Connect with us

મોરબી

માળિયા મિયાણાના અણયારી ટોલનાકા નજીકથી વિદેશી દારૂની 721 બોટલ ઝડપાઇ

Published

on

અણયારી ટોલાનાકા પાસેથી ટાટા ટ્રકના ચોરખાનામાંથી ઇંગ્લીશ દારૂની બોટલો નંગ 721 કિ.રૂ.2,93,560/- તથા અન્ય મુદામાલ મળી કુલ કિ.રૂ.12,98,560/-ના મુદામાલ સાથે એક આરોપીને મોરબી લોકલ ક્રાઈમ બ્રાંચે ઝડપી પાડયો છે.
મોરબી એલ.સી.બી. તથા પેરોલ ફર્લોનો સ્ટાફ માળીયા મિયાણા પોલીસ સ્ટેશન વિસ્તારમાં પેટ્રોલીંગમાં હોય ત્યારે અણીયારી ટોલટેક્ષ ખાતે વાહન ચેકીંગની કામગીરી કરતા હતા. તે દરમ્યાન પોલીસને સયુંકતમાં ખાનગી રાહે બાતમી મળેલ કે, અમદાવાદ તરફથી એક ટાટા ટ્રક નંબર- GJ-12-BZ-7831 વાળી ગાંધીધામ તરફ જનાર છે. જે ટ્રકમાં ચોરખાનુ બનાવી તેમાં ગેરકાયદેસર રીતે ભારતીય બનાવટનો ઇંગ્લીશ દારૂનો જથ્થો સંતાડી હેરાફેરી કરે છે. અને ગાડીગાડીમાં બીજો કોઇ જ લોડીંગનો સસામાન ભરેલ નથી. તેવી સચોટ મળેલ બાતમીના આધારે અમદાવાદ ગાંધીધામ હાઇવે રોડ ઉપર અણયારી ટોલનાકા પાસે બાતમી વાળી ટ્રકની વોચ ગોઠવતા ટ્રકમાંથી ઇંગ્લીશ દારૂની અલગ અલગ બ્રાન્ડની બોટલો નંગ -721 કિં રૂ. 2,87,580 તથા તથા ટ્રક કિં.રૂ. 10,00,000 તથા મોબાઇલ ફોન નંગ -01 કિં રૂ. 5000 મળી કુલ કિં રૂ. 12,98,560નો મુદ્દામાલ સાથે આરોપી હનુમાનરામ ક્રિષ્નારામ મુલતાનારામ ઢાકા (બિશ્નોઇ) ઉ.વ.30 રહે. નેડીનાડી તા. ધોરીમન્ના જી. બાડમેર રાજસ્થાનવાળાને પકડી પાડી માળીયા મીયાણા પો.સ્ટે. ખાતે પ્રોહીબીશન ધારા તળે ગુનો રજિસ્ટર કરાવેલ છે. તેમજ અન્ય ઈસમ ટ્રક નંબર GJ-12-BZ-7831વાળાના માલીક તથા માલ મોકનાર જીતેન્દ્રસિંહ રાઠોડ (રાજપૂત) રહે.જોધપુર રાજસ્થાનવાળાનુ નામ ખુલતા પોલીસે તેને ઝડપી પાડવા શોધખોળ હાથ ધરી છે.

Continue Reading
Click to comment

Leave a Reply

Your email address will not be published. Required fields are marked *

ગુજરાત

મોરબીમાં પરસોત્તમ રૂપાલાની સભામાં સેંકડો ભાજપના કાર્યકરો રહ્યા ઉપસ્થિત: 4 કિમીની રેલી

Published

on

By

મોરબીમાં ભાજપના ઉમેદવાર પરસોતમ રૂપાલાના પ્રવાસ દરમિયાન 4 કિં.મી. રેલી યોજી હતી. રેલીમાં બહોળી સંખ્યામાં સિરામિક ઉદ્યોગપતિ અને ભાજપના કાર્યકર્તાઓ જોડાયા હતા. અને મોરબી સિરામિક પરિવાર દ્વારા રૂૂપાલાનો સન્માન સમારોહ યોજાયો હતો. તેમજ એક મંચ પર મોટા ગજાના નેતા જોવા મળ્યા હતા.
ભાજપના ઉમેદવાર પરસોતમ રૂૂપાલા દ્વારા રાજકોટ ખાતે એક કાર્યક્રમમાં રાજપૂત સમાજની બહેન બેટી વિશે વાણી વિલાસ કરવામાં આવ્યો હતો ત્યારબાદ રાજપૂત સમાજની લાગણી દુભાતા રૂૂપાલાનો ઠેરઠેર વિરોધ કરવામાં આવી રહ્યો છે ત્યારે ગઈ કાલના રોજ રાજકોટના રતનપર ખાતે ક્ષત્રિય સમાજનું મહાસંમેલન યોજાયું હતું જેમાં બહોળી સંખ્યામાં ક્ષત્રિયો ઉપસ્થિત રહ્યા હતા. ત્યારે આજ મોરબીમાં રૂૂપાલાનો આજે સાંજના પ્રવાસ હતો પરંતુ તે પહેલાં મોરબીના કેટલાક વિસ્તારોમાં રૂૂપાલાના પોસ્ટર ફાડી નાખ્યાં હતાં તો કેટલીક જગ્યાએ રૂૂપાલાના પોસ્ટર પર કાળી શાહી લાગાવી દેવામાં આવી હતી. ત્યારે આજે મોરબીમાં ક્ષત્રિય સમાજ અને કરણી સેનાના આગેવાનોને ભાજપના ઇશારે પોલીસ દ્વારા વહેલી સવારથી જ નજર કેદ કરવામાં આવ્યા છે. અને કોઈ અનિચ્છનિય બનાવ ન બને તે માટે પોલીસે ચુસ્ત બંદોબસ્ત ગોઠવી દીધો હતો. 6 ડીવાયએસપી, 12 પીઆઇ, 30 પીએસઆઇ અને 400 પોલીસ જવાનો આ રેલીમાં ખડેપગે રહ્યા હતા. આ માટે રાજકોટ રૂૂરલ, સુરેન્દ્રનગર અને જામનગરથી પણ પોલીસ સ્ટાફ બોલવાયો હતો.

ઉલ્લેખનીય છે કે મોરબીમાં આજે રાજકોટ લોકસભા બેઠકના ઉમેદવાર પરસોત્તમ રૂૂપાલાએ ભવ્ય પ્રચાર હાથ ધર્યો છે. જેમાં આજે તેઓએ શનાળા ખાતે શક્તિમાંના દર્શન કરી ઉમિયા સર્કલથી લીલાપર કેનાલ રોડ ઉપર આવેલ ક્લાસિક પાર્ટી પ્લોટ સુધી રેલી યોજી હતી. આ રેલીમાં રૂૂપાલા આગળ બંધ કારમાં બેઠા હતા. જ્યારે પાછળ ખુલ્લી જીપમાં ત્રણેય ધારાસભ્યો અને જિલ્લા ભાજપ પ્રમુખ તેમજ ગોવિંદભાઇ વરમોરા ઉપસ્થિત રહ્યા હતા. આ રેલીમાં મોટી સંખ્યામાં બાઇક અને કાર ઉપર કાર્યકર્તાઓ જોડાયા હતા. આ રેલીમાં 32 સ્થળો ઉપર પરસોત્તમ રૂૂપાલાનું સ્વાગત અભિવાદન કરવામાં આવ્યું હતું. આ સભામાં રાજકોટ લોકસભા ઉમેદવાર પરસોતમ રૂૂપાલા, સુરેન્દ્રનગર ઉમેદવાર ચંદુભાઈ શિહોરા, રાજ્ય સભા સાંસદ રામ મોકરિયા, રાજ્યસભા સાંસદ કેસરીદેવસિંહ ઝાલા, મોહન કુંડારિયા સહિતના મોરબી જિલ્લાના ધારાસભ્યો જોડાયા હતા. તેમજ મોરબી સિરામિક પરિવાર દ્વારા મોરબીના ક્લાસિક પાર્ટી પ્લોટમાં રૂૂપાલાનો ભવ્ય સન્માન સમારોહ યોજાયો હતો જેમાં સિરામિક ઉદ્યોગપતિ અને ભાજપના કાર્યકરો બહોળી સંખ્યામાં ઉપસ્થિત રહ્યા હતા. આ સભામાં પરસોતમ રૂૂપાલાએ સભા ગજાવતા જણાવ્યું હતું કે ચાઈનાના કોઈ દેશ પડકારી શકતુ નથી અત્યારે ચાઈનાની હરીફાઈ ભારત તો કરે છે પણ મોરબી પણ હરીફાઈ કરે છે. અને સરકાર દ્વારા સિરામિક માટે કરેલ કામો વર્ણાવ્યા હતા. તેમજ વધુમા જણાવ્યુ હતુ કે 2014માં 50 બેન્ક આઈ.બી. આઇના ઓબજવરમા હતી અને બે લાખ કરોડના માઈન્સમા દેશની બેન્કો ચાલતી હતી અને જો 2014 મા નરેન્દ્ર મોદી વડાપ્રધાન ન બન્યા હોત તો આ જે દેશની પરિસ્થિતિ પાકિસ્તાન કરતા ખરાબ હોત.

Continue Reading

ગુજરાત

મોરબીમાંથી પરિણીત બહેન સહિત સગીરા ભેદી સંજોગોમાં ગુમ: અપહરણ

Published

on

By

 

મોરબી શહેરમાં રહેતી સગીરા પોતાની મોટી બહેન સાથે કુદરતી હાજતે જવા ઘર નજીકના ખેતરમાં ગઈ હતી અને ઘરે પરત નહિ ફરતા સગીરાના પિતાએ સગીર વયની દીકરીના અપહરણની ફરિયાદ નોંધાવી છે જે સગીરા સાથે તેની પરિણીત મોટી બહેન પણ હોવાનું ફરિયાદમાં જણાવ્યું છે.

મોરબી શહેરમાં રહેતા શ્રમિક પરિવારની સગીરાનું અપહરણ થયાની પોલીસ મથકમાં ફરિયાદ નોંધાઈ છે જેમાં સગીરાના પિતાએ પોલીસ મથકમાં ફરિયાદ નોંધાવી જણાવ્યું છે કે ગત તા. 13 એપ્રિલના રોજ સાંજે મજુરી કરી પરત ફર્યા ત્યારે પત્નીએ જણાવ્યું હતું કે બપોરે ત્રણેક વાગ્યે સગીર વયની દીકરી (ઉ.વ.14) વાળી મોટી બહેન 19 વર્ષની જે પરિણીત હોય તેની સાથે ઘર પાસે આવેલ ખેતરમાં કુદરતી હાજતે ગઈ હતી અને બાદમાં પરત આવી નથી જેથી ખેતરમાં જઈને તપાસ કરતા ક્યાય મળી આવી ના હતી.

આમ ફરિયાદીની 14 વર્ષની દીકરી તેની 19 વર્ષની મોટી બહેન સાથે બપોરના સમયે કુદરતી હાજતે જવા ઘરેથી નીકળ્યા બાદ બંને દીકરીઓ ઘરે પરત આવી ના હતી આમ સગીર વયની દીકરીને કોઈ અજાણ્યો ઇસમ લાલચ આપી લગ્ન કરવાના ઈરાદે લલચાવી ફોસલાવી અપહરણ કરી ગયો છે તેમજ સાથે મોટી દીકરી (ઉ.વ.19)વાળી સાથે હોવાનું જણાવ્યું છે મોરબી એ ડીવીઝન પોલીસે અપહરણની ફરિયાદ નોંધી તપાસ ચલાવી છે.

Continue Reading

ક્રાઇમ

મોરબી પંથકમાંથી પકડાયેલા શખ્સે રાજકોટમાંથી બાઇક ચોર્યાની કરી કબૂલાત

Published

on

By

રાજકોટ શહેર બી ડીવીઝન પોલીસ સ્ટેશન વિસ્તારમાંથી ચારેક માસ પહેલા બનેલ મોટરસાયકલ ચોરીનો અનડીટેકટ ગુન્હો ડીટેકટ કરી, તેમજ મોરબી વિસ્તારમાંથી કેબલ ચોરી, કરતા એક ઇસમને મોટરસાયકલ તથા કોપર વાયર મળી કુલ રૂ.46,900/- ના મુદામાલ સાથે મોરબી ક્રાઇમ બ્રાન્ચે ઝડપી પાડયો છે.

મોરબી એલસીબી પોલીસ સ્ટાફ મોરબી-જેતપર રોડ રંગપર ગામ પાસે આવેલ સત્યમ વે-બ્રિજ પાસે આવતા એક ઇસમ મોટર સાયકલની ટાંકી ઉપર બાચકુ લઇને પસાર થતા જે શંકાસ્પદ જણાતા ઇસમને રોકી તેની પાસે રહેલ મોટર સાયકલ જોતા હીરો સ્પ્લેન્ડર પ્લસ મો.સા.નં- ૠઉં-03- કઉં-6450 વાળુ હોય તેમજ તેની પાસે રહેલ બાચકામાં જોતા કોપર વાયર ભરેલ હોય જેના બીલ આધાર પુરાવા માંગતા પોતાની પાસે નહિ હોવાનું જણાવેલ જે તેણે ચોરી કે છળકપટથી મેળવેલ હોવાનું જણાતા જે મોટરસાયકલ બાબતે ઇ-ગુજકોપમાં સર્ચ કરતા આ મો.સા. રાજકોટ સીટી બી ડીવી પો.સ્ટે. વિસ્તારમાંથી ચોરી થયેલ હોવાનું જણાતા, તેમજ કોપર વાયર પકડાયેલ ઇસમે ગઇકાલ પાવડીયારી કેનાલ પાસે આવેલ લેમલ કારખાનામાંથી ઇલેકટ્રીક કેબલ વાયરની ચોરી કરી તે હોવાનું જણાવતો હોય તેની પાસેથી મળી આવેલ મો.સા. ચોરીના ગુનાના કામના મુદામાલ તરીકે કિ.રૂ.30,000/- ગણી, તેમજ ચોરી કે છળકપટથી મેળવેલ કોપર વાયર આશરે 26 કિલો કિ.રૂૂ.16900/- સી.આર.પી.સી. કલમ-102 મુજબ કબ્જે કરી ઇસમ નવઘણભાઇ મફાભાઇ કમાભાઇ મંદુરીયા ઉ.વ. 24 રહે. મુળ ગામ ભગુપુર તા. ચુડા જી. સુરેન્દ્રનગરવાળાને સી.આર.પી. સી. કલમ 41(1) ડી. મુજબ પકડી પાડેલ છે.

મોટરસાયકલ બાબતે ઇસમને પુછપરછ કરતા મોટરસાયકલ પોતે આજથી આશરે ચારેક માસ પહેલા રાજકોટ બેડી ચોકડી પાસે મોરબી રોડ, ઉપર એક ચાની દુકાન પાસેથી ચોરી કરેલ હોવાનું જણાવેલ છે જે ઇસમને ઉપરોકત મુદામાલ સાથે મોરબી તાલુકા પો.સ્ટે.માં સોપી આપેલ છે.

Continue Reading

Trending