તો ભારતમાં વોટ્સએપ પર મૂકાઈ જશે પ્રતિબંધ !

  • તો ભારતમાં વોટ્સએપ પર મૂકાઈ જશે પ્રતિબંધ !
  • તો ભારતમાં વોટ્સએપ પર મૂકાઈ જશે પ્રતિબંધ !
  • તો ભારતમાં વોટ્સએપ પર મૂકાઈ જશે પ્રતિબંધ !

ઓગસ્ટથી જ ભારત સરકાર અને વોટ્સએપ વચ્ચે ફેક ન્યૂઝને લઈને મતભેદ ચાલી રહ્યા છે. ભારત સરકારે વોટ્સએપથી મેસેજિસ ટ્રેક કરવાની મંજૂરી આપવા માટે કહ્યું હતું. પરંતુ, વોટ્સએપએ ગુપ્તતાનો હવાલો આપતા એવું કરવાનો ઈન્કાર કરી દીધો.
વોટ્સએપના ઈનકાર બાદ ઈલેક્ટ્રોનિક્સ અને આઈટી મંત્રાલય કંપનીને વધુ એક સત્તાવાર લેટર મોકલવાની તૈયારી કરી રહ્યું છે. આ પત્ર દ્વારા કંપનીને એલર્ટ કરવામાં આવશે કે જો તે સરકારની માંગ પૂરી નહીં કરે તો દેશમાં વોટ્સએપને બેન કરી દેવામાં આવી શકે છે. ઉલ્લેખનીય છે કે, જુલાઈથી લઈને અત્યાર સુધીમાં આ ત્રીજો સત્તાવાર લેટર હશે.
હકીકતમાં, ભારતમાં વોટ્સએપ દ્વારા ફેક ન્યૂઝ અને અફવાઓ ફેલાયા બાદ મોબ લિચિંગ જેવી ઘટનાઓ પણ બની ચૂકી છે.
વોટ્સએપના સીઈઓ ક્રિસ ડેનિયલએ થોડા સમય પહેલા કેન્દ્રિય માહિતી અને ટેકનોલોજી મંત્રી રવિ શંકર પ્રસાદ સાથે દિલ્હીમાં મુલાકાત કરી હતી. આ મુલાકાત દરમિયાન સરકારે વોટ્સએપને અફવાઓ રોકવા, પોર્ન અને ફેક ન્યૂઝ પર લગામ લગાવવા માટે ટેકનિકલ સમાધાન શોધવા કહ્યું હતું.
સરકારે આ ત્રણ શરતો મૂકી હતી: 1. વોટ્સએપ પર ફેક ન્યૂઝ અને અફવાઓ રોકવામાં આવે અને તેના માટે પ્રભાવી રીત શોધવામાં આવે. 2. ભારતમાં કામ કરવા માટે ઓફિસ બનાવવામાં આવે.3. ફેક મેસેજના મૂળને જાણવા માટે ટેકનિકલ સમાધાન શોધે અને ફરિયાદના ઉકેલ માટે અધિકારીની નિમણૂક કરે.
સરકારની આ માગોને ધ્યાનમાં રાખતા વોટ્સએપએ ઘણા ફેરફાર કર્યા છે, જેનાથી ફેક ન્યૂઝ ન ફેલાય, જેમકે માત્ર પાંચ ગ્રુપમાં એક જ વખત કોઈ મેસેજ મોકલી શકાય છે, જે પહેલા 250માં મોકલી શકાતા હતા. સાથે જ બધાને એ અંગે સ્પષ્ટ જાણકારી આપવામાં આવી રહી છે કે મેસેજ ફોરવર્ડ કરાયેલો છે કે નહીં. જો કે, આટલું પૂરતું નથી. સરકારનું કહેવું છે કે,
જો વોટ્સએપ પોતાના મેસેજ એન્ક્રિપ્શન સાથે સમજૂતી નથી કરવા માંગતી તો તેણે બીજી કોઈ ટેકનિકલ રીત આપવી જોઈએ. ઉલ્લેખનીય છે કે, ભારતમાં વોટ્સએપના 1.5 બિલિયન એક્ટિવ યૂઝર્સ છે અને ભારત તેનું સૌથી મોટું માર્કેટ છે. કંપની કેટલીક નવી સર્વિસીઝ જેવી કે, પેમેન્ટ પ્લેટફોર્મ અને એડવર્ટાઈઝર્સ માટે પણ સર્વિસ લાવવાનું વિચારી રહી છે.