રાષ્ટ્રપતિ રામનાથ કોવિંદ, અરવિંદ કેજરીવાલ અને મનોજ તિવારીએ પ્રભાતના પહોરમાં કર્યું મતદાન

પરફોર્મન્સના આધારે પુન: સરકાર રચવા કેજરીવાલનો અને
50 બેઠકો જીતવાનો ભાજપનો દાવો
રાજકોટ તા.8
કેવળ દિલ્હી જ નહીં બલ્કે દેશભર માટે અત્યંત ઉત્કંઠાનું ‘કેન્દ્ર’ બનેલી દિલ્હી વિધાનસભાની ચૂંટણીનું આજે ધીમી ગતિએ મતદાન શરૂ થઇ ચૂકયું હતું. મળતા અહેવાલો મુજબ સવારનાં 9 કલાક સુધીમાં 4.33 ટકા મતદાન જ નોંધાયું હતું. જે બપોરના 1 વાગ્યા સુધીમાં 32 ટકા સુધી પહોંચી ગયું હતું.
કોંગ્રેસ અધ્યક્ષ સોનિયા ગાંધી, પ્રિયંકા ગાંધી અને સાંસદ રાહુલ ગાંધીએ મતદાન કર્યું.

સોનિયા ગાંધીએ નિર્માણ ભવન બૂથમાં મતદાન કર્યું. જ્યારે પ્રિયંકા ગાંધીએ લોધી સ્ટેટમાં મતદાન કર્યું. પતિ રોબોટ વાડ્રા અને તેમનો પુત્ર પણ તેમની સાથે હતા. પ્રિયંકા ગાંધીએ કહ્યું પોતાના અધિકારો સ્પષ્ટ કરો અને મતદાન કરો.
દિલ્હીમાં 10 વાગ્યા સુધીમાં 4.33 ટકા લોકોએ મતદાન કર્યું છે, દિલ્હીમાં અલગ અલગ વિસ્તારોમાં બનેલા વોટિંગ બુથ પર લાંબી લાઈનો જોવા મળી છે પરીણામે બપોરનાં 1 વાગ્યા સુધીમાં મતોની ટકાવારી 32 એ પહોંચી હતી.
રાષ્ટ્રપતિ રામનાથ કોવિંદ ઉપરાંત દિલ્હીના મુખ્યમંત્રી અરવિંદ કેજરીવાલ તેમજ ભાજપ તરફથી મુખ્યમંત્રી પદના દાવેદાર મનોજ તિવારીએ વહેલી સવારે જ મતદાન કરી પોત-પોતાની જીતના વિશ્ર્વાસ વ્યક્ત કર્યો બાદ મતદાન કરી પત્રકારોને જણાવ્યું હતું કે દિલ્હીનાં મતદાતા આમ આદમી પાર્ટીના પરફોર્મન્સનાં આધારે મત આપી પુન: તેમને સરકાર બનાવશે જયારે ભાજપના પ્રદેશ અધ્યક્ષ અને મુખ્યમંત્રીપદના દાવેદાર ગણતા મનોજ તિવારીએ 50 થી વધુ બેઠકો જીતવાનો આત્મવિશ્ર્વાસ વ્યકત કર્યો હતો. દરમિયાન એક બનાવમાં ઉત્તર-પૂર્વી દિલ્હીના બાબરપુરના પોલિંગ બુથમાં ચુંટણી અધિકારીનું મૃત્યુ નીપજતાં થોડો સમય મતદાન પ્રક્રિયા ખોરંભાઇ હતી.
મુખ્યમંત્રી કેજરીવાલે તેમના પરિવાર સાથે સિવિલ લાઈન્સના એક મતદાન કેન્દ્ર પર મતદાન કર્યું. આ વખતે પણ સીએમ કેજરીવાલ નવી દિલ્હી વિધાનસભા સીટથી મેદાનમાં છે. તેમના વિરુદ્ધ બીજેપીના સુનીલ યાદવ અને કોંગ્રેસના રોમેશ સબ્બરવાલ ચૂંટણી લડી રહ્યા છે. દિલ્હીના ચાંદની ચોક વિસ્તારમાંથી કોંગ્રેસ ઉમેદવાર અલકા લાંબાએ ટૈગોર ગાર્ડન એક્સટેન્શનમાં મતદાન કર્યું. અલકા લાંબા અઅઙના પ્રહલાદ સિંહ સૈની અને બીજેપીની સુમન ગુપ્તા વિરુદ્ધ ચૂંટણી લડી છે.
મુખ્યમંત્રી કેજરીવાલની માતાએ તેમને તિલક કર્યું ત્યારપછી સીએમ પરિવાર સાથે મતદાન કરવા નીકળ્યા હતા. સુપ્રીમ કોર્ટના જસ્ટિસ આર ભાનુમતિ, કેન્દ્રીય મંત્રી હર્ષવર્ધન, ચાંદની ચોકથી ઉમેદવાર અલકા લાંબાએ વોટિંગ કર્યું. વિદેશ મંત્રી એસ જયશંકર અને દિલ્હીના ઉપરાજ્યપાલ અનિલ બૈજલે મતદાન કર્યું. વડાપ્રધાન મોદીએ ટવીટ કરી જનતાને વોટિંગ કરવાની અપીલ કરી હતી.

અલ્કા લાંબાએ ‘આપ’ના કાર્યકર્તાને મારી થપ્પડ
દિલ્હી વિધાનસભા ચૂંટણી 2020 માટે મતદાન થઈ રહ્યું છે. કુલ 70 સીટ માટે 672 ઉમેદવાર મેદાનમાં છે. આ દરમિયાન ચાંદની ચોકથી કોંગ્રેસ ઉમેદવાર અલકા લાંબા મજનૂંના ટીલા વિસ્તારમાં પોલિંગ બૂથની વ્યવસ્થા જોવા પહોંચ્યા હતા. ત્યારે ત્યાં હાજર આમ આદમી પાર્ટીના ઉમેદવારે અભદ્ર ટીપ્પણી કરી હતી. આથી ગુસ્સે થયેલા અલકા લાંબાએ તે ઉમેદવારને થપ્પડ મારવાનો પ્રયત્ન કર્યો હતો. અલકા લાંબાએ ઉમેદવારને પોલીસમાં ફરિયાદ નોંધાવાની ધમકી પણ આપી હતી.

કુમાર વિશ્ર્વાસે કહ્યું,
‘કલંક’ ધોવાનો સમય

દિલ્હીમાં મતદાન વચ્ચે કવિ અને પૂર્વ આમ આદમી પાર્ટીના નેતા કુમાર વિશ્વાસે આમ આદમી પાર્ટી પર ટકાક્ષ કર્યો છે. તેમણે લોકોને સીધી રીતે તો નહીં પરંતુ કેજરીવાલ સરકાર વિરુદ્ધ મતદાન કરવાની અપીલ કરી છે. તેમણે કહ્યું કે, આ કલંક ધોવાનો સમય છે. મહત્વનું છે કે ચૂંટણી પહેલા કુમાર વિશ્વાસ ભાજપમાં સામેલ થશે તેવા પણ સમાચાર આવ્યા હતા, પરંતુ પછી તેમણે તેનું ખંડન કર્યું હતું. હવે કુમાર વિશ્વાસે લખ્યું, પિછલે 5 સાલ કે કલંક ધોને કા

સમય હે દિલ્લીવાલો. વોટની ચોટ સે સમાજ, દેશ, આશાઓ, સેના, મિત્રતા વ ભરોસે કી હત્યા કરનેવાલે રાજનીતિક એડ્સ આત્મમુગ્ધ બૌનોં કે નિકૃષ્ટ મંસૂબે ધ્વસ્ત કરને કા સમય હૈ નિકલો ઘરો સે, બતાઓ કિ બના સકતે હો તો અહંકારી શિશુપાલોં કો મિટા ભી સકતે હો.