Connect with us

Uncategorized

બેટ-દ્વારકાની કરોડોની કિંમતી જમીન હડપ કરવાનો મોટો કારસો

Published

on

ધર્મસ્થાન બેટને જમીની માર્ગે જોડતા સિગ્નેચર બ્રિજનું કામ લગભગ પૂર્ણતાના આરે છે, એક ટુકડો જોડાઇ ગયા બાદ આખો બ્રિજ તૈયાર થઇ જશે અને આગામી મહીનાઓમાં ગમે ત્યારે તે ખુલ્લો મુકાઇ શકે છે, આ બ્રિજ બનવાના કારણે બેટદ્વારકાની જમીનોના ભાવમાં એકાએક આવેલા જબરદસ્ત ઉછાળા પછી કેટલાક જમીન કૌભાંડકારીઓ ભારે સક્રિય બન્યા હોવાનું અગાઉ ફલીત થયું હતું અને કરોડોની કિંમત ધરાવતી એક જમીનના મામલામાં દ્વારકાના ચતુરચંદ અને કાનાની જોડીએ ખેલ પાડયો હોવાની વ્યાપક ચર્ચા જાગી હતી, અખબારોમાં પણ આ ન્યુઝ શંકા સાથે આપવામાં આવ્યા હતાં ત્યારે નવો ફણગો ફુટયો છે, બેટના જ એક વ્યકિત દ્વારા જિલ્લા કલેકટરને થોડા અરસા પહેલા આવેદનપત્ર આપવામાં આવ્યું હતું અને તેમાં લગત જમીનના બીનખેતી કરવા સામે તથા વારસાઇ અને વીલ અંગે અનેક ચોંકાવનારા આક્ષેપો કરવામાં આવ્યા છે.
બેટ ખાતે ખેતી તથા વેપાર સાથે જોડાયેલા જશપાલસિંહ દિલુભા વાઢેર દ્વારા જિલ્લા કલેકટરને આવેદનપત્ર આપવામાં આવ્યું હતું અને તેની નકલ મુખ્યમંત્રી, ગૃહમંત્રી સહિતના સંબંધીત જવાબદારોને પણ પહોંચાડવામાં આવી છે. આ આવેદનમાં આમ તો અનેક બાબતો સંબંધે સવાલો ઉઠાવવામાં આવ્યા છે, ખાસ કરીને ચોકકસ જમીન કે જે કરોડોની કિંમત ધરાવે છે તેના સર્વે નંબર પણ આપવામાં આવ્યા છે અને આ જમીન બિનખેતી થઇ ગઇ છે એવું પણ દર્શાવાયું છે, મુળ માલીકના અવસાન, તેની વારસાઇ નોંધ અને ખાસ કરીને જે મહીલા પાસે છેલ્લે આ જમીન હતી એમની હૈયાતીમાં બનાવવામાં આવેલા વસીયતનામા અંગે અનેક સવાલો ઉઠાવવામાં આવ્યા છે, એવો આક્ષેપ કરાયો છે કે, ખોટા સહી, સિકકા, પ્રમાણપત્રોની નકલો રજૂ કરીને મરણદાખલા સાથે પણ છેડછાડ કરાઇ છે અને 29 વર્ષ 11 માસ 28 દિવસ બાદ વીલની અમલવારી કરવામાં આવી છે. આ આવેદનપત્રમાં સર્વે નંબર સાથે જમીનનો ઉલ્લેખ કરાયો છે અને હાલમાં આ જમીન કોના નામે છે ? એ બાબત દર્શાવવામં આવી છે.
આવેદનમાં એમ પણ જણાવાયું છે કે, 1988માં બનાવવામાં આવેલું વીલ તેમાં કરવામાં આવેલી સહીઓ, સોગંદનામા, મરણ પ્રમાણપત્ર આ તમામ બાબતો ચકાસવાથી દુધનું દુધ, પાણીનું પાણી થઇ શકે છે. ચોકકસ લોકોએ જમીનના ખોટા કાગળો તૈયાર કરાવ્યા હોવાનો આક્ષેપ કરીને સરકારની તીજોરીને નુકશાન પહોંચાડવા કારસો રચાયાનું સામે આવ્યું છે. અત્રે નોંધનીય છે કે, અગાઉ આ જમીન કૌભાંડના મામલે દ્વારકાના મીન રાશી ધરાવતા એક ચતુરચંદનું નામ પ્રકાશમાં આવ્યું હતું અને તેને લઇને કેટલીક ચોંકાવનારી બાબતો ચર્ચવામાં આવતી હતી, ફરી આ વ્યકિત દ્વારા બેટમાં જમીન હડપ કરી લેવા કારસો રચાયાનું ચર્ચાઇ રહ્યું છે, આ સંબંધે દ્વારકાના જિલ્લા કલેકટર દ્વારા ઉંડી તપાસ થાય તો ચોંકાવતી વિગતો સામે આવી શકે છે, આ ઉપરાંત જિલ્લા પોલીસ વડા દ્વારા સમગ્ર મામલે તપાસ કરવામાં આવે તેવી પણ લાગતી ઉઠી છે જેથી કરીને બેટ ખાતે સક્રિય થયેલા કેટલાક ભૂ-માફીયાઓ સામે લેન્ડ ગ્રેબીંગ જેવા અપરાધ પણ નોંધી શકાય. જોઇએ આ મામલે કયારે તપાસ થાય છે.

Continue Reading
Click to comment

Leave a Reply

Your email address will not be published. Required fields are marked *

Uncategorized

જામનગર લોકસભાના ઉમેદવાર પૂનમબેન માડમ પાસે રૂા.64.38 કરોડની સંપત્તિ

Published

on

By

જામનગર લોકસભા બેઠકના ભાજપના ઉમેદવાર પુનમબેન માડમે ઉમેદવારીપત્ર સાથે રજુ કરેલા સોગંદનામામાં પોતાની સ્વપાર્જીત સ્થાવર જંગમ મિલ્કતોની બજાર કિંમત 64.38 કરોડ થાય છે. જે સામે તેના પર પતિ પાસેથી લીધેલી 18 કરોડની લોન અને અન્ય 35 કરોડની જવાબદારી દર્શાવવામાં આવી છે. બે લક્ઝુરિયસ કાર, પોતાના પાસે એક પિસ્તોલ અને પતિ પાસે 3 રાઈફલો હોવાનું જાહેર કર્યુ છે.

ઉમેદવારી નોંધાવવાના અંતિમ દિવસે 2024ની લોકસભાની ચુંટણીના જામનગર બેઠકના ઉમેદવાર પૂનમબેન માડમે સોગંદનામામાં પોતાનું ઈન્કમટેક્સ રીર્ટન 80.13 લાખ, પતિ પરમિન્દરકુમારનું રીર્ટન 4.38 કરોડનું ભર્યાનું દર્શાવ્યું છે. પોતાની હાથ પરની રોકડ 3.52 લાખ, પતિ પાસે 1.60 લાખ, શેરો, સરકારી યોજનાઓમાં મળીને કુલ 12.85 કરોડનું રોકાણ, 34.45 લાખની ટોયોટા ફોર્ચુનર, 45.89 લાખની ટોયોટા લેન્ડક્રુઝર કાર, 3.72 કરોડનું 5554.37 ગ્રામ સોનું, 51.52 લાખના હીરા, 19.82 લાખની ચાંદી, 1.8 લાખની બેરેટા પીસ્તોલ તેમજ પતિ પાસે ડબલ બેરલ બે અને એક સીંગલ બેરલ રાઈફલ મળીને પોતાની જંગમ મિલ્કતો 22.16 કરોડની અને પતિની જંગમ મિલ્કતો 35.77 કરોડની તથા હિન્દુ સંયુક્ત પરિવારની મિલ્કતો 2.66 કરોડની દર્શાવી છે.

તેમના જામનગર ખાતેના બે મકાન, ઓફીસ, ખેતીની વિવિધ જમીનો સહિતની પોતાની 47.09 કરોડની સ્વપાર્જીત મિલ્કતો દર્શાવી છે. જેની બજાર કિંમત 64.38 કરોડ ગણાય છે. તેમના પતિ પાસેથી 18 કરોડની લોન તેમજ મિલ્કતોના વેચાણ સામે એડવાન્સ ચુકવણા રૂૂપે કંપનીને 35 કરોડ આપ્યાની વિગતો દર્શાવી છે. આમ જામનગર લોકસભા બેઠકના એક માત્ર મહિલા ઉમેદવાર આર્થિક રીતે સૌથી શક્તિશાળી ઉમેદવાર ગણી શકાય છે. તેઓ વડોદરાની એમ. એસ. યુનિવર્સિટીના બીકોમ ગ્રેજ્યુએટ છે. તેમજ તેઓ સામે એક પણ પ્રકારના કેસ કે, કોઈ પણ ટેક્સ કે સરકારી કરજો તેઓના નામે બાકી બોલતો નથી.

Continue Reading

Uncategorized

મિત્રની પઠાણી ઉઘરાણીથી કંટાળી યુવાને બહુમાળી ભવન ચોકમાં ફિનાઈલ પીધું

Published

on

By

શહેરમાં વ્યાજના વરૂઓ બેફામ બન્યા હોય તેમ અવારનવાર વ્યાજખોરોના કારણે અનેક લોકોએ આત્મઘાતી પગલાં ભર્યા હોવાની અનેક ઘટનાઓ પ્રકાશમાં આવી છે ત્યારે રાજકોટમાં ગોંડલ રોડ પર રામનગરમાં રહેતા યુવાને કપડાનો ધંધો કરવા માટે મિત્ર પાસેથી રૂપિયા એક લાખ 30 થી 40 ટકાના વ્યાજે લીધા હતાં. જે વ્યાજે લીધેલા રૂપિયા ચુકવી દીધા હોવા છતાં મિત્રએ પઠાણી ઉઘરાણી કરી માર માર્યો હોવાના આક્ષેપ સાથે યુવાને બહુમાળી ભવન ચોક પાસે ફિનાઈલ પી લીધું હતું. યુવકને ઝેરી અસર થતાં સારવાર માટે ખસેડાયો હતો. પોલીસે વ્યાજખોરની અટકાયત કરી વધુ તપાસ હાથ ધરી છે.

આ બનાવ અંગે પોલીસમાંથી જાણવા મળતી વિગત મુજબ, ગોંડલ રોડ પર આવેલા રામનગરમાં રહેતા નિકુંજ દશરથભાઈ પરમાર નામનો 29 વર્ષનો યુવાન બહુમાળી ભવન ચોકમાં હતો ત્યારે બપોરના દોઢેક વાગ્યાના અરસામાં ફીનાઈલ પી લીધું હતું. યુવકને ઝેરી અસર થતાં તાત્કાલીક સારવાર માટે સિવિલ હોસ્પિટલમાં ખસેડવામાં આવ્યો હતો. આ ઘટના અંગે જાણ થતાં પ્ર.નગર પોલીસ મથકનો સ્ટાફ તાત્કાલીક સિવિલ હોસ્પિટલ ખાતે દોડી ગયો હતો.

પ્રાથમિક પુછપરછમાં નિકુંજ પરમારે કપડાનો ધંધો કરવા માટે મિત્ર જિજ્ઞેશ પુજારા પાસેથી રૂપિયા એક લાખ 30 થી 40 ટકાના વ્યાજે લીધા હતાં નિકુંજ પરમારે રૂપિયા 2.35 લાખ ચુકવી દીધા હોવા છતાં મિત્ર જિજ્ઞેશ પુજારા પઠાણી ઉઘરાણી કરી જનક એન્ટરપ્રાઈઝમાં લઈ જઈ માર માર્યો હતો. મિત્રની પઠાણી ઉઘરાણીથી કંટાળી ફિનાઈલ પી લીધું હોવાનું નિકુંજ પરમારે આક્ષેપ કર્યો છે. આક્ષેપના પગલે પ્ર.નગર પોલીસે પઠાણી ઉઘરાણી કરનાર જિજ્ઞેશ પુજારાની અટકાયત કરી છે અને તપાસનો દૌર લંબાવ્યો છે.

Continue Reading

Uncategorized

ગમખ્વાર અકસ્માતની તપાસ માટે ટીમ બનાવાઈ

Published

on

By

  • અમદાવાદ-વડોદરા એકસપ્રેસ હાઈવે પર ટેન્કર પાછળ કાર ઘૂસી જતાં દસ લોકોના થયા હતાં મોત

ગુજરાતમાં અમદાવાદ-વડોદરા એક્સપ્રેસવે પર નડિયાદ પાસે ગંભીર રોડ અકસ્માત થયો છે. આમાં 10ના મોત થઈ ગયા છે. તો, એક શખ્સની સ્થિતિ ગંભીર કહેવામાં આવી રહી છે. અકસ્માત તે સમયે થયો જ્યારે ઑઈલ ટેન્કરની પાછળથી આવતી ફાસ્ટ કાર તેની સાથે અથડાઈ. અકસ્માત તે સમયે થયો જ્યારે હાઈવે પર ટેક્નિકલ ખામીને કારણે ટેન્કર હાઈવેની સાઈડમાં રોકાયેલું હતું. આ ગમખ્વાર અકસ્માતની તપાસ માટે પોલીસની ખાસ ટીમ બનાવવામાં આવી છે.

કાર વડોદરાથી અમદાવાદ જઈ રહી હતી. પોલીસે જણાવ્યું કે કારમાં બેઠેલા 10 જણના મૃત્યુ થઈ ગયા છે. આમાંથી 8ના ઘટનાસ્થળે જ મૃત્યુ નિપજ્યા હતા, જ્યારે બેના હોસ્પિટલ જવાના રસ્તે જીવ ગયા. કહેવામાં આવી રહ્યું છે કે મૃતકોમાં 8 પુરુષ, 1 મહિલા અને અને 4-5 વર્ષનો એક બાળક સામેલ છે. રાહગીરોએ 108 નંબર પર અકસ્માતની સૂચના આપી. માહિતી મળતા જ એમ્બ્યુલેન્સની બે ગાડીઓ ઘટનાસ્થળે પહોંચી ગઈ હતી.

આ સાથે એક્સપ્રેસ હાઈવે પેટ્રોલિંગ ટીમ પણ રાહત અને બચાવ કામગીરી માટે ઘટનાસ્થળે પહોંચી ગઈ છે. પોલીસે જણાવ્યું કે અકસ્માત એટલો ગંભીર હતો કે કારમાં ફસાયેલા મૃતદેહોને બહાર કાઢવા માટે શીટ કાપવી પડી હતી. અકસ્માતને કારણે અમદાવાદ-વડોદરા એક્સપ્રેસ વે પર ભારે જામ થઈ ગયો હતો. પોલીસે કોઈક રીતે કારને સાઈડમાં લઈ જઈ જામ હટાવ્યો હતો.

કારમાં વડોદરા, નડિયાદ અને અમદાવાદ શહેરના મુસાફરો હોવાનું પોલીસ અનુમાન લગાવી રહી છે. પોલીસે મૃતદેહોના પંચનામા કર્યા બાદ પોસ્ટમોર્ટમ માટે મોકલી આપ્યા છે. આ સાથે કારના રજીસ્ટ્રેશન નંબરના આધારે મૃતકની ઓળખ કરવાના પ્રયાસો કરવામાં આવી રહ્યા છે.ચાલતા ટેન્કરની પાછળ કાર કેવી રીતે ઘુસી ગઈ તેની તપાસ કરવામાં આવી રહી છે. પોલીસે જણાવ્યું કે રામ નવમીના કારણે એક્સપ્રેસ વે પર વાહનોની વધારે ભીડ નહોતી. તમને જણાવી દઈએ કે એક્સપ્રેસ વે પર વાહનો સરેરાશ 100 કિમી પ્રતિ કલાકની ઝડપે જાય છે. પોલીસે અકસ્માતની વિગતવાર માહિતી મેળવવા માટે વધુ તપાસ માટે વિશેષ ટીમની રચના કરી છે.

Continue Reading

Trending