જથ્થાબંધ વેચાણના મેના આંકડા જાહેર

ગુજરાત મિરર નવી દિલ્હી તા.2
મે મહિનામાં પેસેન્જર વાહનો (PVs)  ના સ્થાનિક જથ્થાબંધ (ડીલરોને મોકલવા) એ કેટલાક ઉત્પાદકો સાથે મિશ્ર વલણ દર્શાવ્યું હતું, જેમ કે મારુતિ સુઝુકી, હ્યુન્ડાઈ મોટર, ટોયોટા, મહિન્દ્રા એન્ડ મહિન્દ્રાએ વાર્ષિક ધોરણે બે આંકડામાં વૃદ્ધિ નોંધાવી હતી. જ્યારે કેટલાક અન્ય જેમ કે હોન્ડા કાર્સ ઈન્ડિયા અને કિયા ઈન્ડિયાના વેચાણમાં ઘટાડો નોંધાયો છે. ટુ-વ્હીલર સેગમેન્ટમાં, જ્યારે માર્કેટ લીડર હીરો મોટોકોર્પે મજબૂત વૃદ્ધિ નોંધાવી હતી, ત્યારે સ્કૂટર માર્કેટ લીડર હોન્ડા મોટરસાઇકલ અને સ્કૂટર ઇન્ડિયાએ વેચાણમાં ઘટાડો નોંધાવ્યો હતો. કોમર્શિયલ વ્હીકલ સેગમેન્ટમાં, દ્રશ્ય વધુ ઉદાસ હતું. વોલ્વો આઈશર અને એમએન્ડએમના અપવાદ સાથે, અશોક લેલેન્ડ, ટાટા મોટર્સ અને મારુત સુઝુકી સહિત મોટા ભાગના અન્યોએ વેચાણમાં ઘટાડો નોંધાવ્યો હતો. ટ્રેક્ટર/ફાર્મ ઇક્વિપમેન્ટ સેગમેન્ટમાં પણ, જ્યારે એસ્કોર્ટ્સ કુબોટાએ વાર્ષિક ધોરણે 13.5 ટકાની વૃદ્ધિ નોંધાવી હતી, ત્યારે ખખનું સ્થાનિક વેચાણ વાર્ષિક ધોરણે ત્રણ ટકા ઘટ્યું હતું. પી.વી. સેગમેન્ટમાં માર્કેટ લીડર, મારુતિ સુઝુકી ઈન્ડિયા લિમિટેડ (MSIL)  એ ગયા વર્ષના મે મહિનામાં 1,24,474 એકમોની સરખામણીએ મહિના દરમિયાન 15.45 ટકા વાર્ષિક વૃદ્ધિ સાથે 1,43,708 યુનિટ્સ નોંધાવ્યા હતા. ખજઈંક મે મહિનામાં ઉદ્યોગ કરતાં વધુ ઝડપથી વૃદ્ધિ પામી હતી અને અમારો બજાર હિસ્સો પણ મહિના દરમિયાન એક ટકા વધીને 43 ટકા થયો હતો. શહેરી બજારની વૃદ્ધિ કરતાં ગ્રામીણ બજારની વૃદ્ધિ વધુ હતી, એમ શશાંક શ્રીવાસ્તવે, સિનિયર એક્ઝિક્યુટિવ ઓફિસર – માર્કેટિંગ એન્ડ સેલ્સ, ખજઈંક, જણાવ્યું હતું. બીજી સૌથી મોટી ઙટ નિર્માતા હ્યુડાઈ મોટર ઈન્ડિયા લિમિટેડ (ઇંખઈંક) એ પણ ગયા વર્ષના સમાન મહિનામાં 42,293 એકમોની સરખામણીએ સ્થાનિક બજારમાં તેના મે વેચાણમાં 15 ટકા વૃદ્ધિ નોંધાવી 48,601 યુનિટ્સ નોંધાયા હતા. એ જ રીતે, મહિન્દ્રા એન્ડ મહિન્દ્રાએ મહિના દરમિયાન 32,886 એકમોનું જથ્થાબંધ વેચાણ નોંધાવ્યું હતું, જે મે 2022 માં 26,904 એકમોની સરખામણીમાં 22 ટકાની વૃદ્ધિ દર્શાવે છે.

ડિજિટલ પાવર પ્લેમાં નવા યુગની શરૂઆત, ટીવીની તુલનામાં 13 ગણી કરતાં વધારે એડવર્ટાઈઝર્સ

ગુજરાત મિરર, મુંબઈ,તા.1
ટાટા આઈપીએલ 2023માં જિયોસિનેમાના ડિજિટલ પાવરપ્લેએ આ રમતને નિહાળવાની આખી પ્રણાલિમાં એક નવા યુગની શરુઆત કરતા વિશ્વવિક્રમને તોડી નાંખ્યો. ટાટા આઈપીએલ 2023 વિશ્વસ્તરે સૌથી વધુ સંખ્યામાં જોવાનારી ડિજિટલ ઈવેન્ટ બની ચૂકી છે. આ જ કારણ છે કે જિયોસિનેમાએ એક પછી એક લાગલગાટ ગ્લોબલ બેન્ચમાર્ક સ્થાપિત કર્યા છે. તેનું સૌથી મોટું અને લેટેસ્ટ દૃષ્ટાંત એ છે કે અત્યારસુધીની સૌથી રોમાંચક ટાટા આઈપીએલ ફાઈનલને જોવા માટે 12 કરોડથી વધુ યુનિક દર્શકોએ ટ્યૂનિંગ-ઈન કર્યું હતું.
જિયોસિનેમાના રેકોર્ડતોડ ક્ધઝ્યૂમર એંગેજમેન્ટની પાછળનું મુખ્ય કારણ એ હતું કે ટાટા આઈપીએલના આ સત્તાવાર ડિજિટલ સ્ટ્રીમિંગ પાર્ટનરે 2023 સિઝનને 12 ભાષાઓમાં ફેન્સની સામે પ્રસ્તુત કરી હતી, આ પ્રસારણ દર્શકોને એઆર-વીઆર અને 360 ડિગ્રી વ્યૂઈંગની સાથે મેચને દરેક ખૂણેથી જોવાની સ્વતંત્રતા આપતું હતું. આ કારણે આઈપીએલ જોવાની ફેન્સની અનુભૂતિ પહેલા કરતા વધુ રોમાંચક અને એક્શનથી ભરપૂર બની ગઈ હતી. આ કારણે દર મેચ દીઠ દર્શકો દ્વારા આ પ્લેટફોર્મ પર સરેરાશ 60 મિનિટ પસાર કરવામાં આવી હતી. જિયોસિનેમા 2.5 કરોડથી વધુ ડાઉનલોડ રજિસ્ટર કરી ચૂક્યું છે. આ એક જ દિવસમાં સૌથી વધુ ઈન્સ્ટોલ કરવામાં આવેલી કોઈ પણ એપની વિક્રમજનક સંખ્યા છે. પહેલા ચાર સપ્તાહ દરમિયાન તેને અભૂતપૂર્વ પ્રતિસાદ મળ્યો અને ત્યારબાદ, જિયોસિનેમાએ ફેન્સને રાજી-રાજી કરી દેતા 360-ડિગ્રી વ્યૂઈંગ ફીચર જારી કર્યું, જે ડિજિટલ પર ઈમર્સિવ ફેન એંગેજમેન્ટની તાકાતને દર્શાવે છે. જિયોસિનેમાએ જીતો ધન ધના ધન-ની શરુઆત કરીને તેમજ 30થી વધુ શહેરોમાં ફેન્સને ટાટા આઈપીએલ ફેન પાર્કમાં આમંત્રિત કરવાની પોતાની ડિજિટલ-ફર્સ્ટ ઓફરિંગનો વિસ્તાર કર્યો. ટાટા આઈપીએલ દરમિયાન તેનો વ્યાપ સિઝનના પહેલા પાંચ સપ્તાહની અંદર જ એચડી ટીવીની તુલનામાં બેગણો થઈ ગયો. જિયોસિનેમાના સીટીવી (ઈઝટ) પર વિશેષ રીતે 40થી વધુ એડવર્ટાઈઝર્સ હતા, જેમાં ઘણી ઈન્ટરનેશનલ બ્રાન્ડ્સ, ફાઈનાન્સિયલ સર્વિસીઝ, ઈ-કોમર્સ, ઓટો, બી2સી, બી2બી બ્રાન્ડ્સ સામેલ હતી.

અમેરિકન ઉદ્યોગપતિ અને ટેસ્લા અને ટ્વિટરના સીઈઓ એલોન મસ્ક ફરીથી વિશ્વના સૌથી ધનિક વ્યક્તિ બન્યા છે. તેમણે ફ્રાન્સના ઉદ્યોગપતિ બર્નાર્ડ આર્નોલ્ટને પાછળ છોડીને આ સ્થાન મેળવ્યું છે. ટેસ્લાના શેર પરત આવવાની સાથે જ મસ્કને ફરી નંબર વનની ખુરશી પર કબજો જમાવવામાં સફળતા મળી છે. બ્લૂમબર્ગ બિલિયોનેર ઇન્ડેક્સ અનુસાર એલન મસ્કની સંપત્તિ વધીને 192 અબજ ડોલર થઇ ગઇ છે. આ સાથે જ લાંબા સમયથી ચાલી રહેલા ઉદ્યોગપતિ બર્નાર્ડ આર્નોલ્ટની સંપત્તિ ઘટીને 187 અબજ ડોલર થઇ ગઇ છે. ભારતીય ઉદ્યોગપતિ ગૌતમ અદાણીના રેન્કિંગમાં સુધારો થયો છે.

બ્લૂમબર્ગ બિલિયોનેર ઇન્ડેક્સમાં આ વર્ષે સૌથી ધનિક વ્યક્તિ બનવા માટે એલોન મસ્ક અને બર્નાર્ડ આર્નોલ્ટ વચ્ચે ભીષણ જંગ જામ્યો છે અને બંનેની સંપત્તિમાં ખાસ ફરક નથી. ગયા વર્ષે ડિસેમ્બરમાં જ્યારે ટેક ઇન્ડસ્ટ્રી મુશ્કેલીઓમાંથી પસાર થઇ રહી હતી ત્યારે મસ્કની સંપત્તિમાં ઘટાડો થયો હતો. આર્નોલ્ટની કંપની એલવીએમએચને આનો લાભ મળ્યો હતો. એલવીએમએચ લક્ઝરી બ્રાન્ડ જેવી લુઇસ વીટન, ફેન્ડી અને હેનેસીની ઉત્પાદક કંપની છે.

વિશ્વના ટોચના 20 સૌથી ધનિક લોકોની યાદી

મુકેશ અંબાણી 13મા, અદાણી 19મા ક્રમે

ભારતના મોટા ઉદ્યોગપતિ મુકેશ અંબાણી અને ગૌતમ અદાણી દુનિયાના ટોપ 20 અમીરોની યાદીમાં સ્થાન ધરાવે છે. મુકેશ અંબાણી 84.7 અબજ ડોલરની સંપત્તિ સાથે 13મા ક્રમે છે. ગૌતમ અદાણી 61.3 અબજ ડોલરની સંપત્તિ સાથે 19મા ક્રમે છે. ગૌતમ અદાણીના રેન્કિંગમાં હાલના સમયમાં સુધારો થયો છે. નોંધપાત્ર વાત એ છે કે અમેરિકન શોર્ટ સેલર કંપની હિન્ડેનબર્ગના રિપોર્ટ આવ્યા બાદ અદાણી ગ્રૂપની કંપનીઓના શેરમાં મોટો ઘટાડો નોંધાયો હતો. આ કારણે ગૌતમ અદાણીને મોટું નુકસાન વેઠવું પડ્યું હતું. તેમની સંપત્તિમાં મોટો ઘટાડો થયો હતો, જેના કારણે તે ધનિક લોકોની યાદીમાં 30 માં સ્થાન સરકી ગયા હતા જોકે, ફરી એક વખત શેરોના ઉછાળામાં પાછા ફરવાની સાથે જ તેમના રેન્કિંગમાં સુધારો થયો છે અને તેઓ 19મા સ્થાને પહોંચી ગયા છે.