Junagadh

જૂનાગઢના ભારતી આશ્રમમાં અને સાળંગપુર મંદિરમાં ચોરી કરનાર તસ્કર ઝડપાયો

Published

on

ધાર્મિક જગ્યાઓને ટાર્ગેટ કરતો શખ્સ ઢાલ રોડ વિસ્તારમાંથી ઝડપાયો

જૂનાગઢના ભવનાથ સ્થિત ભારતી આશ્રમમાં ગણતરીના સમય પહેલા 65 હજાર, ની મતાની ચોરી કરનાર રાજકોટના તસ્કરને જૂનાગઢ એલસીબી ની ટીમે શહેરના ઢાલ રોડ વિસ્તારમાંથી ઝડપી લીધો હતો.
આ અંગે પોલીસ સૂત્રો પાસેથી પ્રાપ્ત વિગતો અનુસાર શહેરના ભવનાથના ભારતી આશ્રમની ગુરૂૂગાદી રૂૂમના તાળા તોડી ચાંદીની થાળી, વાટકા, ગ્લાસ,ચાંદીની લાકડી વગેરે મળી 65 હજાર, ચોરી થઇ હતી. આ અંગે ભવનાથ પોલીસમાં ફરિયાદ નોંધાઇ હતી.
દરમિયાન ચોરીના આરોપીને ઝડપી લેવા રેન્જ ડીઆઇજી મયંકસિંહ ચાવડા, એસપી રવિતેજા વાસમ શેટ્ટીની સૂચનાના પગલે એલસીબી પીઆઇ જે.એચ. સિંધવ, પીએસઆઇ જે.જે. ગઢવી, ડી.એમ. જલુ, ભવનાથ પીએસઆઇ એમ.સી. ચુડાસમા અને સીસીટીવી કેમેરા નેત્રમ શાખાના પીએસઆઇ જે.એચ. મશરૂૂની અલગ અલગ ટીમે તપાસ હાથ ધરી હતી.
દરમિયાન ચોરીમાં રાજકોટના નરેશ ઉર્ફે નરીયો ઉર્ફે નરૂૂ રમેશભાઇ ગીલગીલાણીની સંડોવણી હોવાનું બહાર આવ્યું હતું. સાથે આ શખ્સ જૂનાગઢના ઢાલરોડ પર આંટા મારતો હોવાની બાતમી મળતા તેને ઝડપી લીધો હતો. તેની પાસેથી પીળી ધાતુનું પેન્ડલ કિંમત 15,430નું અને રોકડા 49,870 મળી કુલ 65,300નો મુદ્દામાલ કબ્જે કર્યો હતો. પોલીસે તસ્કરની આકરી પૂછપરછ કરતાં આરોપીએ 3 માસ પહેલા સાળંગપુરના કષ્ટભંજન હનુમાન મંદિરમાં પણ ચોરી કરી હોવાની કબુલાત કરી હતી. આરોપીને આગળની તપાસ અર્થે ભવનાથ પોલીસ સ્ટેશન હવાલે કરાયો છે.

Advertisement
Exit mobile version