અંતે કર્ણાટક વિધાનસભાની ચૂંટણીની તારીખો જાહેર કરી દેવાઈ ને એ સાથે જ એક ઔપચારિકતા પૂરી કરી દેવાઈ. દેશના મુખ્ય ચૂંટણી કમિશનર રાજીવ કુમારે કરેલી જાહેરાત પ્રમાણે, કર્ણાટકમાં 10 મેએ એક જ તબક્કામાં મતદાન થશે અને 13 મેના દિવસે પરિણામ જાહેર થશે. કર્ણાટકમાં 5.21 કરોડ મતદારો છે અને 224 વિધાનસભા બેઠકો પર મતદાન થવાનું છે.

કર્ણાટકમાં આ વખતે 9.17 લાખ મતદારો પહેલી વખત મતદાન કરવાના છે. જે યુવાનોને 1 એપ્રિલે 18 વર્ષ પૂરાં થશે એ બધા મતદાન કરી શકશે. કર્ણાટકની વર્તમાન ભાજપ સરકારનો કાર્યકાળ 24 મેના રોજ પૂરો થઈ રહ્યો છે તેથી 13 મેએ પરિણામ આવે પછીના દસ દિવસમાં સરકારની રચનાની ઔપચારિકતા પૂરી થઈ જ જશે.ગયા વરસના ડિસેમ્બરમાં ગુજરાતમાં 182 વિધાનસભા બેઠકો પર મતદાન હતું ને 4.50 કરોડ જેટલા મતદારો હતા છતાં બે તબક્કામાં મતદાન કરાવાયું હતું જ્યારે કર્ણાટકમાં 224 વિધાનસભા બેઠકો પર મતદાન થવાનું છે છતાં એક જ તબક્કામાં મતદાન રખાયું એ આશ્ર્ચર્યજનક છે પણ ચૂંટણીપંચને જે ગમ્યું એ ખરૂૂં. કર્ણાટકમાં ચૂંટણીની તારીખોની જાહેરાત એક ઔપચારિકતા જ છે કેમ કે કર્ણાટકમાં ચૂંટણી પ્રચાર ક્યારનોય શરૂ થઈ ગયો છે. નરેન્દ્ર મોદી અને અમિત શાહ લાંબા સમયથી કર્ણાટકના આંટાફેરા કરીને પ્રચાર કરી રહ્યા છે. ભાજપે આગામી વિધાનસભા ચૂંટણી માટે 150 બેઠકનો લક્ષ્યાંક રાખ્યો છે. વડા પ્રધાન નરેન્દ્ર મોદીએ 3 મહિનામાં 7 વખત કર્ણાટકની મુલાકાત લીધી છે તેના પરથી જ ભાજપે બહુ પહેલાં પ્રચાર શરૂ કરી દીધેલો એ સ્પષ્ટ છે. કોંગ્રેસ વતી રાહુલ ગાંધી પણ સભાઓ કરી રહ્યા છે જ એ જોતાં કર્ણાટકમાં બહુ પહેલાંથી ચૂંટણીનો રંગ જામી જ ગયેલો છે. કર્ણાટકમાં વરસોથી ત્રિપાંખિયો જંગ જામે છે ને આ વખતે પણ મુખ્ય મુકાબલો ભાજપ, કોંગ્રેસ અને જેડીએસ વચ્ચે થશે. આ મુકાબલામાં ભાજપ ને કોંગ્રેસ બેઉની પ્રતિષ્ઠા દાવ પર છે તેથી બરાબરનો જંગ જામેલો છે. આ જંગનાં મૂળિયાં 2018ની વિધાનસભા ચૂંટણીમાં નંખાયેલાં.કર્ણાટકમાં 224 વિધાનસભા બેઠક છે ને 2018ની વિધાનસભા ચૂંટણીમાં કોઈ પક્ષને સ્પષ્ટ બહુમતી નહોતી મળી. ભાજપને 104, કોંગ્રેસને 80 અને જેડીએસને 37 બેઠક મળી હતી. કોઈ પક્ષને બહુમતી ના મળતાં રાજ્યપાલ વજુભાઈ વાળાએ ખેલ કરીને બીએસ યેદિયુરપ્પાને મુખ્યમંત્રીપદે બેસાડેલા. આ મામલો સુપ્રીમ કોર્ટમાં ગયેલો ને સુપ્રીમ કોર્ટે યેદુરપ્પાને તાત્કાલિક બહુમતી સાબિત કરવાનું કહેતાં 6 દિવસ પછી જ યેદુરપ્પાએ રાજીનામું આપી દેવું પડેલું. યેદુરપ્પા ગબડ્યા પછી કોંગ્રેસ અને જેડીએસની ખિચડી સરકાર બની હતી. કોંગ્રેસને ભાજપને સત્તાથી દૂર રાખવામાં રસ હતો તેથી ભૂતપૂર્વ વડા પ્રધાન એચ.ડી. દેવગૌડા તથા તેમના દીકરા કુમારસ્વામીની પાલખી ઉંચકીને ફરવું પડેલું. દેવ ગૌડાની પાર્ટી જેડીએસ પાસે ઓછા ધારાસભ્યો હોવા છતાં જોડાણ કરીને બનાવેલી સરકારમાં કુમારસ્વામીને મુખ્યમંત્રી બનાવવા પડેલા.

જો કે આ જોડાણ લાંબું નહોતું ચાલ્યું. કોંગ્રેસ-જેડીએસની સરકારને તોડવાના પ્રયત્નો પહેલા દિવસથી શરૂૂ થઈ ગયેલા ને કોંગ્રેસના ધારાસભ્યોને તોડવામાં ભાજપ સફળ થયો હતો. ભાજપે તોડફોડ કરીને કુમારસ્વામીની સરકારને ગબડાવીને જૂના જોગી બી.એસ. યેદુરપ્પાને મુખ્યમંત્રી બનાવેલા.

દિલ્હીથી લઈને બિહાર, મહારાષ્ટ્ર અને પશ્ચિમ બંગાળથી લઈને તેલંગાણા સુધી કેન્દ્રીય તપાસ એજન્સીઓએ જે રીતે વિપક્ષી નેતાઓ પર સકંજો કસવો શરૂૂ કર્યો છે અને જે ઝડપથી કાર્યવાહી શરૂૂ કરી છે તેનાથી શું ભાજપને રાજકીય લાભ થશે કે પછી વિપક્ષો પ્રત્યે સામાન્ય માણસમાં સહાનુભૂતિ પેદા થશે? વિપક્ષો અને અનેક રાજકીય વિશ્ર્લેષકોનું તારણ છે કે કેન્દ્રીય તપાસ એજન્સીઓની કાર્યવાહીથી વિરોધ પક્ષોને ફાયદો થશે, તેમના પ્રત્યે લોકોમાં સોફ્ટ કોર્નર પેદા થશે.લોકસભા ચૂંટણી આડે હવે માત્ર થોડા દિવસો જ બાકી રહ્યાં છે અને જ્યારથી વિરોધ પક્ષોએ પોતાના સ્વાર્થ છોડીને એક થવાની વાત શરૂૂ કરી છે ત્યારથી કેન્દ્રીય તપાસ એજન્સીઓની કાર્યવાહી અચાનક ઝડપી થઈ ગઈ છે. બિહારમાં લાલુપ્રસાદના પરિવાર સામે જમીનના બદલામાં નોકરીના મામલામાં તપાસ બંધ થઈ ગઈ હતી.

પણ ગત વર્ષે નીતિશકુમારે ભાજપથી અલગ થઈને આરજેડી સાથે સરકાર બનાવ્યા બાદ તપાસ ફરી શરૂૂ થઈ અને સીબીઆઈએ રેડ પાડી. દિલ્હીના નાયબ મુખ્યમંત્રી અને આમ આદમી પાર્ટીમાં નંબર ટુ મનાતા મનિષ સિસોદિયાની પણ ધરપકડ થઈ ગઈ છે. દારૂૂ અંગેની નીતિમાં ફેરફારના કથિત કૌભાંડ અને દિલ્હીમાં રાજકીય લોકો અને અધિકારીઓની જાસૂસીના મામલામાં સીબીઆઈની તપાસ મુખ્યમંત્રી અરવિંદ કેજરીવાલ તરફ પણ આગળ વધી રહી છે. દારૂૂના મામલે જ તેલંગાણાના મુખ્યમંત્રી કેસીઆરની દીકરી કવિતાની ઈડીએ 9 કલાક પૂછપરછ કરી હતી. આંધ્રપ્રદેશમાં સત્તાધારી વાય. એસ. આર. કોંગ્રેસના બે સાંસદોના પરિવારજનો પર પણ આ મામલે સકંજો કસાયો છે. મમતા બેનરજીના પક્ષના એક કદાવર નેતા અણબ્રત મંડલને ઈડી દિલ્હી લઈ આવી હતી તો અન્ય એક નેતા શાંતનુ બેનરજીની ઈડીએ ધરપકડ કરી લીધી હતી. શિવ સેનાના નેતા સદાનંદ કદમની બે અઠવાડિયા પહેલાં ઈડીએ ધરપકડ કરી હતી અને બીજા અનેક નેતાઓ પર તલવાર લટકી રહી છે. ઝારખંડના મુખ્યમંત્રી હેમંત સોરેનનો આખો પરિવાર કોઈને કોઈ મામલામાં કેન્દ્રીય તપાસ એજન્સીઓના નિશાન પર રહે છે. કર્ણાટકમાં કોંગ્રેસ અધ્યક્ષ ડી. કે. શિવકુમાર અને તેમના સાંસદ ભાઈ ડી.કે. સુરેશને સતત પૂછપરછ માટે બોલાવવામાં આવી રહ્યાં છે.
આ ઉદાહરણો પરથી એવું માની શકાય તેમ નથી કે કેન્દ્રીય તપાસ એજન્સીઓની કાર્યવાહી રૂૂટિનમાં થઈ રહી છે અને રાજનીતિ સાથે તેને કોઈ લેવાદેવા નથી. અત્યાર સુધી એવું લાગી રહ્યું છે કે કેન્દ્રીય એજન્સીઓની કાર્યવાહીથી સત્તાધારી ભાજપનો હેતુ પુરો થઈ રહ્યો છે. તેના ત્રણ ઈરાદાઓ સ્પષ્ટ વર્તાઈ રહ્યા છે. પહેલો, વિરોધ પક્ષોના નેતાઓને ભ્રષ્ટ સાબિત કરવાના છે. જેટલા વધુ વિપક્ષી નેતાઓ ભ્રષ્ટ અને દાગદાર સાબિત થશે એટલી જ વડાપ્રધાન નરેન્દ્ર મોદીની છબિ સ્વચ્છ, ચમકદાર અને બેદાગ દેખાશે. કહેવાની જરૂૂર નથી કે આનાથી જે નેરેટિવ તૈયાર થશે તે સામાન્ય માણસની ધારણાને કેટલો પ્રભાવિત કરશે. બીજો હેતુ વિપક્ષોની આવકના સ્ત્રોત બંધ કરવાનો છે.

જેટલા વિરોધ પક્ષો પર કાર્યવાહી થઈ રહી છે તેમાં એક વાત કોમન છે અને તે એ છે કે વિરોધ પક્ષોના પૈસાદાર નેતાઓ કે તેમની સાથે જોડાયેલા કારોબારીઓ પર પણ કાર્યવાહી થઈ રહી છે. બધાંને ખ્યાલ છે કે હવે ચૂંટણી લડવી કેટલી ખર્ચાળ થઈ ગઈ છે. ભાજપે ચૂંટણીને ખૂબ જ મોંઘી બનાવી દીધી છે. જો પૈસાનો સ્ત્રો જ બંધ થઈ જાય તો કોઈપણ પાર્ટી માટે ચૂંટણી લડવી મુશ્કેલ થઈ જશે. ત્રીજો હેતુ, વિપક્ષોની ચૂંટણી રણનીતિને પાટા પરથી ઉતારવાનો છે. વિચારો, જે પક્ષો પર કેન્દ્રીય એજન્સીઓની કાર્યવાહીઓ થશે અને મોટા નેતાઓની ધરપકડ થશે કે તપાસમાં જ અટવાયેલા રહેશે તેઓ શું ચૂંટણીની તૈયારીઓ કરશે?

કોરોના સાવ જતો રહ્યો છે એમ માનીને ભારતમાં લોકો નિરાંતે જીવી રહ્યાં હતાં ત્યાં અચાનક જ કોરોનાના કેસોમાં ફરી ઉછાળો આવવા માંડતાં સાબદા થવાની વેળા પાછી આવી ગઈ હોય એવું લાગે છે. છેલ્લા કેટલાક દિવસોથી સતત વધી રહેલા કેસોના કારણે દેશમાં કોરોનાના એક્ટિવ મામલાઓની સંખ્યા 10 હજારને પાર પહોંચી ગઈ છે. થોડા દિવસ પહેલા લગી કોરોનાના નવા કેસો બે આંકડામાં આવતા હતા. મતલબ કે, 100ની અંદર રહેતા હતા. એ વધીને ત્રણ આંકડામાં થયા ને હવે ચાર આંકડામાં પહોંચ્યા છે. કોરોનાના નવા કેસો વધવાની સાથે સાથે મૃત્યુ આંક પણ વધવા માંડ્યો છે. સોમવાર સવાર સુધીમાં પૂરા થતા 24 કલાકમાં કોરોનાના 1,805 નવા દર્દીઓ નોંધાયા ને 6 લોકો મૃત્યુ પામ્યાં હતાં. આ પહેલાં રવિવારે સવાર સુધીમાં નવા 1,890 કોરોના કેસ મળ્યા હતા અને 7 લોકો મૃત્યુ પામ્યાં હતાં. કોરોનાના એક્ટિવ કેસોની સંખ્યા વધી રહી છે એ જોતાં આ આંકડો હજુ વધ્યા જ કરશે.

ગુજરાતીઓ માટે ચિંતાનો વિષય એ છે કે, કોરોનાના નવા સૌથી વધારે કેસ ગુજરાત અને મહારાષ્ટ્રમાં નોંધાઈ રહ્યા છે. સોમવાર સવાર સુધીના 24 કલાકમાં સૌથી વધારે કેસ મહારાષ્ટ્રમાં 397 અને ગુજરાતમાં 303 નોંધાયા હતા. કેરળ 299 કેસ, કર્ણાટક 209 કેસ અને દિલ્હી 153 કેસ સાથે પાછળ જ છે પણ છતાં ગુજરાત અને મહારાષ્ટ્ર બહુ આગળ છે. સૌથી વધારે એક્ટિવ કેસમાં પણ માત્ર કેરળ 2,471 કેસ સાથે આગળ છે જ્યારે મહારાષ્ટ્ર 2,117 કેસ સાથે બીજા અને ગુજરાત 1,697 કેસ સાથે ત્રીજા નંબરે છે. બાકીનાં રાજ્યોમાં એક્ટિવ કેસોની સંખ્યા હજારથી ઓછી છે. આ બંને રાજ્યોમાં ગુજરાતીઓની વસતી સૌથી વધારે છે તેથી ચિંતાનો વિષય કહેવાય. ગુજરાતમાં તો ગંભીર સ્થિતિ એટલા માટે છે કે, એક તરફ કોરોનાનાં લક્ષણ ધરાવતા ફ્લૂએ માથું ઊંચક્યું છે તો બીજી તરફ રાજ્યમાં ફરી એક વાર કોરોના કેસો ધડાધડ વધી રહ્યા છે. ગુજરાતમાં છેલ્લા કેટલાક સમયથી શરદી, ખાંસી, તાવના કેસોમાં અંધાધૂંધ વધારો થતાં ચિંતા હતી જ તેમાં હવે કોરોના ઉમેરાયો છે. ગુજરાતમાં સ્થિતિ એ રીતે પણ ગંભીર છે કે કોરોનાના કેસમાં દિવસે ને દિવસે વધારો જોવા મળી રહ્યો છે. ગુજરાતમાં છેલ્લા 24 કલાકમાં કોરોનાના નવા 303 કેસ નોંધાયા છે. મતલબ કે, દેશમાં નોંધાતા 1800 જેટલા કોરોનાના નવા કેસોમાંથી છઠ્ઠા ભાગના તો ગુજરાતમાં જ છે. નવા 300 કરતાં વધારે કેસોની સામે 134 દર્દીઓ સાજા થયા છે તેથી અડધા કરતાં વધારે કેસો એક્ટિવ કેસોમાં ઉમેરાયા છે. આ પૈકી મોટા ભાગના કેસોમાં સ્થિતિ ગંભીર નથી ને હાલ માત્ર પાંચ દર્દીઓ વેન્ટિલેટર પર છે પણ આ આંકડો ક્યારે વધવા માંડે એ કહેવાય નહીં. આ આંકડા એટલા માટે આપ્યા છે કે જેથી ખ્યાલ આવે કે કોરોનામાં મૃત્યુનો જે સિલસિલો શરૂૂ થયો છે તેમાં નાનાં બાળકો અને વૃદ્ધો સૌથી વધારે ભોગ બની રહ્યાં છે. સ્થિતિ વધારે ગંભીર બને એ પહેલાં આપણે જાગવાની જરૂૂર છે. કેન્દ્ર સરકારે વધતા કેસોને ધ્યાનમાં લઈને તૈયારીઓ શરૂૂ કરી જ દીધી છે.

કેન્દ્ર સરકાર એ રીતે પોતાની તૈયારીમાં લાગેલી જ છે પણ વધારે સતર્કતા લોકોએ રાખવી જરૂૂરી છે. મેડિકલ એક્સપર્ટ્સ માને છે કે, કોરાનાના વધતા કેસો માટે નવો એક્સબીબીબી 1.16 વેરિએન્ટ જવાબદાર હોઈ શકે છે પણ કોવિડ પ્રોટોકોલનું પાલન કરો તો ગભરાવાની જરૂૂરિયાત નથી. કોરોના અને ઈન્ફ્લુએન્ઝાના કેસ વધવા પાછળનું એક કારણ વાતાવરણમાં ફેરફાર પણ ગણાય છે. આ સિઝનમાં દર વર્ષે ઇન્ફ્લૂએન્ઝાના કેસ વધે છે તેથી ગભરાવાની જરૂૂર નથી. માત્ર માસ્ક પહેરી રાખો તો પણ કોરોનાથી દૂર રહી શકાશે.