DSLR નથી તો કંઈ વાંધો નહીં આ રીતે સ્માર્ટફોનથી પણ થશે અફલાતૂન ફોટોગ્રાફી

  • DSLR નથી તો કંઈ વાંધો નહીં આ રીતે સ્માર્ટફોનથી પણ થશે અફલાતૂન ફોટોગ્રાફી

ઘણા લોકો એવા હોય છે જેમને પ્રવાસ દરમિયાન ફોટોગ્રાફીનો શોખ હોય છે. પરંતુ ઘણીવાર એવું થાય છે કે ફોટોગ્રાફી માટે ઉજકછ કેમેરા નથી હોતો. ત્યારે તમારી પાસે જો સારો કેમેરા ધરાવતો ફોન હોય તો પણ તમે આ ટિપ્સને અનુસરીના પોતાના મોબાઇલથી જ જબરજસ્ત ફોટોઝ પાડી શકશો.
મોબાઇલ ફોટોગ્રાફી માટે હંમેશા એક્ટિવ રહેવું જોઈએ. જો ફોટો લેવાવાળો ધીમો હશે તો અનેક સારા મોકા ચૂકી જશે. માટે તમારા ફોનમા કેમેરા ઓન કરવા માટે શોર્ટકટ ગોઠવી જ રાખો જેથી સેકંડમાં કેમેરા ઓન કરી શકાય.
બેસ્ટ ફોટો માટે સૌથી બેઝિક રુલ છે ‘રુલ ઓફ વન થર્ડ’. સામાન્ય રીતે આપણે ફોટો ક્લિક કરતી વખતે જે તે વસ્તુ કે વ્યક્તિને સેન્ટરમાં રાખીએ છીએ. પરંતુ હકિકતમાં તે ખોટું છે. તમારા ફોટોનો સબ્જેક્ટ ફોટો સ્ક્રિનના ત્રીજા ભાગમાં હોવો જોઈએ. ઉદાહરણ તરીકે તમારા ફોટોને 9 બરાબર ખાનામાં વહેંચી દ્યો. હવે તમારા સબ્જેક્ટને તમારી ફોટો ફ્રેમના કોઈ એક ખૂણામાં એક તૃતિયાંશ ભાગમાં રાખો. જેમ કે તમારે કોઈના ફેસનો ફોટો પાડવો છે તો આંખોને ઉપર તરફના ત્રીજા ભાગમાં રાખો. સામાન્ય રીતે કોઈપણ ફોટોમાં જો એક જ સબ્જેક્ટ હોય તો તે ફોટો સારો નથી આવતો. જેમ કે તમે તાજમહેલનો ફોટો પાડતા હોવ અને તેમાં ફક્ત એકલા તાજમહેલને જ લેશો તો તે એટલો સારો નહીં લાગે જેટલુ તેની સાથે ફોટોમાં બિજુ કંઈ એડ કરશો. જે તેને અર્થ આપતું હશે. જેમ કે તાજ મહેલની બાજુમાં ઝાડની લાઈન છે હવે આ ઝાડને પ્રોમ્ટ તરીકે યુઝ કરો અને એ એંગલથી ફોટો પાડો કે ફોટોફ્રેમના એક ભાગમાં ઝાડની લાઇન આવે અને એકભાગમાં તાજમહેલ દેખાય. એટલે કે તમારા સબ્જેક્ટમાં એવું કંઇક હંમેશા જો઼ડો જે ફોટોને કોઈ મતલબ દઈ શકે.
ફિલ્મમાં કેમેરા વિચિત્ર જગ્યાઓએ રાખ્યા હોય છે. જેમ કે દંગાના સીન પછી સુમસામ ગલ્લીમાં હીરો એકલો ભાગતો જતો હોય છે અને કેમેરા સાઇકલના ગોળ ફરતા ટાયર પાછળથી તેનો સીન લેતો હોય છે. આને કહેવાય એંગલ. દરેક તસવીરોમાં એંગલ ખૂબ જરૂરી છે. સામાન્ય રીતે આપણે સબ્જેક્ટની એકદમ સામે ઉભી જઈએ છે. પરંતુ જો તમારે થોડી હટકે અને સારી તસવીર લેવી છે તો સબ્જેક્ટને એકદમ અલગ એંગલ પરથી જોવાની આવડત કેળવો. એ રીતે વિચારો કે કઈ જગ્યાએથી તસવીર લેવાથી વધુ સુંદર દેખાશે.
ફોટોનું બેકગ્રાઉન્ડ પણ તેટલું જ જરૂરી છે. ફોટો લેતી વખતે તેના બેકગ્રાઉન્ડ અંગે પણ તેટલું જ વિચારો. ફોટોમાં તમારા સબ્જેક્ટને બેકગ્રાઉન્ડ ડિસ્ટર્બ તો નથી કરતું ને આ સવાલ દરેક ફોટો લેતી વખતે તમારે તમારી જાતને પુછવું જોઈએ. શું બીજુ કોઈ બેકગ્રાન્ડ શક્ય છે જે વધુ સારુ લાગશે. આવા સવાલ તમારા ફોટોને વધુ સારો બનાવશે.
ફોટોમાં લાઇટિંગ ખૂબ જ મહત્વનો ભાગ છે. જો તમે બહાર ખુલ્લામાં ફોટો લો છો સૂરજ ક્યાં છે તેની તમારા ફોટો પર ખૂબ જ અસર પડશે. એક બેઝિક રૂલ છે. સૂરજ ફોટોગ્રાફરની પાછળની તરફ હોવો જોઇએ. તેમજ માથા પર તો બિલકુલ ન હોવો જોઈએ. એટલે જ કહે છે કે 12 વાગ્યાનો દિવસનો સમય ફોટોગ્રાફી માટે સૌથી ખરાબ છે.