સેન્સેક્સમાં 610 પોઈન્ટનો ઉછાળો, નિફ્ટી 10,325 ને પાર


મુંબઈ તા.પ
અમેરિકા-ચીન વચ્ચેની ટ્રેડ વોરનો ભય હળવો થતાં ભારતીય શેરબજારમાં ગુરુવારે તેજી તરફી ચાલ જોવા મળી હતી. બીએસઇ બેન્ચમાર્ક સેન્સેક્સ 610 પોઈન્ટ્સ ઉછળીને જ્યારે નિફ્ટી 10,325 ની સપાટી ઉપર ટ્રેડ થઈ રહ્યા હતા.
બીએસઇની નાણાકીય નીતિ જાહેર થતા અગાઉ આજે સવારે 10.30 વાગ્યે બીએસઇ સેન્સેક્સ 456.89 પોઈન્ટ્સ વધીને 33475.96 પોઈન્ટ્સની સપાટીએ ટ્રેડ થઈ રહ્યો હતો. નેશનલ સ્ટોક એક્સચેંજનો નિફ્ટી 147.35 પોઈન્ટ્સના ઉછાળા સાથે 10,325 પોઈન્ટ્સની સપાટીએ ટ્રેડ થઈ રહ્યો હતો.
આજે સવારે ટાટા મોટર્સ, ટાટા સ્ટીલ, મહિન્દ્રા એન્ડ મહિન્દ્રા, અદાણી પોર્ટ્સ, યસ બેન્ક, હિરો મોટોકોર્પ, ઈન્ડસઈન્ડ બેન્ક, એક્સિસ બેન્ક, જઇઈં, કોલ ઈન્ડિયા, કઝ,ડો. રેડીઝ લેબ, ઈન્ફોસિસ અને સન ફાર્મા વગેરે શેર્સ 2.68 ટકા વધીને ટ્રેડ થઈ રહ્યા હતા.
ગઈકાલે વોલસ્ટ્રીટમાં ઉછાળા બાદ આજે સવારથી જ એશિયાના અન્ય બજારોમાં પણ મજબૂતી જોવા મળી હતી. બ્રોકર્સના જણાવ્યા અનુસાર વિદેશી ફંડ્ઝની તેમજ નાના રોકાણકારોની નવી લેવાલી અને વૈશ્વિક બજારોમાં પોઝિટિવ સેન્ટિમેન્ટને પગલે ભારતીય શેરબજારોમાં પણ આજે તેજી તરફી ચાલ જોવા મળી હતી.
આજે સવારે એશિયાના અન્ય બજારોમાં જાપાનનો નિક્કાઈ 1.63 ટકા વધીને ટ્રેડ થઈ રહ્યો હતો. હોંગકોંગ અને શાંઘાઈ શેરબજારમાં આજે જાહેર રજાને કારણે બંધ હતા.
બુધવારે અમેરિકાનો ડાઉ જોન્સ ઈન્ડેક્સ 0.96 ટકા વધીને બંધ રહ્યો હતો.