Connect with us

Entertainment

સલમાનખાને મારું 5 વર્ષ શારીરિક શોષણ કર્યુ, સિગારેટના ડામ દીધા

Published

on

સોમી અલીએ સલમાનખાન સાથેની જૂની તસવીર શેર કરી ફરી નિશાન સાધ્યું

બોલિવૂડ એક્ટ્રેસ સોમી અલી ફરી એકવાર ચર્ચાનો વિષય બની છે. એક્ટ્રેસે ભાઈજાન, એટલે કે સલમાન ખાન સાથે જૂની તસવીર શેર કરીને એક્ટર પર નિશાન સાધ્યું છે. એક્ટ્રેસે સલમાન ખાન પર આડકતરી રીતે પ્રહાર કર્યો છે. સોમી અલીએ સોશિયલ મીડિયા પોસ્ટમાં સલમાન ખાન સાથેનો એક જૂનો ફોટો શેર કરીને એક્ટર પર શારીરિક શોષણનો આરોપ લગાવ્યો છે. જોકે સોમીએ આ પોસ્ટને તરત જ ડિલિટ કરી દીધી છે. સોમીએ પોતાની પોસ્ટમાં સલમાન ખાન સિવાય સલમાન ખાનને સપોર્ટ કરતી એક્ટ્રેસો પર પણ પ્રહાર કર્યા છે. અત્રે ઉલ્લેખનીય છે કે સોમી અલી એક સમયે સલમાન ખાનની ગર્લફ્રેન્ડ હતી. હાલના સમયમાં તે અવારનવાર સલમાન ખાન પર નિશાન સાધતી રહે છે.
સોમીએ સલમાન ખાન સાથેની એક જૂની તસવીર શેર કરી છે, જેમાં એક્ટર ગુલાબનું ફૂલ આપતો જોવા મળે છે. આ સાથે જ સોમીએ લખ્યું હતું કે હજુ તો ઘણું થશે. પહેલા મારો શો ભારતમાં પ્રતિબંધિત કરી દીધો, બાદમાં વકીલોએ મને ધમકાવી હતી, તું કાયર માણસ છે, વર્ષોથી મને સિગારેટનો ડામ આપતો હતો અને શારીરિક શોષણ કરતો હતો. એનાથી બચવા મારી સાથે 50 વકીલ હશે.
આ પહેલીવાર નથી, જ્યારે સોમી અલીએ સલમાન ખાન પર નિશાન સાધ્યું હોય. એક્ટ્રેસે માર્ચ મહિનામાં પમૈને પ્યાર કિયાથનું પોસ્ટર શેર કરીને લખ્યું હતું કે તેમની પૂજા કરવાનું બંધ કરો. આ સાથે તેણે નામ લીધા વગર સલમાન ખાન પર મારપીટનો આરોપ પણ લગાવ્યો હતો.

Advertisement
Continue Reading
Advertisement

Breaking News

રાખી સાવંતની માતાનું નિધન,બ્રેઈન ટ્યુમરની બીમારીથી પીડિત હતા

Published

on

રાખી સાવંતની માતાનું નિધન થયું છે. તે લાંબા સમયથી બ્રેઈન ટ્યુમર અને કેન્સરથી પીડિત હતા. રાખીની માતા જયા સાવંત લાંબા સમયથી બીમાર હતા  અને ટાટા મેમોરિયલ કેન્સર હોસ્પિટલમાં તેમની સારવાર ચાલી રહી હતી.

રાખીના પતિ આદિલ દુર્રાનીએ જયાના મૃત્યુની પુષ્ટિ કરી છે. રાખીની માતાની તબિયત ઘણા સમયથી ખરાબ હતી. રાખી ઘણી વખત હોસ્પિટલની બહાર જોવા મળી છે.

Advertisement
Continue Reading

Entertainment

સૌરવ ગાંગુલીની બાયોપિક બનશે, સ્ક્રિપ્ટ ફાઇનલ

Published

on

250 કરોડના બજેટમાં તૈયાર થશે ફિલ્મ

ભારતીય ક્રિકેટ ટીમના પૂર્વ કેપ્ટન અને ઇઈઈઈંના પૂર્વ અધ્યક્ષ સૌરવ ગાંગુલી પર બનનારી બાયોપિક સ્ક્રિપ્ટ તૈયાર થઇ ચૂકી છે.

લવ ફિલ્મ્સ દ્વારા નિર્માણ થનારી આ બાયોપિક ફિલ્મની સ્ક્રિપ્ટ સૌરવ ગાંગુલી ફાઇનલ કરશે. લવ ફિલ્મ્સ અને સૌરવ ગાંગુલી દ્વારા 9 સપ્ટેમ્બર, 2021ના રોજ આ બાયોપિક ફિલ્મની જાહેરાત કરવામાં આવી હતી. બે વર્ષના રિસર્ચ પછી આ ફિલ્મની સ્ક્રિપ્ટ લગભગ તૈયાર થઇ ચૂકી છે. મેકર્સ આ ફિલ્મના આગળના કામને લઇને સૌરવ ગાંગુલીની પરમિશન લેવા માંગતા હતા. તેથી સૌરવ ગાંગુલી પોતાના મિત્ર સંજય દાસ સાથે ફિલ્મની સ્ક્રિપ્ટને મંજૂરી આપવા મુંબઇ આવશે. સૌરવ ગાંગુલી પહેલા ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોની, અઝહરુદ્દીન અને કપિલ દેવ પર પણ બાયોપિક બની ચૂકી છે. સૌરવ ગાંગુલીની બાયોપિકમાં ક્યો અભિનેતા લીડ રોલ કરશે, તે વિશે હાલ કોઇ જાણકારી પ્રાપ્ત થઇ નથી. આ ફિલ્મનું બજેટ લગભગ 250 કરોડ રૂૂપિયાની આસપાસ હોઇ શકે છે.

Advertisement

Continue Reading

Entertainment

જેન્સ કેમેરોનની ‘અવતાર-2’ બે મિલિયન ડોલર કલબમાં સામેલ

Published

on

કેમેરોનની સતત ત્રીજી ફિલ્મની બમ્પર કમાણી

અવતાર 2 સમગ્ર વિશ્વમાં ધમાલ મચાવી રહી છે. જેમ્સ કેમરોનની ગણતરી વિશ્વના સૌથી મહાન ડાયરેક્ટર્સમાં થાય છે. 13 વર્ષની મહેનત પછી જેમ્સ કેમરોને પોતાની ફિલ્મ અવતારનો બીજો પાર્ટ પઅવતાર ધ વે ઓફ વોટરથ રિલીઝ કર્યો છે. હવે, આ ફિલ્મ સમગ્ર વિશ્વમાં બોક્સ ઓફિસ પર બે મિલિયન ડોલર કમાણી કરનારી ફિલ્મ બની ચૂકી છે. આ ફિલ્મ જેમ્સ કેમરોનની ત્રીજી ફિલ્મ છે જેને બે મિલિયન ડોલર કમાણી કરી છે.
જેમ્સ કેમરોનની વર્ષ 1997માં રિલીઝ થયેલી ફિલ્મ ટાઇટેનિક અને 2009માં રિલીઝ થયેલી ફિલ્મ અવતાર પણ બે મિલિયન ડોલરની કમાણી કરી ચૂકી છે. હવે પઅવતાર 2થ એ પણ બે મિલિયન ડોલર કમાણી કરતા જેમ્સ કેમેરોનની ફિલ્મે હેટ્રિક લગાવી દીધી છે

.
આ ફિલ્મ ગયા વર્ષે 16 ડિસેમ્બરના રોજ રિલીઝ થઇ હતી. આ ફિલ્મે તેની રિલીઝ સાથે જ બોક્સ ઓફિસ પર ધમાલ મચાવી દીધી છે. દરેક લોકો ફિલ્મની સ્ટોરીથી લઈને તેના વીએફએક્સ સુધી તેની પ્રશંસા કરી રહ્યા છે. આ ફિલ્મમાં કેટ વિન્સલેટ, સેમ વર્થિંગ્ટન, ઝો સલડાના, સિગોર્ની વીવર અને સ્ટીફન લેંગ મુખ્ય ભૂમિકામાં છે. અવતાર 2 એ એવેન્જર્સ એન્ડગેમના લાઇફટાઇમના બિઝનેસને પાછળ છોડીને ભારતમાં સૌથી વધુ કમાણી કરનાર હોલીવુડ ફિલ્મ તરીકે ઉભરી આવી છે.

Advertisement

Continue Reading

એડિટર ની ચોઈસ

ગુજરાત

સ્પોર્ટસ