમાં ખસેડવામાં આવ્યા છે. કાર રાણપુર તરફ જઈ રહી હતી આ દરમ્યાન અકસ્માત સર્જાયો હતો.

આ જાણવા મળતી વિગતો અનુસાર આજે વહેલી સવારે લગભગ 4.30 વાગ્યાની આસપાસ ધોળકા-ખેડા હાઈવે પર પુલેન સર્કલ નજીક એક પાર્ક કરેલા ડમ્પર સાથે અચાનક જ બોલેરો કારની ટક્કર થઈ હતી. સૂત્રો પાસેથી મળતી માહિતી મુજબ બોલેરોમાં 7 શ્રમિકો સવાર હતા જે પોતાના કામ અર્થે ધાનપુર જઈ રહ્યા હતા. આ ભયાનક અકસ્માતમાં એક મહિલા અને એક બાળક સહિત પાંચ લોકોના ઘટનાસ્થળે જ મોત થયા હતા. જ્યારે અન્ય બે લોકો ગંભીર રીતે ઈજાગ્રસ્ત થયા હતા જેમને સારવાર સિવિલ હોસ્પિટલમાં ખસેડવામાં આવ્યા છે.

અકસ્માતને લઈને હાઈવે પર ટ્રાફિક જામ થયો હતો, જો કે સ્થાનિક લોકો તેમજ રોડ પરથી પસાર થતા વાહચાલકો મદદે પહોંચ્યા હતા. અકસ્માતની જાણ થતાં જ પોલીસ તેમજ 108ની કરતા ઘટના સ્થળે પહોંચીને આગળની કાર્યવાહી હાથ ધરી હતી. હાલ ધોળકા ટાઉન પોલીસ ઘટનાની આગળની કાર્યવાહી હાથ ધરી રહી છે. સૂત્રોના જણાવ્યા અનુસાર બોલેરોમાં સવાર શ્રમિકો મૂળ મધ્યપ્રદેશના વતની છે.

 

 

Continue Reading

ગુજરાત

રીબડા પાસે રિક્ષાએ બાઇકને ઉલાળતા પિતાની નજર સામે જ દીકરીનું મોત

Published

on

By

આજે રીબડા નજીક બાઇકને રીક્ષાના ચાલકે ઠોકરે લેતા પિતા-પુત્રી ધવાયા હતાં. તે બંન્નેને રાજકોટની સિવિલમાં ખસેડવામાં આપતા પુત્રીનું મોત નીપજ્યું હતું. આ લોકો રાજકોટ આપતા હોવાનું જાણવા મળી રહયું છે.
બનાવની વિગતો અનુસાર, જેતપુર-ધોરાજી રોડ પર સંઘી પ્લોટમાં રહેતા ઇસુલભાઇ પાસીનભાઇ લાલવાણી (ઉ.વ.37) તેમની દીકરી સબીનાને લઇ રાજકોટ આંખના ડોકટરને બતાવવા આવતા હતા ત્યારે રીબડા નજીક રીક્ષાએ ઠોકરે લેતા પિતા અને પુત્રી બંન્ને રસ્તા પર ફંગોવ્યા હતા અને જેમાં બંન્નેને ગંભીર ઇજા થતાં અહીની સિવિલ હોસ્પિટલે ખસેડવામાં આવતાં પુત્રીને ફરજ પરના તબીબે મૃત જાહેર કરી હતી. ઇસુલભાઇને સંતાનમાં એક પુત્ર અને બે દીકરી હતી જેમાં સબીના નાની હતી. તેમજ ઇસુલભાઇ મજુરીકામ કરે છે. દીકરીના મોતથી પરિવારમાં માતમ છવાયો છે.

Continue Reading

Trending