ગુજરાત મિરર, નવી દિલ્હી તા.30
દક્ષિણ-પૂર્વ એશિયાઈ દેશ ફિલિપિન્સમાં ગુરુવારે એક મોટી દુર્ઘટના થઈ હતી. અહીં 250 લોકોને લઈ જતી ફેરીમાં આગ લાગી હતી. આ દુર્ઘટનામાં ઘણા લોકો જીવતા દાઝી ગયા હોવાની માહિતી સામે આવી છે. આ દુર્ઘટનામાં આગને કારણે ઘણા લોકો દાઝી ગયા છે. આ ભયાનક અકસ્માત બાદ તરત જ રાહત અને બચાવ કાર્ય શરૂૂ કરી દેવામાં આવ્યું છે.
ન્યૂઝ એજન્સીના રિપોર્ટ અનુસાર, આ ઘટના પ્રશાંત મહાસાગરમાં ત્યારે બની જ્યારે ફિલિપિન્સમાં 250 લોકોને લઈ જતી ફેરીમાં આગ લાગી હતી. અત્યાર સુધીમાં 31 લોકોના મોતની પુષ્ટી થઈ છે અને 7 લોકો ગુમ હોવાનું કહેવાય છે.
ફિલિપિન કોસ્ટ ગાર્ડ્સએ અહેવાલ આપ્યો કે પેસેન્જર ફેરી દક્ષિણ ફિલિપાઈન્સના દરિયામાંથી પસાર થઈ રહી હતી ત્યારે બલુક ટાપુ નજીક આગ લાગી હતી. બલુક ટાપુ ફિલિપાઈન્સના બેસિલાન પ્રાંતમાં આવે છે. ઝામ્બોગા સ્થિત ફિલિપિન કોસ્ટ ગાર્ડ ના જણાવ્યા અનુસાર, આગને કાબૂ કરવાનો પ્રયાસ કરવામાં આવી રહ્યો છે.

ગુજરાત મિરર, નવી દિલ્હી તા.30
માનવીમાં બર્ડ ફ્લૂનો પ્રથમ કેસ સામે આવતા હડકંપ મચી ગયો છે. ચિલીમાં માનવીમાં બર્ડ ફ્લૂનો આ પહેલો કેસ મળી આવ્યો છે. દેશના સ્વાસ્થ્ય મંત્રાલયે માહિતી આપતા જણાવ્યું કે એક 53 વર્ષીય વ્યક્તિને બર્ડ ફ્લૂ થયાની માહિતી મળી છે. આ વ્યક્તિમાં ઈન્ફ્લ્યુએન્ઝાના ગંભીર લક્ષણો દેખાયા હતા પણ આ દર્દી સ્થિર સ્થિતિમાં જણાયો જ નહોતો.
બર્ડ ફ્લૂના દર્દીની માહિતી મળ્યા બાદ ચિલીની સરકારે તે ચેપગ્રસ્ત કેવી રીતે અને તેના સંપર્કમાં કોણ કોણ આવ્યા છે તેની તપાસ યુદ્ધના ધોરણે હાથ ધરી હતી. ચિલીમાં જંગલી પ્રાણીઓમાં ગત વર્ષના અંતથી ઇં5ગ1 બર્ડ ફ્લૂના કેસ સામે આવ્યા હતા. ઔદ્યોગિક ફાર્મમાં તાજેતરના કેસને કારણે પોલ્ટ્રી નિકાસ અટકાવવી પડી છે.

ટ્વિટર દ્વારા પાકિસ્તાન સરકારના ટ્વિટર એકાઉન્ટ પર મોટી કાર્યવાહી કરવામાં આવી છે. ટ્વિટર દ્વારા ભારતમાં પાકિસ્તાન સરકારના સત્તાવાર ટ્વિટર હેન્ડલ પર પ્રતિબંધ મુકવામાં આવ્યો છે. ટ્વિટર પર જારી કરવામાં આવેલી નોટિસ અનુસાર ટ્વિટરે ભારત સરકારની કાનૂની માંગ પર જ ભારતમાં પાકિસ્તાન સરકારનું એકાઉન્ટ બ્લોક કરી દીધું છે.

આ કાર્યવાહી બાદ ભારતમાં લોકો પાકિસ્તાન સરકારના ટ્વિટર હેન્ડલને જોઇ શકશે નહીં. આ પહેલીવાર નથી જ્યારે ભારતમાં પાકિસ્તાન સરકારના ટ્વિટર હેન્ડલને બ્લોક કરવામાં આવ્યું હોય. આ પહેલા પણ ભારતમાં ઘણી વખત પાકિસ્તાની સરકારના ટ્વિટર એકાઉન્ટ પર પ્રતિબંધ લગાવી દેવામાં આવ્યો છે.

ટ્વિટરની ગાઇડલાઇન્સ અનુસાર કોર્ટના આદેશ કે સરકારની માંગ જેવી માન્ય કાયદાકીય માંગો પર એકાઉન્ટ બ્લોક કરવું પડશે. આવી સ્થિતિમાં, હવે ભારતમાં પાકિસ્તાન સરકારના સત્તાવાર ટ્વિટર એકાઉન્ટ પર કરવામાં આવેલી પોસ્ટ જોવા મળશે નહીં. ઉલ્લેખનીય છે કે આ મામલે ભારત સરકારના આઈટી મંત્રાલય કે પાકિસ્તાન તરફથી કોઈ પ્રતિક્રિયા આપવામાં નથી આવી.

પાકિસ્તાન અને ભારતની પ્રતિક્રિયા સામે આવી નથી.

મીડિયા રિપોર્ટ્સ અનુસાર, પાકિસ્તાન સરકારનું ટ્વિટર એકાઉન્ટ હજી પણ વિશ્વના ઘણા દેશોમાં કામ કરી રહ્યું છે, પરંતુ ભારતમાં તેને બ્લોક કરી દેવામાં આવ્યું છે. પાકિસ્તાન સરકારનું ટ્વિટર એકાઉન્ટ હજુ પણ અમેરિકા અને કેનેડા સહિત વિશ્વના અન્ય ઘણા દેશોમાં જોઈ શકાય છે, પરંતુ હવે આ એકાઉન્ટથી કરવામાં આવતી ટ્વિટ ભારતમાં દેખાશે નહીં. જણાવી દઈએ કે આ મામલે ભારત અને પાકિસ્તાન તરફથી કોઈ પ્રતિક્રિયા નથી આપવામાં આવી. ભારત અને પાકિસ્તાનના ઈન્ફોર્મેશન ટેક્નોલોજી મંત્રીઓ દ્વારા આ અંગે કોઈ નિવેદન બહાર પાડવામાં આવ્યું નથી.

પાકિસ્તાનના ટ્વિટર હેન્ડલ પર થઈ ચૂકી છે કાર્યવાહી

નોંધપાત્ર વાત એ છે કે, આ ત્રીજી વખત છે જ્યારે ભારતમાં પાકિસ્તાનનું ટ્વિટર હેન્ડલ બ્લોક કરવામાં આવ્યું છે. આ પહેલા ઓક્ટોબર 2022માં પાકિસ્તાન સરકારના ટ્વિટર હેન્ડલ પર પ્રતિબંધ લગાવી દેવામાં આવ્યો હતો. આ પહેલા ગયા વર્ષે જુલાઈમાં પાકિસ્તાન સરકારના ટ્વિટર એકાઉન્ટ પર પ્રતિબંધ લગાવી દેવામાં આવ્યો હતો. જો કે બાદમાં તેને ફરી સક્રિય કરવામાં આવ્યું અને ટ્વિટર એકાઉન્ટ દેખાવા લાગ્યું.