સજાતીય સંબંધ મામલે સુપ્રીમમાં સુનાવણી શરુ

નવીદિલ્હી તા.૧૦
સુપ્રીમ કોર્ટેમાં સમલૈંગિકતા મામલે આજે સુનાવણી શરૂ થઈ ગઈ છે. આઇપીસીની કલમ ૩૭૭માં બે સમલૈંગિક વયસ્કો વચ્ચે સહમતિથી શારીરિક સંબંધોને ગુનો માનવામાં આવે છે અને સજાની જોગવાઈ પણ કરવામાં આવી છે. સુપ્રીમ કોર્ટે સમલૈંગિકતા મામલે સુનાવણી ટાળવાના કેન્દ્ર સરકારના આગ્રહને સોમવારે નકારી દીધો છે.
સુપ્રીમમાં પ્રથમ પૂર્વ અર્ટોની જનરલ મુકુલ રોહતગીએ તેમની દલીલો રજૂ કરી હતી. આ દલીલોમાં તેમણે કલમ ૩૭૭નો વિરોધ કરીને
(અનુસંધાન પાના નં.૧૦)
સમલૈંગિતાને પ્રાકૃતિક ગણાવી હતી. આ સુનાવણીમાં સરકાર તરફથી એડિશનલ સોલિસિટર જનરલ તુષાર તેમનો પક્ષ મુકશે.
સુપ્રીમ કોર્ટે ૮ જાન્યુઆરીએ ૫ જજની બંધારણીય બેંચને સમલૈંગિકતાના કેસની સોંપણી કરી હતી. ચીફ જસ્ટિસ દીપક મિશ્રાની આગેવાની વાળી આ બેંચમાં જસ્ટિસ ડિવાય ચંદ્રચૂડ, જસ્ટિસ એએમ ખાનવિલકર, જસ્ટિસ આરએફ નરીમન અને જસ્ટિસ ઈંદુ મલ્હોત્રા છે.
કેન્દ્ર સરકાર તરફથી એડિશનલ સોલિસિટર જનરલ તુષાર હાજર થયા છે.
પૂર્વ અર્ટોની જનરલ મુકુલ રોહતગીએ તેમની દલીલ શરૂ કરી છે.
રોહતગીનો તર્ક- કલમ ૩૭૭થી થનારી એલજીબીટી સમુદાય પોતાની જાતને જાહેર કર્યા પહેલા અપરાધી અનુભવે છે. સમાજ પણ તેમને અલગ નજરથી જોવે છે. તેમને બંધારણીય નિયમોથી સુરક્ષીત કરવા જોઈએ.
મુકુલ રોહતગીએ કહ્યું - યૌન રુઝાન અને જેન્ડર અલગ અલગ વાત છે. આ કેસ યૌન પ્રવૃત્તિ સાથે સંકળાયેલો છે.
રોહતગીએ કહ્યું કે આ કેસમાં જેન્ડર સાથે કોઈ લેવા દેવા નથી. યૌન પ્રકૃતિનો કેસ પસંદથી પણ અલગ હોઈ શકે છે. તે પ્રાકૃતિક હોયછે. તે જન્મની સાથે જ માણસમાં આવે છે.
રોહતગીના મતે પશ્ચિમી દેશોમાં આ વિશે શોધ કરવામાં આવી છે. આ પ્રમાણેની યૌન પ્રવિૃતના વારસાગત કારણ હોય છે.
કલમ ૩૭૭ માનવઅધિકારોનું હનન કરે છે. સમાજના બદલાવાથી નીતિઓમાં ફેરફાર થવા જોઈએ. ૧૬૦ વર્ષ જૂના નૈતિક મૂલ્યો આજના નૈતિક મૂલ્યો ન ગણાવી શકાય ૩૭૭ પ્રાકૃતિક યૌન સંબંધ વિશે વાત કરે છે. સમલૈંગિકતા પણ પ્રાકૃતિક છે, તે અપ્રાકૃતિક નથી.
સુપ્રીમ કોર્ટે સમલૈંગિક વયસ્કો વચ્ચે સહમતીથી સંબંધોને અપરાધની શ્રેણીમાંથી બહાર રાખવાના દિલ્હી હાઈકોર્ટના ૨૦૦૯ના નિર્ણયને ૨૦૧૩માં રદ કરી દીધો છે. ત્યારપછી પુન:વિચાર અરજી દાખલ કરવામાં આવી છે. આઈઆઈટીના ૨૦ પૂર્વ અને હાલના વિદ્યાર્થીઓ દ્વારા દાખલ અરજીમાં દિલ્હી હાઈકોર્ટના નિર્ણયને ફરી લાગુ કરવાની માગણી કરવામાં આવી છે. આ વિશે બેંચે કેન્દ્રને તેમનો મત રાખવાનો આદેશ આપ્યો છે.
નાઝ ફાઉન્ડેશન સહિત ઘણાં પ્રતિષ્ઠિત લોકો દ્વારા દાખલ અરજીઓમાં પણ ૨૦૧૩ના સુપ્રીમ કોર્ટના નિર્ણયને પડકારવામાં આવ્યો છે. જાન્યુઆરીમાં સુપ્રીમ કોર્ટે કહ્યું હતું કે, એવા લોકો જે પોતાની ઈચ્છા પ્રમાણે જીવવા માગે છે તેમણે કદી ડરવાની જરૂર નથી. સ્વભાવનું કોઈ નિશ્ચિત માપદંડ નથી હોતું. નૈતિકતા ઉંમરની સાથે બદલાતી હોય છે.