Connect with us

કચ્છ

2 IPS, 3 DY.SP. સહિત 19 સામે ખંડણી, અપહરણ, કાવતરાનો ગુનો

Published

on

  • કચ્છના ઈલેક્ટ્રો થર્મ કંપનીના માલિક શૈલેષ ભંડારીના લોન કૌભાંડમાં આઠ વર્ષ બાદ સીઆઈડીએ ગુનો નોંધતા ખળભળાટ
  • કંપનીના કર્મચારીના નામે લોન, અપહરણ, ખંડણી પડાવવા સહિતના કારનામાઓમાં પોલીસની ટોપ ટુ બોટમ સંડોવણી

ગુજરાત પોલીસ દ્વારા છેલ્લા કેટલાય સમયથી સામાન્ય લોકોની ફરિયાદ ન લઈને માલેતુજાર લોકોને બચાવવાના આક્ષેપો થઇ રહ્યા છે. તેવામાં બે IPSઅધિકારી, ત્રણ DYSPઅને એક પોલીસ ઇન્સ્પેક્ટર સામે અપહરણ અને ખંડણી માંગવાના ગંભીર કેસમાં ગુન્હો દાખલ કરવાને બદલે આરોપીને બચાવી લેવાની હરકત બદલ ગુન્હો નોંધવામાં આવ્યો છે. પૂર્વ કચ્છના બે તત્કાલીન એસપી જી.બારોટ અને ભાવના પટેલ ઉપરાંત ત્રણ ડેપ્યુટી એસપી વિજય ગઢવી, ધનંજય એસ. વાઘેલા અને આર.ડી.દેસાઈ તેમજ પોલીસ ઇન્સ્પેક્ટર એમ.કે.ચૌહાણ સામે ભુજ CIDક્રાઇમ દ્વારા ગુન્હો દાખલ કરવામાં આવ્યો છે. બે IPSસહીત છ પોલીસ અધિકારીએ પ્રેમાનંદ નામના વ્યક્તિની ગંભીર ફરિયાદ હોવા છતાં તેની ઉપર કાર્યવાહી કરવાને બદલે ઈલેક્ટ્રો થર્મ (ઊઝ)ના માલિક શૈલેષ ભંડારીને સતત બચાવવાનો પ્રયાસ કર્યો હતો. અને છેવટે મામલો સુપ્રીમ કોર્ટમાં ગયો હતો. જયાં આ પોલીસ અધિકારીઓ સહીત કુલ 19 લોકો સામે ગુન્હો દાખલ કરવામાં આવ્યો છે.

સીઆઈડી ક્રાઈમ દ્વારા પરમાનંદ ઉર્ફે પ્રેમ લીલાલામ સીરવાણીની ફરિયાદ પરથી બે પૂર્વ આઈપીએસ, 3 ડીવાયએસપી એક પીએસઆઈ અને ઈલેક્ટ્રોથર્મ કંપનીના માલીક શૈલેષ ભંડારી સહિતના શખ્સો સામે આઈપીસીની કલમ 406, 420, 323, 347, 348, 364, 365, 384, 389, 504, 506 (2), 114, 120 (બી), 166 અને આર્મ્સ એક્ટ હેઠળ ગુનો દાખલ કર્યો હતો જેમાં ખંડણી પડાવવાની કલમ 364 અને અપહરણ કરી અઠવાડિયા સુધી ડિરેક્ટરને ગોંધી રાખવા બદલ કલમ 365 અને 120(બી) પૂર્વયોજીત કાવતરાની કલમ હેઠળ તપાસ હાથ ધરવામાં આવી છે.

ભુજની CIDક્રાઇમ કચેરી દ્વારા સુપ્રીમ કોર્ટના સ્ટે હટાવી આદેશ બાદ એક મહિના પછી ગુન્હાની નોંધ કરવામાં આવી છે. પોલીસે જાહેર કરેલી પ્રેસ બ્રીફ મુજબ, ગાંધીધામ પાસે મેઘપર બોરીચીમાં આવેલા નવરત્ન ડ્રીમમાં રહેતા પ્રેમ લીલારામ શીરવાણી નામના વ્યક્તિએ ઈલેક્ટ્રો થર્મ કંપનીના માલિકો અને તેની સાથે સંકળાયેલા લોકો વિરુદ્ધ ગુન્હો દાખલ કર્યો હોવાનો એકરાર કર્યો છે. આ ગુન્હો ગુજરાત હાઇકોર્ટ દ્વારા આપવામાં આવેલા આદેશને પગલે કરવામાં આવ્યો હોવાનું પણ CIDક્રાઇમે કબુલ્યું છે.

IPSભાવના પટેલ, જી,વી.બારોટ સહીત ત્રણ DYSPઅને એક ઙઈં સતત ક્લોઝિંગ રિપોર્ટ ભરતા રહ્યા હતા : વર્ષ 2015થી શરુ થયેલા આ સમગ્ર મામલા અપહરણ અને ખંડણીની ગંભીર પ્રકારની ફરિયાદ પુરાવા સાથે આપવા છતાં પૂર્વ કચ્છ – ગાંધીધામના તત્કાલીન એસપી IPSજી.વી.બારોટ અને IPSભાવનાબેન આર.પટેલ સહીત ત્રણ ડેપ્યુટી એસપી ડી.એસ.વાઘેલા, વિજય ગઢવી અને આર.ડી.દેસાઈ તેમજ પોલીસ ઇન્સ્પેક્ટર એમ.કે.ચૌહાણ દ્વારા સતત ક્લોઝિંગ રિપોર્ટ આપીને કઈંજ થયું નથી તેવું રટણ કરવામાં આવતું હતું.

પોલીસે તેમના અધિકારીઓને સાચવી લીધા, પ્રેસ બ્રીફમાં નામ જ ન આપ્યા : આ સમગ્ર મામલામાં જેટલી ભૂંડી અને ગંભીર ભૂમિકા શૈલેષ ભંડારી અને તેના માણસોની છે તેટલી જ ભૂમિકા પોલીસ અધિકારીઓની છે. છતાં સીઆઇડી ક્રાઇમ દ્વારા તપાસમાં વિપરીત અસર થશે એવા રૂૂપાળા બહાના હેઠળ તેમના નામ આપવામાં આવ્યા નથી. વર્ષ 2015થી આ કેસ ચાળીલો રહ્યો છે. ફરીયાદી દ્વારા પોલીસ સ્ટેશનથી માંડીને ગાંધીધામ એસપી કચેરી, ગાંધીનગર ડીજીપી ઓફિસ અને ગુજરાત હાઇકોરથી લઈને સુપ્રીમ કોર્ટના પગથિયાં ઘસી નાખ્યા છે. ત્યારે પોલીસને કેસની ગંભીરતા ન દેખાઈ હતી. પરંતુ હવે જયારે કોર્ટના આદેશને પગલે પોલીસ અધિકારીઓ સામે ગુન્હો નોંધવો પડ્યો છે ત્યારે ભુજ CIDક્રાઇમને તેમાં ગંભીરતા દેખાઈ રહી છે.

DGPશિવાનંદ ઝાએ SITબનાવી તેમાં પણ પોલીસ અધિકારીએ ક્લોઝિંગ રિપોર્ટ ભરી દીધા : પોલીસ કેટલી હદે ઈલેક્ટ્રો થર્મ કંપનીના શૈલેષ ભંડારીને છાવરી રહી હતી કે જઈંઝની રચના બાદ પણ તેમાં ડેપ્યુટી એસપી આર.ડી.દેસાઈએ કોઈ જ ગુન્હો બન્યો નથી એવો ક્લોઝિંગરી રીપોર્ટ ભરી દીધો હતો.

IPSજી.વી.બારોટ સામે તો મહિલાPSIએ છેડતીની ફરિયાદ કરી હતી : પૂર્વ કચ્છના એસપી તરીકે IPSજી.વી.બારોટ જયારે કાર્યરત હતા ત્યારે ગાંધીધામમાં રહેતા એક મહિલા પોલીસ સબ ઇન્સ્પેક્ટર દ્વારા અઘટિત માંગણી કરીને છેડતી કર્યાની ફરિયાદ પણ કરી હતી. અલબત્ત જેમાં તેમને કોર્ટે પાછળથી નિર્દોષ જાહેર કર્યા હતા. જી.વી.બારોટની જેમ અન્ય પોલીસ અધિકારીઓ સામે ગુન્હો નોંધવામાં આવ્યો છે તેવા અંજારના તત્કાલીનDYSPધનંજય વાઘેલા ઉર્ફે ડી.એસ.વાઘેલા સામે પણ તેઓ જયારે અંજાર હતા ત્યારે વ્યાપક ફરિયાદો કરવામાં આવી હતી. લાંબા સમય સુધી વાઘેલા અહીં ફરજ ઉપર કાર્યરત રહ્યા હતા. આ ઉપરાંત વિજય ગઢવી અને એમ.કે.ચૌહાણનો કાર્યકાળ પણ વિવાદાસ્પદ રહેલો છે.

ફરિયાદી પ્રેમ લીલારામ શીરવાણીને ફસાવી દેવાનો કારસો ઘડ્યો હતો શૈલેષ ભંડારીએ : આ કેસના ફરિયાદી પ્રેમ લીલારામ શીરવાણી ઊઝમાં શૈલેષ ભંડારી સાથે કામ કરતા હતા. ઊઝ કંપનીમાં ડિરેક્ટર બનાવીને તેમના નામે કરોડો રૂૂપિયાની લોન લીધા બાદ તેમને પતાવી દેવાનો કારસો ઘડવામાં આવ્યો છે તેવી ગંધ તેમને આવી ગઈ હતી. એટલે તેમણે ડિરેકટર બનવાનું ના કહી દેતા પ્રેમનું અપહરણ કરીને અઠવાડિયા સુધી ગોંધી રાખવામાંમાં આવ્યા હતા. માત્ર એટલું જ નહીં પરંતુ તેમની પત્ની પાસેથી સવા બે કરોડની સુધીની ખંડણી ઉઘરાવ્યા બાદ પણ શૈલેષ ભંડારી વધુ હેરાન કરી રહ્યો હતો. સમગ્ર મામલામાં પ્રેમ પાસે ઓડીયો વિડિઓ સહિતના આધાર પુરાવા હતા. છતાં શૈલેષ સામે ફરિયાદ કાર્યવાહી કરવાને બદલે પોલીસ તેને સપોર્ટ કરતી હતી. મામલો કોર્ટમાં પહોંચ્યો પછી પણ પોલીસ સતત ઊઝ કંપનીના જવાબદારોને બચાવવાનો ભરચક પ્રયાસ કરતી રહી હતી.

અમરેલી

કાળઝાળ ગરમી વચ્ચે કચ્છ અને અમરેલી સહિતના જિલ્લામાં ભારે પવન સાથે વરસાદ, ખેડૂતોની ચિંતામાં વધારો

Published

on

By

 

ગુજરાતના ઘણા વિસ્તારોમાં સાઈક્લોનિક સર્ક્યુલેશન સક્રિય થયું છે. જેને લઇને રાજ્યના હવામાન વિભાગ દ્વારા માવઠાની આગાહી કરવામાં આવી હતી. હવામાન વિભાગની આગાહી મુજબ આગામી 48 કલાક સુધી રાજ્યના કેટલાક જિલ્લાઓમાં કમોસમી વરસાદ પડવાની શક્યતા છે. ત્યારે આ આગાહીને લઈને આજે અમરેલી અને કચ્છ જિલ્લામાં પવન સાથે ક્યાંક ધોધમાર તો ક્યાંક હળવો વરસાદ પડ્યો. ભરઉનાળે ચોમાસા જેવો માહોલ જામતા ખેડૂતોની ચિંતામાં વધારો થયો છે. ખાસ કરીને ખેડૂતોને કેરીના પાકમાં નુકસાસની ભીતિ જોવા મળી રહી છે.

આજે સવારથી વાદળછાયા વાતાવરણ વચ્ચે બપોર પછી અમરેલી અને કચ્છ જિલ્લાના કેટલાક વિસ્તારોમાં કમોસમી વરસાદ પડ્યો છે. જેમાં અમરેલી, ધારી અને ગીરના પાતળા, તરશિંગડા, રાજસ્થળી, ગઢીયા અને ચાવંડ સહિતના આસપાસના વિસ્તારમાં કમોસમી વરસાદ વરસ્યો છે. બીજી તરફ કચ્છના ભુજ તાલુકામાં વરસાદી માહોલ છવાયો છે. રાપર, અંજાર તાલુકામાં પણ કમોસમી વરદા ખાબક્યો હતો. લોડાઈ, ખેંગારપર, મોખાણા, નાડાપા સહિતના વિસ્તારમાં વરસાદ વરસ્યો છે. ગાજવીજ સાથે ભારે વરસાદ પડતાં કચ્છના ખેડૂતોની ચિંતામાં વધારો થયો છે.

હવામાન વિભાગની આગાહી મુજબ આગામી 48 કલાક ઉત્તર ગુજરાતના વિવિધ જિલ્લાઓમાં છુટાછવાયા હળવા વરસાદની શક્યતા છે, જેમાં આજે 13 એપ્રિલના રોજ સાબરકાંઠા, બનાસકાંઠા, મહીસાગર, અરવલ્લી, દાહોદ અને કચ્છમાં છુટાછવાયા વરસાદની શક્યતાઓ છે. જ્યારે આવતીકાલે 14 એપ્રિલના રોજ બનાસકાંઠા, સાબરકાંઠા અને કચ્છમાં હળવો વરસાદ વરસી શકે છે. 48 કલાક બાદ રાજ્યભરમાં મહત્તમ તાપમાનનો પારો ઉચકાતા ગરમીનો અનુભવ થશે. હવામાન વિભાગની આગાહી અનુસાર બે દિવસ બાદ રાજ્યભરનું મહત્તમ તાપમાન રાઈઝિંગ ટેન્ડેન્સીમાં રહેતા બેથી ચાર ડિગ્રી જેટલો વધારો થઈ શકે છે.

Continue Reading

કચ્છ

ભુજ નજીક ગમખ્વાર અકસ્માત: 3નાં મોત

Published

on

By

  • વહેલી સવારે પધ્ધર નજીક પુલના ડિવાઈડરમાં તુફાન ઘૂસી ગઈ: પાંચ વ્યક્તિઓને ઈજા

રાજ્યના ધોરીમાર્ગ પર સર્જાતા ગમખ્વાર અકસ્માતમાં હજુ બે દિવસ પહેલા જ ધોરાજી પાસે ટાયર ફાટતા કાર પુલની રેલીંગ તોડી 40 ફૂટ ઉંડી નદીમાં ખાબકતા ચાર વ્યક્તિના ડુબી જવાથી મોત થયા હતા જે ઘટનાની હજુ શાહી પણ સુકાઈ નથી ત્યાં આજે વહેલી સવારે ભૂજ-ભચાઉ હાઈવે ઉપર પુરઝડપે આવતી તુફાન કારના ચાલકે સ્ટેયરીંગ પરથી કાબુ ગુમાવી દેતા તુફાન પુલની રેલીંગ સાથે ધડાકાભેર અથડાઈ પડતા ત્રણ વ્યક્તિના ઘટના સ્થળે જ કમકમાટી ભર્યા મૃત્યુ નિપજ્યા હતાં.

આ બનાવની જાણ થતા પોલીસ કાફલો ઘટના સ્થળે જઈ તુફાન ફસાયેલા લોકોને બહાર કાઢી તાત્કાલીક સારવાર અર્થે ભૂજ હોસ્પિટલમાં ખસેડ્યા હતાં.આ ગોજારા અકસતની જાણવા મળતી માહિતી મુજબ ભૂજ-ભચાઉ હાઈવે પર પધ્ધર ગામ નજીક વહેલી સવારે પુરઝડપે આવતી તુફાનજીપના ચાલકને ઝોકું આવી જતાં સ્ટેયરીંગ પરથી કાબુ ગુમાવી દીધો હતો અને પુલ ઉપર જ તુફાન જીપ ધડાકાભેર રેલીંગમાં ઘુસી ગઈ હતી. આ ગમખ્વાર અકસ્માતમાં તુફાનમાં બેઠેલા ત્રણ વ્યક્તિના ઘટના સ્થળે જ મૃત્યુ નિપજ્યા હતાં.

આ બનાવની જાણ થતાં પધ્ધર પોલીસ સ્ટાફ ઘટના સ્થળે દોડી જઈ તુફાનજીપમાં ફસાયેલા પાંચ મુસાફરોને ઈજાગ્રસ્ત હાલતમાં 108 મારફત ભૂજ જી.કે. હોસ્પિટલમાં ખસેડ્યા હતા. જ્યારે મૃતકોની ઓળખ મેળવવાની કાર્યવાહી હાથ ધરી છે.

Continue Reading

કચ્છ

ભુજમાં દસ-દસ દિવસે પાણી વિતરણથી ભારે હાલાકી

Published

on

By

  • લોકો ટેન્કર મંગાવવા મજબુર, ધારાસભ્યનો ઉડાઉ જવાબ

કચ્છના ભૂજમાં સ્થાનિક પ્રશાસનના પાપે જળસંકટ પેદા થયું છે. મળતી જાણકારી અનુસાર, છેલ્લા છ દિવસથી ભૂજની જનતાને પાણી મળી રહ્યું નથી. ભૂજોડી નજીક પાણીની લાઈનમાં ભંગાણ સર્જાતા પાણી પુરવઠો ઠપ્પ થયો હતો. સ્થાનિક પ્રશાસનના જવાબદારી અધિકારીઓએ હાથ અધ્ધર કરી દેતા જળસંકટ પેદા થયું હતું. લોકો 1200 રૂપિયાના ખર્ચે પાણીના ટેન્કરો મંગાવવા માટે મજબૂર બન્યા હતા.

છેલ્લા 6 દિવસથી ભુજ શહેરની જનતાને પાણી ના મળતા ઇમરજન્સી જેવી સ્થિતિ સર્જાઇ હતી. નર્મદા પાઇપલાઇન પર આધાર રાખતા ભૂજમાં આગામી સમયમાં પાણીની કટોકટી વધુ ઘેરી બની શકે છે. એક તરફ ગરમી અને બીજી તરફ પાણી નાં મળતા લોકો પરેશાન થયા હતા.ભૂજ નગરપાલિકાના વિપક્ષના નેતા કિશોરદાને કહ્યું હતું કે છેલ્લા 10 દિવસથી પાણી મળી રહ્યું નથી.ભાજપ તેમના મળતીયાઓને પાણી આપી રહ્યું છે. ભૂજ નગરપાલિકાના શાસકોએ ભ્રષ્ટાચાર કર્યો છે. ધારાસભ્ય ઉડાવ જવાબ આપી રહ્યા છે. ભૂજના ધારાસભ્ય કેશુભાઇ પટેલે કહ્યું હતું કે પાઈપ લાઈન લીકેજ થઈ ગઈ છે.બે દિવસમાં પાણી પૂરવઠો યોગ્ય રીતે મળતો થશે. લિકેજ લાઈનને બાયપાસ કરવામાં આવી રહી છે.

Continue Reading

Trending