ચુપ ચુપ કે..!: નેહા ધૂપિયાએ ફ્રેન્ડ અંગદ બેદી સાથે લગ્ન કર્યા

  • ચુપ ચુપ કે..!: નેહા ધૂપિયાએ ફ્રેન્ડ અંગદ બેદી સાથે લગ્ન કર્યા

મુંબઈ તા,12
સોનમ કપૂરના લગ્ન બાદ વધુ એક બોલિવૂડ એક્ટ્રેસ નેહા ધુપિયાએ પણ લગ્ન કરી લીધા છે. તેણે તેના બેસ્ટ ફ્રેન્ડ અંગદ બેદી સાથે દિલ્હીમાં લગ્ન કર્યાં છે. આ સીક્રેટ વેડિંગ બાદ બંનેએ પોતપોતાનાં સોશિયલ મીડિયા એકાઉન્ટ પર ફેન્સને આ ખુશખબરી આપી છે. દિલ્હીમાં ગુરુવારે બંનેએ પરંપરાગત શીખ રીતિરિવાજ મુજબ લગ્ન કર્યાં. અંગદ બેદી, નેહા ધુપિયાનો બેસ્ટ ફ્રેન્ડ પણ છે. અહેવાલો મુજબ, બંને ઘણા સમયથી એકબીજાને ડેટ કરી રહ્યાં હતાં. લગ્ન બાદ કરણ જોહર સહિત ફિલ્મ ઇન્ડસ્ટ્રીના ઘણા દિગ્ગજ કલાકારોએ આ નવદંપતીને શુભકામનાઓ પાઠવી છે. નેહાએ શેયર કર્યો લગ્નનો ફોટો નેહાએ લગ્નનો ફોટો શેયર કરતા લખ્યું છે કે, મારા જીવનનો સૌથી યોગ્ય નિર્ણય. આજે મેં મારા બેસ્ટ ફ્રેન્ડ સાથે લગ્ન કરી લીધાં. હેલો હસબન્ડ એનજીએડીબીઈડીઆઈ. બીજી તરફ અંગદ બેદીએ તેના ઇન્સ્ટાગ્રામ એકાઉન્ટ પર લગ્નની તસવીર શેયર કરતા લખ્યું છે કે, બેસ્ટ ફ્રેન્ડ, હવે મારી પત્ની.
હેલો મિસીસ બેદી. સોશિયલ મીડિયા પર આ ગુડ ન્યૂઝ શેયર કર્યા બાદ ફેન્સ અને બોલિવૂડ સેલેબ્સ તેમને શુભકામનાઓ પાઠવી રહ્યા છે. અંગદ બેદી ભારતીય ક્રિકેટના દિગ્ગજ ખેલાડી બિશન સિંહ બેદીનો પુત્ર છે. આ લગ્ન શીખ રીતિરિવાજ મુજબ થયાં છે. બંનેએ પરિવારની હાજરીમાં ગુપ્ત રીતે લગ્ન કરી લીધાં છે. હાલ નેહા બીએફએફએસ ડબલ્યુઆઈટીએચવીઓજીયુઈ, નો ફિલ્ટર નેહા જેવા ટોક શોઝ કરે છે. નેહાએ હાલમાં જ વિદ્યા બાલન સાથે તુમ્હારી સુલુમાં મહત્ત્વપૂર્ણ પાત્ર ભજવ્યું હતું. નેહા બોલિવૂડ ફિલ્મમાં લીડ એક્ટ્રેસ તરીકે પણ ઘણી વાર કામ કરી ચૂકી છે. જ્યારે અંગ બેદી ઘણી ફિલ્મોમાં કામ કરી ચૂક્યો છે. તે અમિતાભ બચ્ચન તાપસી પન્નુ સ્ટારર પિંક ફિલ્મમાં પણ નજરે પડ્યો હતો.