ખેડૂતોને મદદ કરવા ગુજરાત સરકારનું ‘અમૂલ’ સાથે જોડાણ


ગાંધીનગર તા,ર4
ઓપરેશન ગ્રીન ગુજરાત અંતર્ગત રાજ્ય સરકારે અમૂલ ડેર સાથે ટાઇઅપ કર્યું છે. આ જોડાણ દ્વારા શાકભાજી અને ફળનું વાવેતર કરતા ખેડૂતો માટે મજબૂત સહકારી નેટવર્ક ઉભું કરવામાં આવશે. અમૂલનો અનુભવ તથા ક્ષમતાનો ઉપયોગ કરી ખેડૂતો પોતાની પ્રોડક્ટને વધુ સારી કિંમતે વેચી શકે તે ઉદ્દેશ્યથી તે હેતુથી આ જોડાણ કરવામાં આવ્યું છે. અત્યારે શાકભાજી અને ફળની ખરીદી, ડિસ્ટ્રીબ્યુશન, કિંમત અને ક્વોલિટી ક્ધટ્રેલની સિસ્ટમ ન હોવા છતાં ખેડૂતોને ઓછી કિંમત મળી રહી છે.
ટૂંક સમયમાં જ અમૂલ પાયલોટ પ્રોજેક્ટ લોન્ચ કરશે, જે અંતર્ગત અમદાવાદ શહેર અને જિલ્લામાં પોતાના મિલ્ક પાર્લર્સમાં શાકભાજી અને ફળ પણ વેચાણમાં મુકાશે.
એગ્રીકલ્ચર, કો-ઓપરેશન અને ફાર્મર વેલ્ફેર ડિપાર્ટમેન્ટના એસીએસ સંજય પ્રસાદે કહ્યું કે, અત્યારે મોટાભાગના ફળ તથા શાકભાજીનું વાવેતર કરતા ખેડૂતો અસંગઠીત રીતે કામ કરે છે. જેના કારણે ઉત્પાદન પછીની ઉપજમાં 15%થી 20%નુ નુકસાન થાય છે. જ્યારે એક જ સમયે પ્રોસેસ કરવા પર તે 6થી 7 ટકા રહે છે. પ્રસદે કહ્યું કે, માત્ર ટમેટા, બટેટા અને કેરીની પ્રોસેસ ઓછા જથ્થામાં થાય છે, જ્યારે વટાણા અને સ્વીટ કોર્ન વધુ જથ્થામાં પ્રોસેસ થાય છે. ભારતમાંથી ફ્રેશ ફ્રૂટ અને શાકભાજીનું 41 લાખ ટન જેટલું નિકાસ થાય છે. જ્યારે નિકાસમાં ગુજરાતનો ફાળો માટે 1.8 ટકા જ છે.
આગળ ઉમેરતા પ્રસાદે કહ્યું કે ઉપજને નુકસાન, લાંબી સપ્લાય ચેઇન, ભાવ ઘટાડો, બિનકાર્યક્ષમ હેન્ડલિંગ, ઉંચો વ્યવસ્થાખર્ચ, ગુણવત્તા સંચાલનના અભાવ અને પ્રતિબંધિત રાસાયણનો ઉપયોગ કર્યો હોવાના લીધે ખેડૂતોએ અસ્થિર ભાવનો સામનો કરવો પડે છે. આવી સમસ્યાઓના સમાધાન માટે ફ્રૂટ અને શાકભાજીનું વાવેતર કરતા ખેડૂતો અને રિટેલર્સનું સહકારી નેટવર્ક ઉભું કરવાના ઉદ્દેશ્યથી અમે અમૂલ સાથે જોડાણ કરવાનું નક્કી કર્યું છે.
સંજય પ્રસાદે કહ્યું કે પ્રેરિત ઉતપાદન, ઉત્પાદનની વૃદ્ધિ અને ઉત્પાદન ખર્ચ ઘટાડવા બાબતે અમૂલ દ્વારા આયોજન કરવામાં આવશે. સમર્પિત આઉટલેટ દ્વારા ખેડૂતોને પોતાની સંકલિત અને નવી કાર્યક્ષમ સપ્લાય ચેઇન સેટઅપ કરવામાં મદદ મળી રહેશે. અમદાવાદ અને ગાંધીનગરમાં આઉટલેટ ખોલવા માટે, પ્રોસેસિંગ અને ડિસ્ટ્રીબ્યુશન સિસ્ટમ સહિત મદદરૂપ થતા ઇન્ફ્રાસ્ટ્રક્ચરને ડેવલપ કરવામાં સરકાર મદદ કરશે. પ્રસાદે ઉમેર્યું કે જેટલી બને તેટલી ઝડપે અમે ઓપરેશન ગ્રીન ગુજરાતને રાજ્યભરમાં ફેલાવવા માગીએ છીએ. ફાજલ ઉત્પાદનની સાચવણી, ૠઅઙ સર્ટિફિકેટ,
કોલ્ડ સ્ટોર્સ, પ્રોસેસિંગ વગેરે બાબતો ખાતરી અમુલ દ્વારા કરવામાં આવશે. ઉપરાંત શાકભાજી અને ફળની ખેતી કરતા ખેડૂતો
માટે બિનજરૂરી બેગ કે કરેટને અવોઇડ કરીને માર્કેટિંગ ખર્ચમાં ઘટાડો કરાશે.