માતા પિતા માટે લાલબત્તી સમાન કિસ્સો સમાન કિસ્સો સામે આવ્યો છે. જૂનાગઢ જીઆઈડીસીના કારખાનામાં કામ કરતા પરિવારમાં માતાએ પાંચ વર્ષના બાળકને નાહવા જવાનું કહેતા બાળક કારમાં સંતાઇ ગયો હતો. બાળક કારમાં સંતાયા બાદ તેનાથી દરવાજો બંધ થઇ ગયો હતો જેના કારણે તે ગૂંગળાઇ જવાથી મોત થયું હતુ. હાલ સ્થાનિક પોલીસે આ અંગે વધુ તપાસ હાથ ધરી છે.
આ અંગે મળતી માહિતી પ્રમાણે, જૂનાગઢના જીઆઈડીસી વિસ્તારમાં પરપ્રાંતિય પરિવાર રહીને એક કારખાનામાં કામ કરે છે. માતાએ તેના પાંચ વર્ષના બાળક આશિષને નાહવા જવાનું કહ્યુ હતુ. પરંતુ બાળકને નાહવાનું ગમતું ન હોવાને કારણે તે કારખાનામાં પડેલી એક કારમાં જઇને સંતાઇ ગયો હતો. કારમાં અંદર જતાની સાથે દરવાજો અંદરથી બંધ થઇ ગયો હતો બીજી બાજુ ઘણાં સમયથી આ બાળક દેખાયો નહીં એટલે તેને પરિવાર શોધી રહ્યો હતો. આ પરિવાર તેને શોધતા શોધતા કારખાનામાં પડેલી એક કાર પાસે આવ્યા કારનો દરવાજો બંધ થઇ જવાને કારણે બાળક અંદર ગૂંગળાઇ ગયો હતો. ગૂંગળાઇ જવાને કારણે બાળકનું કારમાં જ મોત નીપજ્યુ હતુ.

જૂનાગઢના દોમડીયા વાડી ખાતે સમસ્ત લેઉવા પટેલ સમાજ શ્રેષ્ટીઓ દ્વારા જિલ્લા પંચાયતના નવનિયુક્ત પ્રમુખ હરેશ ઠુંમરને યુવા ગૌરવ જ્ઞાતિરત્નથી સન્માનિત કરાયા હતા, તે જ રીતે જિલ્લા ભા.જ.પ પ્રમુખ અને સહકારી અગ્રણી કિરીટ પટેલનું યશસ્વી જ્ઞાતિરત્નથી બહુમાન કરવામાં આવ્યું હતું. જૂનાગઢ મહાનગરપાલિકાના સ્થાયી સમિતિના ચેરમેન હરેશ પણસારા નું લોકસેવક રત્નથી સન્માન કરવામાં આવ્યું હતું. ગુજરાત હાઉસિંગ ફાઇનાન્સ બોર્ડના ચેરમેન ડો. દેવરાજ ચીખલીયાને રાજસ્વી જ્ઞાતિરત્નથી સન્માનિત કરાયા હતા. જૂનાગઢ કૃષિ યુનિવર્સિટીના ઉપકુલપતિ વિઠ્ઠલ ચોવટીયાનું કૃષિ સંશોધક જ્ઞાતિરત્ન તરીકે બહુમાન કરાયું હતું. તે જ રીતે જૂનાગઢ માર્કેટિંગ યાર્ડના નવનિયુક્ત ચેરમેન કેવલ ચોવટીયાનું યુવા રાજસ્વી જ્ઞાતિરત્નથી બહુમાન કરાયું હતું.
આ પ્રસંગે ખોડલધામના ટ્રસ્ટી ડો.જી.કે. ગજેરા, ભાવેશ વેકરીયા, સવજી સાવલિયા,સહિત મહાનુભાવો એ પ્રાસંગિક પ્રવચનમાં સમાજ ઉન્મુલન, સમાજોત્કર્ષ અને વિવિધ આયામો પર સર્વાંગી વિકાસ કેવી રીતે સાધી શકાય તે બાબતે પોતાના મંતવ્યો રજૂ કર્યા હતા,
સન્માન પ્રાપ્ત કરનાર મહાનુભાવોએ સમાજહિતમાં અને રાષ્ટ્રનિર્માણ તરફ સાથે મળીને કેવી રીતે આગળ વધી શકીએ તે બાબતે પોતાના વિચારો વ્યક્ત કર્યા હતા. આ પ્રસંગે અગ્રણી અનિલ પટોળીયા, ગોપાલ રૂૂપાપરા, અમુભાઈ પાનસુરીયા, નટુભાઈ પોકિયા,રમેશ પેથાણી, જયંતીભાઈ વઘાસિયા, નયનાબેન વઘાસિયા, રમણીક હિરપરા, સરદાર પટેલ કર્મચારી મંડળના પ્રમુખ હરેશ વઘાસિયા, વિનુ અમીપરા સહિત જ્ઞાતી અગ્રણીઓ, વિવિઘ સંસ્થામાં સેવારત સેવાશ્રેષ્ઠીઑ ઉપસ્થિત રહ્યા હતા.
આ પ્રસંગે ખોડલધામ ટ્રસ્ટ, પેસ્ટીસાઈડ વેપારી એસોસિએશન તથા ભાવનાબેન ચેરીટેબલ ટ્રસ્ટ, લેઉવા પટેલ અગ્રણી મહીલા સમિતિ, ક્યાડાવાડી સંચાલન સમિતી દ્વારા સમાજરત્નોને શાલ અને મોમેન્ટો અર્પણ કરી સન્માનિત કરાયા હતા. કાર્યક્રમનાં પ્રારંભે દોમડીયા વાડીના પ્રમુખ કરસન ધડુકે આમંત્રિત મહેમાનો અને ઉપસ્થિત સમાજ શ્રેષ્ઠી ભાઈબહેનોને આવકાર્ય હતા. કાર્યક્રમના અંતે આભારદર્શ અગ્રણી જેરામભાઈ ટિંબડીયાએ અને કાર્યક્ર્મ નું સંચાલન પ્રભાબેન પટેલે સાંભળ્યું હતું.

જૂનાગઢ દાતાર ઉર્ષ દરમિયાન પ્રતિબંધો ને લઈને પોલીસ દ્વારા વ્યવસ્થામાં સહયોગ આપવા લોકોને અપીલ
જૂનાગઢ ખાતે ઉપલા અને નીચલા દાતાર ખાતે ઉર્ષ તહેવાર ઉજવવામાં આવનાર છે. જેમાં બહોળા પ્રમાણમાં હિન્દુ અને મુસ્લિમ લોકો ભેગા થતા હોય છે. દાતાર ઉર્ષ મેળો યોજાઈ છે. ઉપલા દાતાર અને નીચલા દાતાર ખાતે ચંદન વિધિ મહેંદી રસમ જેવા કાર્યક્રમો કરવામાં આવશે. આથી દાતાર ઉર્ષ વ્યવસ્થામાં સહયોગ આપવા જૂનાગઢ પોલીસે લોકોને અપીલ કરી છે
દાતાર ઉર્ષમાં કાયદો અને વ્યવસ્થાની પરિસ્થિતિ જળવાઈ રહે તે માટે વિલિંગડન ડેમથી ઉપલા દાતારની જગ્યા સુધીનું ફોજદારી કાર્યરીતિ અધિનિયમ 1973ની કલમ 144 નીચે મુજબના મુદ્દાઓને આવરી લેતો તારીખ 25/09/2023 થી 29/09/2023 સુધીનું એક જાહેરનામું પ્રસિદ્ધ કરવામાં આવ્યું છે. જેમાં તારીખ 25 થી 29 સપ્ટેમ્બરને આઠ વાગ્યા સુધી પ્રતિબંધિત વિસ્તારમાં જવા માટે ફરજ પરના એક્ઝિક્યુટિવ મેજિસ્ટ્રેટ્સની પરમિટ મેળવીને ઉપર જનાર અને પરમીટની શરતો મુજબ વર્તનારને લાગુ પડશે નહીં. આ અંગેની આપવામાં આવેલ પરમિટમાં જણાવેલ તારીખો અને કલાકો દરમિયાન ઉપલા દાતાર જનાર દર્શનાર્થી દર્શન કરી ઉપલા દાતારથી નીચે ઉતરી આવવાનું રહેશે. અધિકૃત રીતે ફરજ પર રહેલા સરકારી કર્મચારી/અધિકારીઓ તથા બંદોબસ્તના પરના કર્મચારી/ અધિકારીઓને લાગુ પડશે નહીં.દાતાર મેળો યોજનાના છે તેમજ ઉપલા દાતારને નીચલા દાતાર ખાતે ચંદનવિધિ, મહેંદી રસમ જેવા કાર્યક્રમ કરવામાં આવનાર છે. લોકોને સલામતી અને વ્યવસ્થા જળવાય તે હેતુસર આ જાહેરનામું પ્રસિદ્ધ કરવામાં આવ્યું છે તેમ નાયબ પોલીસ અધિક્ષક જૂનાગઢ હિતેશ ધાંધલ્યાની યાદીમાં જણાવાયું છે.