હા, મેં 5-8 લાખ રૂપિયામાં 12 રન વેચ્યા હતા: દાનિશ કનેરિયા

  • હા, મેં 5-8 લાખ રૂપિયામાં 12 રન વેચ્યા હતા: દાનિશ કનેરિયા


લંડન: પાકિસ્તાનના 37 વર્ષના પૂર્વ ક્રિકેટ ખેલાડી દાનિશ કનેરિયાએ છ વર્ષ સુધી ઈનકાર કર્યા બાદ આખરે સ્પોટ ફિક્સિંગમાં સામેલ હોવાનો અપરાધ કબુલ્યો છે. આ પ્રકરણમાં એસેક્સના તેના પૂર્વ સાથે મર્વિન વેસ્ટફિલ્ડ જેલની સજા કાપવી પડી હતી. દાનિશ પાકિસ્તાનનો પૂર્વ ક્રિકેટર છે અને ઘણા સમયથી પાક. ક્રિકેટ ટીમમાં નથી. ઈંગ્લેન્ડ ક્રિકેટ બોર્ડના આજીવન ક્રિકેટ પ્રતિબંધનો સામનો કરી
રહેલા કનેરિયાએ અલ જઝીરા ટીવી ડોક્યુમેન્ટરીને આપેલા ઈન્ટરવ્યુમાં જણાવ્યું કે, "મારું નામ દાનિસ કનેરિયા છે અને હું સ્વીકારું છું કે ઈંગ્લેન્ડ અને વેલ્સ ક્રિકેટ બોર્ડ દ્વારા વર્ષ 2012માં મારા ઉપર લગાવાયેલા બે આરોપ સાચા હતા. લેગ સ્પિનર કનેરિયાએ વધુમાં જણાવ્યું કે, "હું એસેક્સના મારા સાથે ખેલાડી મર્વિન વેસ્ટફીલ્ડની, એસેક્સ ક્રિકેટ ક્લબ અને એસેક્સના પ્રશંસકોની માફી માગું છું. હું પાકિસ્તાન પાસેથી પણ માગું છું.
દાનિશે જણાવ્યું કે, "મેં મારી જાતને મજબુત બનાવવાનો નિર્ણય લીધો છે. કેમ કે તમે એક જૂઠ સાથે વધુ જીવન જીવી શકો નહીં." સ્પોટ ફિક્સિંગના કેસમાં દાનિશની 2010માં વેસ્ટફીલ્ડ સાથે ધરપકડ કરાઈ હતી, પરંતુ પુરાવાના અભાવે બંનેને છોડી દેવાયા હતા. તેના પર ઈંગ્લેન્ડ ક્રિકેટ બોર્ડ દ્વારા આજીવન પ્રતિબંધ લગાવાયો હતો.
વેસ્ટફીલ્ડે 2009માં ડરહમમાં 40 ઓવરની એક કાઉન્ટી મેચ દરમિયાન પોતાની પ્રથમ ઓવરમાં 12 રન આપવાના બદલે કથિત સટોડિયા અનુ ભટ્ટ પાસેથી 7862 ડોલર લીધા હતા, જેની આજની ભારતીય રૂપિયામાં મુલ્ય લગભગ રૂ.5.2 લાખ થાય છે. કનેરિયાની મધ્યસ્થતા સાથે આ સોદો થયો હતો, જેણે ભટ્ટની વેસ્ટફીલ્ડ સાથે મુલાકાત કરાવી હતી.