ઝાલાવાડના શહીદ જવાનનું ઋણ અદા કરવા પત્નીને જમીન ફાળવાઈ

સુરેન્દ્રનગર તા,12
સુરેન્દ્રનગરના શહીર સૈનિક સ્વ.જેસીંગભાઈ ટમાલિયાના પત્નીને વઢવાણ તાલુકામાં ખેતી લાયક જમીન ફાળવી ઋણ અદા કરાયું છે. જમ્મુ કાશ્મીરમાં ફરજ બજાવતા સુરેન્દ્રનગર જિલ્લાના વડોદ ગામના જવાન જેસીંગભાઈ રણછોડભાઈ ટમાલિયા આતંકવાદીઓ સાથેની મુઠભેડમાં શહીદ થયા હતા.
જિલ્લા કલેકટરશ્રી કે. રાજેશે અંગત રસ લઈને માતૃભૂમિની રક્ષા કાજે શહીદ થયેલા આ વીર જવાનના વારસદારોને ખેતી લાયક જમીનનો કબજો અપાવ્યો છે. સ્વ.ટમાલીયાના વારસદાર તેમના પત્નિેને ખેતી લાયક જમીન વઢવાણ તાલુકાના વડોદ ખાતે 3-23-76 આરે વાળી જમીન ફાળવવામાં આવી છે. આમ તો શહીદની શહાદતનું મુલ્ય ચુકવી શકાય તેવું હોતું નથી પરંતુ તેના પરિવારની આજીવિકા માટે આ ટેકો કરાતો હોય છે.
રાજય સરકારે નકકી કરેલ શરતોને આધિન આ જમીન તેમના વારસદારોને ફાળવવામાં આવી છે. તેવું જિલ્લા કલેકટરે જણાવ્યું છે.