સિંગાપોરમાં કિમ ટોઈલેટ પણ સાથે લઈ ગયો!

સિંગાપોર, તા.13
અમેરિકન રાષ્ટ્રપતિ ડોનાલ્ડ ટ્રમ્પ અને ઉત્તર કોરિયાના નેતા કિમ જોંગ ઉનની મુલાકાત ઉમ્મીદ કરતા પણ વધારે સફળ રહી. આ દરમિયાન કિમ જોંગની સુરક્ષા ખૂબ જ કડક રાખવામાં આવી. કેટલાક દિવસો પહેલા ચુસ્ત સુરક્ષાને સમગ્ર દુનિયાએ જોઈ, જ્યારે તે દક્ષિણ કોરિયાના રાષ્ટ્રપતિ મૂન જેઈ ઈનને મળવા પહોંચ્યા હતા. તેનાથી સ્પષ્ટ માલૂમ પડે છે કે કિમ પોતાની સુરક્ષાને લઈને કેટલો સાવચેત છે.
હવે સિંગાપોર પ્રવાસ દરમિયાન કિમની સુરક્ષાનું સ્તર શું હતું, તેની એક ઝલક જોવા મળી. હકીકતમાં કિમ પોતાની સાથે નોર્થ કોરિયાથી સિંગાપોરની ફાઈવ સ્ટાર હોટલમાં પોર્ટેબલ ટોઈલેટ લઈને પહોંચ્યો હતો. આ પાછળ તેની સુવિધા ઓછી, અને સુરક્ષાનું કારણ વધારે હતું. હકીકતમાં પોર્ટેબલ ટોઈલેટ આ કારણે સાથે લઈ ગયો હતો જેથી કિમ જોંગના સ્ટૂલ એટલે કે મળની કોઈપણ રીતે તપાસ ન કરી શકાય અથવા પછી તેના પર કોઈ પરીક્ષણ ન કરી શકાય.
કહેવાઈ રહ્યું છે કે કિમ જોંગને સિંગાપોર લઈ જવા માટે નોર્થ કોરિયાથી ત્રણ અલગ-અલગ વિમાનોએ એક-એક કલાકના અંતરમાં ઉડાણ ભરી હતી. આ ત્રણ વિમાનોમાંથી કિમ કયા વિમાનમાં છે તેની જાણકારી કોઈને નહોતી. ઉત્તર કોરિયાના એક અધિકારી મુજબ આ વાતની સંપૂર્ણ રીતે ગુપ્ત રાખવામાં આવી હતી કે કિમ જોંગ કયા વિમાનમાં છે. પહેલા વિમાનમાં કિમ જોંગ માટે ખાવા-પીવાની વસ્તુઓ, બૂલેટ-પ્રૂફ લિમોજિન કાર તથા પોર્ટેબલ ટોઈલેટ જેવી વસ્તુઓ હતી.
કિમ જોંગ ઉનની નોર્થ કોરિયાથી બહારની આ સંભવત: સૌથી લાંબી યાત્રા હતી.
2011માં સત્તા મળ્યા બાદ નોર્થ કોરિયાથી બહાર કિમની આ ત્રીજી યાત્રા છે. પહેલીવાર કિમ પોતાના દેશથી આટલા લાંબા સમય માટે દૂર રહ્યા. હવાઈ રૂટની સુરક્ષાનું વિશેષ ધ્યાન રાખવામાં આવ્યું. કિમની સુરક્ષાને ધ્યાનમાં રાખતા તે હવાઈ માર્ગને પસંદ કરાયો જેમાં 10 કલાકનો સમય લાગે છે. સુરક્ષાના કારણોથી કિમ જોંગે શાંધાઈ થઈને સિંગાપોરની યાત્રા ન કરી કારણ કે આ રસ્તો સમુદ્ર ઉપર થઈને જાય છે, જેનાથી સુરક્ષામાં પરેશાની આવી શકે છે. કિમ બેઈજિંગ થઈને સિંગાપોરની યાત્રા કરી, જેમાં 10 કલાકનો સમય લાગ્યો.