જામનગરમાં પિતાના દારૂ પીવાના ઠપકાથી પુત્રનો ફાંસો ખાઈ આપઘાત


બે વર્ષના બાળકનું કુંડીમાં પડી જતા મોત
જામનગર તા,17
જામનગરમાં રમણપાર્ક વિસ્તારમાં સાંઇબાબાના મંદિર પાસે રહેતા અને ડ્રાઇવિંગ કામ કરતા જયેશ રાજેશભાઇ રાઠોડ નામના 25 વર્ષના યુવાને ગઇકાલે પોતાના ઘેર પંખામાં દુપટ્ટો બાંધી ગળાફાંસા દ્વારા આત્મહત્યા કરી લઇ પોતાની જીવનલીલા સંકેલી લીધી છે આ બનાવ અંગે મૃતકની માતા હંસાબેને પોલીસને જાણ કરતા પોલીસે મૃતદેહનો કબ્જો સંભાળી તપાાસ હાથ ધરી છે.
પોલીસ પુછપરછમાં માતા દ્વારા એવું જાહેર કરાયુ હતુ કે મૃતક પુત્ર ઘરમાં પૈસા આપતો ન હતો અને દારૂ પીવાની ટેવ ધરાવતો હતો જેથી તેના પિતાએ દારૂ પીવા બાબતે ઠપકો આપતા જે સહન નહી થવાથી આપઘાતનું પગલુ ભરી લીધુ છે જેથી પોલીસ તે દિશામાં તપાસ આરંભી છે.
બાળકનું ડૂબી જતાં મોત
જામનગરમાં રંગમતી પાર્ક વિસ્તારમાં રહેતા 2 વર્ષના માસુમ બાળકનું રમતા રમતા પાણીની કુંડીમાં પડી જતા ડુબી જવાથી કરૂણ મૃત્યુ નિપજયુ છે આ બનાવથી બાળકના પરિવારમાં ભારે શોકની લાગણી છવાઇ છે.
જામનગરના રંગમતી પાર્ક શેરી નં-3 માં રહેતા કેતનભાઇ ડાયાભાઇ પરમારનો બે વર્ષનો માસુમ પુત્ર અક્ષીલ ગઇકાલે રમતા રમતા અકસ્માતે પાણીની કુંડીમાં પડી ગયો હતો અને ડુબી થવાથી મૃત્યુ પામ્યો હતો આ બનાવની જાણ થતા પરિવારમાં ભારે દોડધામ મચી ગઇ હતી અને માસુમ બાળકના મૃત્યુથી પરિવાર ભાંગી ગયો હતો આ બનાવ અંગે મૃતકના પિતાએ પોલીસને જાણ કરતા પોલીસે મૃતદેહનો કબ્જો સંભાળી વધુ તપાસ હાથ ધરી છે.
બાઇકની ઉઠાંતરી
જામનગર તાલુકાના જીવાપર ગામમાં રહેતા નરેન્દ્ર તુલસીભાઇ પરમાર નામના યુવાને મોટી ખાવડી નજીક ખાનગી કંપ્નીના પાર્કીંગના એરીયામાં રાખેલુ પોતાનું રૂા. બાવીસ હજારની કિંમતનું જીજે 10 બી એફ 9383 નંબરનું બાઇક કોઇ તસ્કર ચોરી કરી લઇ ગયુ હોવાની ફરીયાદ મેઘપર પોલીસ મથકમાં નોંધાવાઇ છે.