Connect with us

International

પ્લેન ક્રેશ: તાલિબાનના દાવાથી યુએસ ચોંકી ઉઠ્યું

Published

on

વોશિંગ્ટન તા,28
અફઘાનિસ્તાનમાં ગઇકાલે પેસેન્જર વિમાન ક્રેશ થયાના સમાચારે દુનિયા આખીને એક સમય માટે ચમકાવી દીધી હતી. બધાને અમેરિકા અને ઇરાન વચ્ચે તણાવની સ્થિતિ વચ્ચે ક્રેશ થયેલા વિમાન અકસ્માતની યાદ તાજી કરાવી દીધી હતી. તો આ બધાની વચ્ચે તાલિબાને ચોંકાવનારો દાવો કર્યો છે.
તાલિબાને દાવો કર્યો કે પૂર્વ અફઘાનિસ્તાનમાં અકસ્માતગ્રસ્ત થયેલ 130 યાત્રિકોવાળુ વિમાન અમેરિકન સેનાનું છે. આ વિસ્તારના કાર્યરત તારીક ગજનીવાલે એ કહ્યું કે તેમમે વિમાનને સળગતું જોયું છે. ટ્વિટર પર ગજનીવાલાએ એસોસીએટેડ પ્રેસને કહ્યુંકે તેમણે બે મૃતદેહ જોયા અને વિમાનનો આગળનો હિસ્સો ખૂબ જ ખરાબ રીતે સળગી ગયો હતો.
તેમણે કહ્યું કે વિમાનને અને તેના પાછળના ભાગને વધુ નુકસાન થયું નથી. ગજનીવાલની તરફથી અપાયેલી માહિતીનું સ્વતંત્ર રીતે સત્યાપન થઇ શકયું નથી. તાલિબાનના પ્રવકતા જબીઉલ્લા મુજાહિદે કહ્યું કે અમેરિકન વાયુ સેનાનું એક વિમાન ગજની પ્રાંતમાં અકસ્માતનો ભોગ બન્યું. ગજનીવાલે કહ્યું કે અકસ્માતસ્થળ અમેરિકન સેનાના બેઝથી અંદાજે 10 કિલોમીટર દૂર છે. અમેરિકન મધ્ય કમાનના પ્રવકતા અમેરિકન સેનાના મેજર બેથ રિયોર્ડને તાલિબાનના દાવા પર ટિપ્પણી કરવાનો ઇન્કાર કરી દીધો છે. આની પહેલાં તેમણે માન્યું હતું કે અમેરિકન સેના તાલિબાનના કબ્જાવાળા વિસ્તારમાં એક વિમાનના દુર્ઘટનાગ્રસ્ત થવાના રિપોર્ટની તપાસ કરી રહ્યું છે. જો કે સોશિયલ મીડિયા પર આવેલા કથિત દુર્ઘટના સ્થળની તસવીરો પરથી સંકેત મળ્યા છે કે આ બોમ્બાર્ડિયર ઇ-11એ વિમાન હોઇ શકે છે. અમેરિકન સેના અફઘાનિસ્તાનમાં ઇલેક્ટ્રોનિક નજર રાખવા માટે આ વિમાનનો ઉપયોગ કરે છે.

Continue Reading
Advertisement

International

રશિયન નેવીના વરિષ્ઠ એડમિરલ સહિત 34 ઓફિસરોને માર્યાનો યુક્રેનનો દાવો

Published

on

યુક્રેન અને રશિયા વચ્ચેનો યુદ્ધ ભયાવહ સ્તરે પહોંચી ગયો છે. રશિયા તાબડતોબ એરસ્ટ્રાઈક કરી રહ્યું છે ત્યારે યુક્રેન પણ તેનો સજ્જડ રીતે મુકાબલો કરી રહ્યું છે. યુક્રેનના વિશેષ દળોએ દાવો કર્યો હતો કે રશિયાના સેવસ્તોપોલ બંદરે બ્લેક સીની ફ્લિટના કમાન્ડર અને રશિયાના સૌથી વરિષ્ઠ નેવી ઓફિસરમાંથી એક એડમિરલ વિક્ટર સોકોલોવને ઠાર મરાયો હતો અને ટોચના નેવી કમાન્ડર સહિત 34 અધિકારીઓને મોતને ઘાટ ઉતારી દેવાયા હતા. યુક્રેને દાવો કર્યો હતો કે ક્રીમિયામાં બ્લેક સીની ફ્લિટમાં હેડક્વાર્ટર પર મિસાઈલ હુમલામાં આ કાર્યવાહી કરવામાં આવી હતી. જ્યારે રશિયાના સંરક્ષણ મંત્રાલયને આ મામલે ટિપ્પણી કરવા કહેવાયું તો તાત્કાલિક ધોરણે આ મામલે પ્રતિક્રિયા આપવાનું ટાળ્યું હતું. રશિયા ન તો આ ઘટનાને સ્વીકારી રહ્યું છે અને ન તો તેને નકારી રહ્યું છે.
યુક્રેને તાજેતરના દિવસોમાં ક્રીમિયા પર એરસ્ટ્રાઈક વધારી દીધી છે. આ એક મહત્ત્વપૂર્ણ ક્ષેત્ર અને વ્યૂહાત્મક દૃષ્ટિએ મહત્ત્વપૂર્ણ પોઈન્ટ છે. અહીંથી રશિયાએ 19 મહિના લાંબ યુદ્ધમાં યુક્રેન પર અનેક હવાઈ હુમલા કર્યા હતા. જો રશિયન નેવી કમાન્ડરના મોતની પુષ્ટી થશે તો સોકોલોવની હત્યા ક્રીમિયા પર કીવનો સૌથી ઘાતક હુમલો સાબિત થશે. ક્રીમિયાને રશિયાએ 2014માં યુક્રેનથી છીનવીને તેના પર કબજો જમાવ્યો હતો.

Continue Reading

International

VIDEO: ‘ભારત વિરોધી સૂત્રોચ્ચાર, તિરંગાનું અપમાન’, ખાલિસ્તાન સમર્થકોએ કેનેડાના વેનકુવરમાં દૂતાવાસની બહાર શરુ કર્યું વિરોધ પ્રદર્શન

Published

on


 

કેનેડા અને ભારત વચ્ચેનો તણાવ દિવસેને દિવસે વધી રહ્યો છે. બંને દેશોએ એકબીજાના ટોચના રાજદ્વારીઓને હાંકી કાઢ્યા છે. દરમિયાન ગઈ કાલે ડઝનબંધ ખાલિસ્તાન સમર્થકોએ વાનકુવરમાં ભારતીય વાણિજ્ય દૂતાવાસની બહાર ખાલિસ્તાની આતંકવાદી હરદીપ સિંહ નિજ્જરની હત્યા સામે વિરોધ પ્રદર્શન કર્યું હતું. જેમાં ભારતના તિરંગાનું પણ અપમાન કરવામાં આવ્યું છે. આ પ્રદર્શન માટે એલાન શીખ ફોર જસ્ટિસના વડા ગુરપતવંત સિંહ પન્નુએ હાંકલ કરી હતી.ગયા અઠવાડિયે દેશના વડાપ્રધાન જસ્ટિન ટ્રુડોએ ભારત પર ખાલિસ્તાની હરદીપ સિંહ નિજ્જરની હત્યાનો આરોપ લગાવ્યો હતો. ભારતીય પક્ષ તરફથી ટ્રુડોના આરોપોને સંપૂર્ણ પાયાવિહોણા અને વાહિયાત ગણાવ્યા હતા. આ પછી ભારત સરકારે ખાલિસ્તાનીઓ વિરુદ્ધ કાર્યવાહી કરી. આ કાર્યવાહીથી ખાલિસ્તાનીઓ જ નારાજ છે. આ હતાશામાં તેણે કેનેડાના મુખ્ય શહેરોમાં સ્થિત ભારતીય રાજદ્વારી મિશનની બહાર વિરોધ પ્રદર્શન કરવાની અપીલ કરી હતી. ટ્રુડોએ તાજેતરમાં જ્યારે નિજ્જરની હત્યાની તપાસ ચાલી રહી હતી ત્યારે ભારત પર આરોપ લગાવ્યો હતો.

સોમવારે પ્રદર્શનનું આયોજન શીખ ફોર જસ્ટિસ (SFJ) દ્વારા કરવામાં આવ્યું હતું. કેનેડાના મુખ્ય શહેરો ટોરોન્ટો, ઓટાવા અને વાનકુવરમાં ભારતીય દૂતાવાસ અને કોન્સ્યુલેટની બહાર આ વિરોધ પ્રદર્શન કરવામાં આવ્યા હતા. ખાલિસ્તાનના સમર્થનમાં સૂત્રોચ્ચાર કરવામાં આવ્યા હતા. આ દરમિયાન ખાલિસ્તાની સમર્થકો ભારતીય તિરંગાનું અપમાન કરતા અને તેને ફાડતા જોવા મળ્યા હતા.આ દરમિયાન તિરંગાનું મોટું બેનર બનાવવામાં આવ્યું હતું. જેને ખાલિસ્તાની સમર્થકો જમીન પર પાથર્યું હતું અને તેના પર ચાલતા પણ જોવા મળ્યા હતા. એટલું જ નહીં વડાપ્રધાન નરેન્દ્ર મોદીની તસવીર લગાવીને તેમનું અપમાન પણ કરવામાં આવ્યું હતું.

મળતી માહિતી મુજબ આ પ્રદર્શનોને કેનેડામાં સ્થાયી થયેલા બહુ ઓછા શીખોનું સમર્થન મળ્યું છે. જ્યારે SFJએ દાવો કર્યો હતો કે પ્રદર્શનમાં હજારો ખાલિસ્તાનીઓ એકઠા થશે. રાજધાની ઓટાવામાં માંડ 30 થી 40 ખાલિસ્તાનીઓ એકઠા થયા હતા. વાનકુવરમાં મુઠ્ઠીભર ખાલિસ્તાનીઓ પણ હાજર હતા. કહેવામાં આવી રહ્યું છે કે અહીં 50 થી 60 ખાલિસ્તાનીઓ એકઠા થયા હતા. ખાલિસ્તાનીઓએ વેનકુવરમાં ભારતીય વાણિજ્ય દૂતાવાસની બહાર ભારતીય ત્રિરંગો ફાડી નાખ્યો હતો.

કેનેડામાં શીખ્સ ફોર જસ્ટિસના વડા જતિન્દર સિંહ ગ્રેવાલે રોઇટર્સને જણાવ્યું હતું કે તેમની સંસ્થા નિજ્જરની હત્યા અંગે “જાગૃતિ” વધારવા માંગે છે. આ દેખાવોનું આયોજન આ હેતુથી કરવામાં આવ્યું છે. ગ્રેવાલના જણાવ્યા અનુસાર, સંગઠન કેનેડામાંથી ભારતીય રાજદૂતને હાંકી કાઢવા માટે સતત અપીલ કરી રહ્યું છે. ઓટાવા અને ટોરોન્ટોમાં ભારતના રાજદ્વારી મિશન દ્વારા આ સમયે કોઈ ટિપ્પણી કરવામાં આવી નથી. ટોરોન્ટો પોલીસ વિભાગે કહ્યું કે તે સોમવારના રોજ યોજાનાર વિરોધથી વાકેફ છે. ભારતે ટ્રુડોના આરોપોને સ્પષ્ટપણે નકારી કાઢ્યા અને આરોપોને ‘વાહિયાત’ ગણાવ્યા.

ટ્રુડોના આરોપો બાદ બંને દેશો વચ્ચે તણાવ ઉભો થયો છે. કેનેડા અને ભારતે રાજદ્વારીઓને હાંકી કાઢ્યા છે. આ ઉપરાંત ભારતે કેનેડાના નાગરિકોના વિઝા પણ સસ્પેન્ડ કર્યા છે. નિજ્જરની 18 જૂને હત્યા કરવામાં આવી હતી. નિજ્જર 1990ના દાયકામાં નકલી પાસપોર્ટના આધારે કેનેડા ગયો હતો. તે અહીં પ્લમ્બર તરીકે કામ કરતો હતો. નિજ્જર છેલ્લા ઘણા સમયથી પંજાબને ભારતથી અલગ કરવાના ખાલિસ્તાની અભિયાનને આગળ ધપાવતો હતો. ભારતે જુલાઈ 2020માં નિજ્જરને ‘આતંકવાદી’ જાહેર કર્યો હતો. કેનેડામાં શીખોની વસ્તી 770000 છે. આ દેશ છેલ્લા ઘણા સમયથી આવા વિરોધનું સ્થળ છે જેના કારણે ભારતની મુશ્કેલીઓ વધી છે.

Continue Reading

International

ન્યૂજર્સીમાં 8 ઓકટોબરે વિશ્વના બીજા મોટા મંદિરનું ઉદ્ઘાટન થશે

Published

on

રોબિન્સવિલેમાં બાપ્સનું અક્ષરધામ 185 એકરમાં ફેલાયેલું છે

રોબિન્સવિલે, ન્યુ જર્સીમાં, ઇઅઙજ સ્વામિનારાયણ અક્ષરધામ ઉભું છે, જે યુનાઇટેડ સ્ટેટ્સમાં સૌથી મોટા હિંદુ મંદિર તરીકેનું ગૌરવ ધરાવે છે. અહેવાલ મુજબ અંગકોરવાટ પછી આ બીજુ મોટું હિંદુ મંદિર છે.

આ ભવ્ય મહામંદિર 19મી સદીના આદરણીય હિન્દુ આધ્યાત્મિક નેતા ભગવાન સ્વામિનારાયણને સમર્પિત છે. તે તેમના 5મા આધ્યાત્મિક અનુગામી, આદરણીય સંત પ્રમુખસ્વામી મહારાજની પ્રેરણાથી બનાવવામાં આવ્યું હતું.આ મહામંદિરનું બાંધકામ 2015 માં શરૂૂ થયું હતું, અને તેનું સત્તાવાર ઉદ્ઘાટન 8 ઓક્ટોબર, 2023 ના રોજ સુનિશ્ચિત થયેલ છે, મહંત સ્વામી મહારાજ અને આદરણીય મહાનુભાવો આ કાર્યક્રમની અધ્યક્ષતા કરશે.

રોબિન્સવિલેમાં ઇઅઙજ સ્વામિનારાયણ અક્ષરધામ, 185 એકરમાં ફેલાયેલું અને ઉત્તર અમેરિકાના વિવિધ ભાગોમાંથી આવેલા 12,500થી વધુ સ્વયંસેવકોની કુશળતા. સાથે મળીને, તેઓએ સામૂહિક રીતે એક અપ્રતિમ સીમાચિહ્ન બનાવ્યું છે જે એક સહસ્ત્રાબ્દીથી વધુ સમય સુધી ટકી રહેવા માટે રચાયેલ છે, અગઈં અહેવાલ આપે છે.

ભારતમાં ઇઅઙજ સ્વામીઓ અને સમર્પિત સ્વયંસેવકોના જૂથ દ્વારા ડિઝાઇન કરાયેલ, આ ધાર્મિક ઈમારત એક ઝીણવટભરી બાંધકામ પ્રક્રિયામાંથી પસાર થઈ હતી. યુરોપના વિવિધ પ્રદેશોમાંથી પત્થર મેળવવામાં આવ્યો હતો અને ભારતમાં પરિવહન કરવામાં આવ્યો હતો, જ્યાં તેની જટિલ કારીગરી કરવામાં આવી હતી.

Continue Reading

એડિટર ની ચોઈસ

ગુજરાત

સ્પોર્ટસ

error: Content is protected !!