YouTube પરથી ગાયબ થઈ ગયા પોપ્યુલર વીડિયોઝ: વેબસાઈટ હેક થઈ ગયા બાદ ફરી રિ-સ્ટોર કરાયા

ન્યૂયોર્ક, તા.13
યુ-ટ્યૂબ પર સૌથી વધુ જોવામાં આવેલા વીડિયોઝ સહિત કેટલાક ખૂબ જ લોકપ્રિય વીડિયો મંગળવારે થોડા સમય માટે ગાયબ થઈ ગયા હતા. આ વીડિયોને ડિલીટ કરી દેવાયા હતા અને એવું માનવામાં આવી રહ્યું છે કે કદાચ તેનું હેકિંગ થયું હતું.
જોકે સારી વાત એ છે કે, ગાયબ થયેલા વીડિયોઝને રી-સ્ટોર કરી લેવાયા છે. જે વીડિયો યુટ્યૂબ પરથી ગાયબ થયા હતા તેમાં લુઇસ ફોન્સીનું ‘ડેસ્પાસિતો’ પણ સામેલ હતું, જેને સૌથી વધુ વાર જોવામાં આવ્યું છે. આ વીડિયોએ હાલમાં જ પાંચ અબજ વ્યૂઝનો આંકડો પાર કર્યો હતો.
‘ડેસ્પાસિતો’ ઉપરાંત શકિરા, કેટી પેરી, મરુન5, ટેલર સ્વિફ્ટ અને ડ્રેક જેવા ડઝનો બીજા આર્ટિસ્ટ્સના વીડિયો પણ ગાયબ થયા હતા.
તમામ મીડિયા રિપોર્ટ્સમાં જણાવવામાં આવ્યું છે કે, જે દરમિયાન યુટ્યૂબ પરથી લોકપ્રિય વીડિયો ગાયબ રહ્યા, તે સમયે વીડિયો પર એક સ્ટિલ દેખાઈ રહી હતી, જેમાં ઘણા નકાબધારી લોકો કેમેરાની તરફ બંદૂક તાકી દેખાઈ રહ્યા હતા. તે ઓરિજિનલ વીડિયોનો ભાગ નહોતો અને જ્યારે વ્યઅર્સે વીડિયો પ્લે કરવાની કોશિશ કરી તો સ્ક્રીન પર ’ઝવય દશમયજ્ઞ શત ીક્ષફદફશહફબહય’ મેસેજ આવી રહ્યો હતો.
‘ડેસ્પાસિતો’ સોંગનું ટાઇટલ પણ બદલી નાખવામાં આવ્યું હતું. ત્યાં ’ઇંફભસયમ બુ ઙજ્ઞિતજ્ઞડ્ઢ ઊીંજ્ઞિશ’જઇં જવફમય અસફતવશ ઈંઝ ઊંશફિછજ્ઞજ્ઞિં ડયાવયિ જયક્ષાફશઠયબ ખશતફજ્ઞ’ લખવામાં આવી રહ્યું હતું.
ખુદને પ્રોસેક્સ એન્ડ કુરોઇશ કહેનારા હેકર્સે વીડિયો નીચે ‘ફ્રી પેલેસ્ટાઇન’ લખી દીધું હતું.
સ્પેનિશ ભાષાના મ્યુઝિક વીડિયો ‘ડેસ્પાસિતો’ને જાન્યુઆરી 2017માં રિલીઝ કરવામાં આવ્યો હતો. રિલીઝ બાદથી જ આ વીડિયોએ તમામ રેકોર્ડ્સ તોડી નાખ્યા હતા. અમેરિકામાં તે સળંગ 16 અઠવાડિયાં ટોપ પર રહ્યું હતું. તેને વિવોએ યુટ્યૂબ પર અપલોડ કર્યું હતું. અત્યાર સુધીમાં તેને પાંચ અબજથી વધુ લોકોએ જોયું છે.