અમૃત ક્રેડિટ સોસાયટીને વળતર ચૂકવવામાં નિષ્ફળ જાય તો વધુ બે માસની સજાનો હુકમ

ગુજરાત મિરર, રાજકોટ તા.31
અમૃત કેડીટ કો.ઓપ.સોસાયટી લી. આપેલ મોર્ગેજ લોનના ચડત હપ્તા પેટે આપેલ ચેક રીટન થતા કોર્ટે લોનધારક મહિલાને 2 વર્ષની સાદી કેદ અને રૂ.5 હજાર દંડ તેમજ ચેકની 2કમ ફરીયાદીને વળતર પેટે ચુકવવામાં નિષ્ફળ જાય તો વધુ 2 માસની સજાનો હુકમ ફરમાવ્યો હતો.
આ કેસની હકીકત મુજબ નાના મવા રોડ ઉપર લક્ષ્મીનગર ખાતે આવેલ અમૃત કેડીટ કો.ઓપ.સોસાયટી લી.માંથી ઈલાબેન વિનેશભાઈ માવાણી (રહે. અમૃત કેડીટ સોસાયટી પાસે ભકિતનગર રાજકોટ)એ રૂૂા. 12 બાર લાખની મોર્ગેજ લોન લીધી હતી. તે લોનના ચડત હપ્તા પટે ઈલાબેન વિનેશભાઈ માવાણીએ રૂૂા.5.79 લાખ ચેક આપ્યો હતો. જે ચેક બેંકમાં વટાવવા નાખતા ચેક રીર્ટન પરત ફર્યો હતો. ત્યારબાદ મેનેજર સતીષભાઈ પરશોતમભાઈ પાંભરને મળેલ સતા અને અધિકારની રૂૂએ રાજકોટ કોર્ટમાં નેગો.ઈન્સ્ટ્રુમેન્ટ હેઠળ ફરીયાદ દાખલ થઈ હતી. જે કેસ ચાલી જતા કોર્ટે બન્ને પક્ષની રજુઆત બાદ ફરિયાદીના વકીલની દલીલો ગ્રાહ્ય રાખી આરોપીને 2 વર્ષની સાદી કેદ અને રૂૂ.5 હજાર દંડ તેમજ ચેકની 2કમ ફરીયાદીને વળતર પેટે ચુકવવામાં નિષ્ફળ જાય તો વધુ 2 માસની સજાનો હુકમ ફરમાવ્યો હતો.
આ કેસમાં ફરિયાદી અમૃત કેડીટ કો.ઓપ.સોસાયટી તરફે એડવોકેટ સંજયભાઈ પંડયા, મનિષ એચ.પંડયા, જયદેવસિંહ ચાહાણ અને વનરાજસિંહ જાડેજા રોકાયા હતા.

ગુજરાત મિરર, રાજકોટ તા.31
શહેરના સામા કાંઠે પેડક રોડ પર પાણીના ઘોડાવાળા રોડ પર કાર બેકાબૂ બની જઇ પટેલ વિજય ડેરી ફાર્મ અને આઇસ્ક્રીમ નામની દૂકાનમાં ઘુસી જતાં કારમાં અને દૂકાનમાં ભારે નુકસાની થઇ હતી. કારનું ટાયર ફાટતા ઘટના ઘટી હોવાના રટણ સાથે કોલેજીયનને સારવાર માટે ખસેડવામાં આવ્યો હતો.
આ બનાવ અંગે પોલીસમાંથી જાણવા મળતી વિગત મુજબ સામા કાંઠે પેડક રોડ પર પાણીના ઘોડાવાળા રોડ પર રાતે સાડા અગિયારેક વાગ્યે સ્વીફટ કાર બેકાબૂ બની જઇ પટેલ વિજય ડેરી ફાર્મ અને આઇસ્ક્રીમ નામની દૂકાનમાં ઘુસી જતાં કારમાં અને દૂકાનમાં ભારે નુકસાની થઇ હતી. કારનો ચાલક બેડીનાકા નકલંક મંદિર ટાવર ગેઇટ અંદર રહેતો દુર્ગેશ જેસલભાઇ મકવાણા (ઉ.વ.20) ઘાયલ થતાં તેને સિવિલ હોસ્પિટલમાં ખસેડવામાં આવતાં હોસ્પિટલ ચોકીના સ્ટાફે બી-ડિવીઝન પોલોસ મથકમાં જાણ કરી હતી. દૂર્ગેશને હોસ્પિટલે લાવનાર રાહુલભાઇના કહેવા મુજબ દૂર્ગેશ કાર લઇને નીકળ્યો ત્યારે ટાયર ફાટતાં કાબૂ ગુમાવતાં દૂકાનમાં ઘુસી ગઇ હતી.
બીજી તરફ પટેલ વિજય દૂકાનના માલિક હિતેષભાઇ પરષોત્તમભાઇ લીંબાસીયાના કહેવા મુજબ એકાએક રાતે કાર દૂકાનમાં ઘુસી જતાં શટર, દિવાલ, દૂકાન અંદરના ફ્રીઝમાં અંદાજે સાડાચારથી પાંચ લાખનું નુકસાન થયું છે. લોકોમાં થઇ રહેલી ચર્ચા મુજબ કારને બેફામ સ્પીડથી ચાલક હંકારી રહ્યો હતો અને ઓચીંતો કાબૂ ગુમાવતાં અમારી દૂકાનમાં ઘુસી ગઇ હતી. પોલીસે આ અંગે તપાસ હાથ ધરી છે.

જે.કે.પાર્કની મહિલાઓના ટોળાંના કલેકટર કચેરીમાં ધામા, આવેદનપત્ર અપાયું

ગુજરાત મિરર, રાજકોટ, તા.31
કોઠારીયામાં આવેલ સોસાયટીનાં કોમન પ્લોટ ઉપર જમીન માફીયાએ કબજો જમાવી લેતાં જે.કે.પાર્કની મહિલાઓનું ટોળુ આજે કલેકટર કચેરીએ ધસી આવી કોમન પ્લોટ ખાલી કરાવવા જિલ્લા કલેકટરને રજૂઆત કરી હતી.
જે.કે.પાર્ક શેરી નં.3માં સોસાયટીનો કોમન પ્લોટ આવ્યો છે. આ પાલોટમાં આવારા અને માથાભારે શખાસ દ્વારા કબજો કરવામાં આવ્યો છે એટલું જ નહીં સરકારની મનાઈ હોવા છતાં પણ કોમન પ્લોટમાં બાંધકામ કરવામાં આવ્યું છે. આ બાબતે અગાઉ સરકારી તંત્રને રજૂઆત કરવામાં આવી હતી. છતાં પણ તંત્ર દ્વારા આંખ આડા કાન કરવામાં આવતાં આજે મહિલાનું ટોળું કલેકટર કચેરીએ ધસી આવ્યું હતું અને કલેકટરને ઉગ્ર રજુઆત કરી હતી.
મહિલાઓએ રોષભેર જણાવ્યું હતું કે સોસાયટીનાં કોમન પ્લોટ ઉપર બિલ્ડરની નજર હોય બિલ્ડર અને માથાભારે શખ્સની મીલીભગતથી પ્લોટ ઉપર કબજો જમાવ્યો હોવાનો આક્ષેપ કરવામાં આવ્યો છે. આથી તાત્કાલીક પ્લોટનો કબજો ખાલી કરાવવા કલેકટરને રજૂઆત કરવામાં આવી છે.