વેરાવળ રેલવે સ્ટેશન બન્યુ પ્રસૃતિ ગૃહ ! બાળકનો જન્મMay 27, 2019

  • વેરાવળ રેલવે સ્ટેશન બન્યુ પ્રસૃતિ ગૃહ ! બાળકનો જન્મ

જૂનાગઢ તા. 27
વેરાવળ રેલ્વે સ્ટેશનની અંદર 108 દ્વારા ભિક્ષુક મહિલાની પ્રસુતી કરવામાં આવી હતી.
વેરાવળ શહેરના રેલ્વે સ્ટેશનમાં આજે વહેલી સવારે મુંબઇથી આવતી ટ્રેનમા જૂનાગઢથી ભિક્ષાવૃત્તિ માટે વેરાવળ આવેલ મહીલા જાનકીબેન અમરભાઈને સવારે 6 વાગ્યે અચાનક પ્રસૂતીની પીડા ઉપડતા સ્ટેશન પર ઉતરતા મહિલા પ્રવાસીની નજર પડતા તેમણે સ્ટેશન માસ્તરનો સંપર્ક કરતા સ્ટેશન માસ્ટર આર. જે. પ્રસાદ દ્વાર 108 નો સંપર્ક કરતા વેરાવળ 108નાં ઇએમટી ગોવિંદા ભગત તેમજ પાઇલોટ ભરત મેઘનાથી તત્કાળ ઘટના સ્થળે પહોંચયા હતાં પરંતું અમ્બૂલંસ રેલ્વે સ્ટેશનની અંદર પહોચી સકે તેમ ન હોય તેમજ બહેનને અચાનક પ્રસુતિની પીડા વધી જતા સ્ટેશનમાંજ પ્રસુતિ કરાવવી પડે તેમ હતી ત્યારે 108નાં સ્ટાફ દ્વારા સમય સૂચકતા વાપરી સ્ટેશનમાં હાજર પ્રવાસી બહેનોને વિનંતી કરી પ્રસૂતા તથા બાળકની સલામતી માટે સાડી દ્વારા ફરતો ધેરાવ કરી, સ્ટેશન પર પ્રસુતિ કરાવેલ અને એક ફૂલ સમાન પુત્રનો જન્મ થયેલ.
પરંતુ બાળક તથા માતાની તબિયત સારી નાં જણાતા જરુરી સારવાર માટે અમદાવાદ 108 સેન્ટરના મેડીકલ ઓફિસરનો સંપર્ક કરી સ્થળ પર જ જરૂરી સારવાર કરી આપેલ પરંતુ બાળક નો જન્મ અધૂરા મહિને થયેલ હોવાથી તેને ઓકસીઝન સાથે કૃત્રિમ શ્વાસો શ્વાસ આપવાની જરૂર જણાતાં સ્થળ પરથી સ્ટચેર દ્વારા માતા અને બાળકને 108 અમ્બૂલંસમાં લઇ જઇ કૃત્રિમ શ્વાસો શ્વાસની પ્રક્રિયા ચાલુ કરી, વેરાવળ સિવિલ હોસ્પિટલમા લઇ જવામાં આવેલ ત્યારે સિવિલ હોસ્પિટલનાં ડોક્ટર દ્વારા માતા તથા બાળક ભયમુક્ત હોવાનું જણાવ્યુ હતું.