ચાઇનિઝ દોરા-તુક્કલના પ્રતિબંધ બાદ પણ સોરઠમાં છૂટથી ઉપયોગ; કાગળ પર અમલJanuary 15, 2019

 સરાજાહેર વેપારીઓએ કર્યું વેચાણ; પોલીસની નિષ્ક્રિયતા
જૂનાગઢ તા.15
જૂનાગઢમાં ઉત્તરાયણ ઉપર લાગતા વળગતા તંત્રની આળશના કારણે અધિક જિલ્લા મેજીસ્ટ્રેટના જાહેરનામાનો છડે ચોક ભંગ થયાની પ્રબુધ્ધ લોકોમાં ચર્ચા છે. શહેરના જીવદયાપ્રેમીઓમાં થતી ચર્ચા મુજબ આ વર્ષે શહેરમાં મોટા પ્રમાણમાં ચાઇનીઝ દોરા, પ્લાસ્ટિકની દોરી બહાર પડેલ જાહેરનામામાં પ્રતિબંધિત કરાયેલી દોરીઓ બજારમાં બીનદાસ વેંચાણી હતી અને પતંગ રસીયાઓએ મોજથી તેનો ઉપયોગ પણ કર્યો હતો. ગત રાત્રીના તુક્કલ પણ આકાશમાં જોવા મળ્યા હોવાના વાવડ છે.
જૂનાગઢના અધિક જિલ્લા મેજીસ્ટ્રેટે ચાઇનીઝ તથા પક્ષી અને લકોને ઇજા પહોંચાડી શકે તો માંજો પાયેલ અમુક દોરા અને તુક્કલ પર પ્રતિબંધ મુક્યો હતો અને આ પ્રતિબંધિત વસ્તુઓ બજારમાં મોટા પ્રમાણમાં વહેચાય હતી પરંતુ આ જાહેરનામાનો અમલ કરવાનાર તંત્ર અને તેના અધિકારીઓએ આળસ કરતા કે કોઇ અંગત કારણોસર આ વર્ષે પ્રતિબંધિત દોરાઓ અને તુક્કલ વહેચવા માટે મોકળું મેદાન મળી ગયું હતું.
આ વર્ષે એક ફુટ પણ પ્રતિબંધિત દોરાઓ ન પકડનાર તંત્રએ ગત વર્ષે લાખો ઉપિયાનો પ્રતિબંધિત દોરા સહિતનો જથ્થો પકડી પાડ્યો હતો. પરંતુ આ વખતે તંત્રને પાસે સમયનો અભાવ, આવક કે કોઇની ભલામણ અથવા આર્થીક શરમ નડી ગઇ હોવાથી ચેકીંગ માત્ર કાગળ ઉપર જ રહેવા પામ્યું હોવાનું આક્ષેપ પ્રબુધ્ધ લોકોમાંથી ઉઠવા પામ્યો છે. જ્યારે પ્રતિબંધિત દોરાઓ અને તુકલ્લના થયેલ ઉપયોગથી પર્યાવરણ પ્રેમીઓમાં નારાજગી અને રોષ ફેલાવા પામ્યો હતો.